Wa'alaikum salam,
Bagea Kang Jaka, ngiring bingah, salira dipernahkeun di bagian warta
humaniora. Tinangtu bae baris seueur hal-hal anu tiasa diselapkeun
atawa dituliskeun khusus dina eta rubrik. Ngeunaan bahan tina budaya
Tatar Sunda kanggo nulis di dinya, asana moal kakurangan, salila
salira kersa komunikasi atanapi "link" sareng inohong-inohong
kabudayaan Tatar Sunda, kayaning Kang Ayip Rosidi, Abah Surya, Kang
Saini KM, Kang Jacob Sumardjo, jrrd. Pikeun ngahubungan aranjeunna
bawiraos seueur anggota milist anu tiasa ngabantosan (Insya Alloh
sim kuring oge upama diperedih mah tiasa rumojong).
Dina lebah jejer (topik), jejer-jejer dina arsip file di ieu milist
atawa milist kasundaan sanesna tiasa dijadikeun lawang saketeng
("entri point")-na. Mangga, kalintang saena ieu kasempetan anu
dipayunan ku salira teh. Jalaran, sakumaha numutkeun Kang Saini KM,
oge inohong sanesna, krisis bangsa urang sajatina ngarupakeun krisis
moral jeung kabudayaan, kalawan nya nya widang humaniora anu tiasa
ngobatan ieu krisis, sok sanaos heunteu tiasa sakumaha babasan, "pok
torolong".
Widang humaniora (ajen-inajen tradisi, sajarah, "kepurbakalaan",
bahasa jeung aksara daerah, jeung kasenian) geus leuwih ti 32 tahun
di kagigirkeun, heunteu meunang perhatian anu sakuduna dina
pangwangunan bangsa urang. Emut keneh kapungkur, di kampus-kampus
malah anu digegedekeun teh olah raga. Beda jeung di LN anu
ngawajibkeun kuliah filsafat jeung seni di paguron luhur. Kukituna,
sacara budaya urang heunteu siap nyanghareupan parobahan jaman ku
ayana pangwangunan (anu salila 32 taun rada nyanggereng ka
kapitalisme). Ceuk WS Rendra mah, bangsa urang satutasna kamerdekaan
heunteu hasil ngawangun dialog kabudayaan jeung budaya-budaya anu
datang ti luar (kapitalisme, globalisasi, jrrd). Anu kajadian nya
moral saperti: KKN, "aji mumpung", ngautamakeun gengsi, "hedonisme",
jeung dulur-dulurna.
Ngawangun jatidir bangsa, sakuduna dimimitian deui ku ngahaeutkeun
atikan humaniora. Majalah atawa koran ngarupakeun sarana atikan
informal anu kalintang ageung pangaruhna dina ngawangun sikep
publik, anu sacara lalaunan tiasa ngarobih jatidiri masyarakat ka
jihat ani leuwih siap mayunan parobahan atawa tantangan kamajuan
jaman. Mangga si kuring ngorojong pisan kana pamaksadan.
Baktos,
manAR
--- In [EMAIL PROTECTED], jaka ekalaya <[EMAIL PROTECTED]>
wrote:
> Assalamu alaikum,
>
> Alhamdulillah, geuning seueur dulur nu kersa nulung.
> Perkawis Kian Santang, eta mangrupi 'proyek' pribadi.
> Nyobi-nyobi tutulisan.
>
> Nu sanesna, kaleresan abdi teh nembe ngalih ti berita2
> pulitik ka berita-berita humaniora, budaya jjrd.
> Sapertos nu aya di rubrik "Selingan" majalah TEMPO. Nu
> mawi sering pisan kirang ide teh. Tah, upami kaleresan
> aya hal-hal kasundaan nu tiasa "di Selingan-keun" sim
> kuring kacida bungahna. Mung nya kitu wae, ulah males
> masihan info ka simkuring.
>
>
> Darmawan Sepriyossa
>
>
>
> > >
> > > __________________________________
> > > Do you Yahoo!?
> > > Check out the new Yahoo! Front Page.
> > > www.yahoo.com
> >
> >
> >
> >
>
>
> __________________________________________________
> Do You Yahoo!?
> Tired of spam? Yahoo! Mail has the best spam protection around
> http://mail.yahoo.com
------------------------ Yahoo! Groups Sponsor --------------------~-->
Make a clean sweep of pop-up ads. Yahoo! Companion Toolbar.
Now with Pop-Up Blocker. Get it for free!
http://us.click.yahoo.com/L5YrjA/eSIIAA/yQLSAA/0EHolB/TM
--------------------------------------------------------------------~->
Komunitas Urang Sunda --> http://www.Urang-Sunda.or.id
Yahoo! Groups Links
<*> To visit your group on the web, go to:
http://groups.yahoo.com/group/urangsunda/
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
