Wilujeng sonten ka sadayana,
Tilu poe katompernakeun ieu internet di kantor kaserang "muriang" alatan antene-na kasamber gelap. Atuh bati kumejot bae teu bisa ngalongok milist. Ari kudu ka warnet piraku bae da tangtuna oge ninggalkeun pagawean. Ngeunaan kajadian di TPS Bojong, Kalapanunggal, Bogor, ngiring belasungkawa. Inget harita kungsi ngalongok ka eta patempatan, diajak kunu ngajual lahan eta pabrik keur ngokolakeun runtah Jakarta. Anu ngajak teh salah saurang "pemain" di widang ngokolakeun runtah Jkt. harita anjeunna keur naksir "inovasi" Kang Idrus anu gaduh teknologi ngokolakeun runtah-heunteu ukur jadi kompos-jadi gemuk NPK Super. Si manehna hanjakaleun pisan geus ngajual eta lahan ka konglomerat (anu boga lahan jeung pabrik ayeuna anu diruksak), bari jeung can lunas cenah pameulina teh (sigana ayeuna mah syukuran manehna teh lantaran heunteu jadi nyieun pabrik ngokolakeun runtah). Tina kajadian TPS Bojong-Bogor, tetela ngokolakeun runtah jadi...naon bae, heunteu ukur cukup ku ayana teknologi jeung modal. Pasoalan sosialna anu justru pohara nanggtukeun hasilna jeung-tangtu bae-kahayang pamarentah (political will) anu diwijudkeun ku sosialisasi jeung jaminan kaamanan kudu sayagi. Ieu teh mawa implikasi kudu ayana manajemen anu ngalibetkeun masyarakat sabudeureun patempatan, jeung teknologina kudu bebas polusi (bau, disagigireun tangtu bae kudu ekonomis (kudu ngahasilkeun produk anu diperlukeun ku rakyat loba jeung "layak" lingkungan. Saenyana, teknolog Kang "I" geus ka dinya: bau bisa leungit da aya enzim "penghilang" bau ciptaan anjeunna anu baris digunakeun; nu mulung jeung tukang lapak oge dilbetkeun dina proses awalna. Malah mah proposalna oge geus kungsi kacepeng ku Gubernur Jabar, hanjakal..........sigana malati cang lingsir ku wanci, campaka tacan ligar ku mangsa, teu acan patepung qodlo jeung qodarna. Anapon anu ayeuna kajadian di Bogor, ngokolakeun runtah teh ukur jadi biogas anu tangtuna masih nyesakeun polusi jeung "limbah" anu mokaha. Jeung deui, ceuk cenah, AMDAL-na oge pabaliut. Meanya bae AMDAL nu dipake teh AMDAL pabrik keramik. Mun enya teh kitu dongeng AMDAL-na, pantesan bae anu demo sakitu ngagalaksakna. Urusan sosialna tetela teu acan rengse sapuratina. Kaduana, soal polisi urang anu tacan robah sakitu alam reformasi geus diganti ko "orde persatuan". Polisi dina ngarengsekeun pasoalan kaamanan tetep bae migunakeun cara-cara militer. Padahal tugas aranjeunna teh ukur mawa anu nyien masalah hukum ka pangadilan. Mangga bae titetan rekaman video anu mindeng dibalikan di sababaraha tv, kumaha "telengesna" aranjeunna dina newak anu ceuk cenah "ngacowkeun" kaamanan. Inna lillaahi wa inna ilahi roo'jiun ka para korban kajadian/kasus TPS Bojong-Bogor. "Inna lillaahi wa inna ilahi roo'jiun" sareng ngiring bela sungkawa oge ka Kang Edy Cimalati anu parantos dikantun tilar dunya ku raina. Pamugi aya dina katawekalan nampi cocobi ti Ilhi Robbi. Ka anu ngantunkeun, pamugi ditampi iman-islamna, kenging nikmat kubur sareng dilebetkeun ka golongan katuhu. Amin. Ngeunaan "kumeok memeh dipacok". Sapuk pisan. Diajar migunakeun basa teu aya deui iwal ti kudu prak ngalaksakeunna. Tong hariwang ku sieun salah, salila paniatan teh pikeun ngawangun komunikasi anu efektif, Insya Alloh moal aya basa/kecap anu mengpar. Hatur nuhun Kang Rachmat, oge Kang Kandar sareng sadaya anu parantos mairan jejer ieu. Implengan anu medal tina guaran jejer eta ngeunaan perluna mikirkeun bahasa anu merenah, anu komunikatif pikeun campur gaul sapopoe jeung pikeun elmu pangaweruh ngailhaman sim kuring. Kabeneran puguh minggu-minggu ieu teh keur diperedih ku Disbudpar Jabar pikeun ngaropea RENSTRA organisasina. Program mekarkeun jeung ngamasyarakatkeun basa Sunda anu merenah jeung basa Sunda pikeun dunya elmu pangaweruh langsung dituliskeun dina usulan program, lengkep jeung panalangtikanna oge sosialisasina. Pamugi bae, upama teu aya "beurit" anu sok ngurihit pamikiran kolektif sarae mah ieu program teh sakuduna ditarima jeung dilaksanakeun ku pamarentah. Ngeunaan "Maharaja singgasana Pajajaran Lowong" asana kungsi posting sababaraha bulan (atawa taun kamari), ngeunaan papanggihan sorangan jeung anu "ngaku" salaku "duta besar karajaan Pajajaran". Ngan asa teu percaya da papanggihna teh dina beus, diuk gigireun sa beus ka Bandungkeun ti Bogor. Anu matak muriding bulu punduk mah eta waktu anjeunna kusiwel ngaluarkeun KTP Pajajaran. Resep euy ningali banderana jeung lambang karajaanna. Percaya teu percaya, jeung asa can tembong urusanna salila tacan kasaksian mangpaatna keur balarea ieu jejer teh. Ari tali nganteng caritana mah rada akur jeung nu kungsi katarima salila ieu. Moal kitu Kang "Baranyay" anu dina lampiran teh dongeng anu sarua jeung ti juragan "duta besar" anu angkat-angkatan cukup migunakeun mobil umum? Hanjakal attachment-na teu tiasa dibuka, tiasa kitu dikintunkeun deui kalawan japri? Hatur nuhun sateuacanna. Baktosna, manAR --- In [EMAIL PROTECTED], "baranyay" <[EMAIL PROTECTED]> wrote: > Baraya, yeuh aya bewara ti anu ngagem pajajaran (duka leres heunteuna mah) > mangga > > kamari maraneh kukurilingan di bogor > > baranyay!! ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
