Kalintang sapukna kana usaha-usaha anu dilaksanakeun ku Kusnet anu geus nyoko kana jejer ngaronjatkeun Indeks Pembangunan Manusa (IPM) Jabar. Ieu teh parantos luyu sareng jejer gede program pamarentah Jawa Barat. Sok sanajan konsep IPM jeung kasangtukangna ieu udagan teh pakait reujeung hasil laporan jeung pameredih lembaga-lembaga dunya, saperti Bank Dunia, jsb; tapi enas-enasna mah bener pisan. Jawa Barat katinggaleun pisan dina lebah indeks hontalan kasehatan (anu diwujudkeun ku angka rata-rata umur), ekonomi (anu direpresentasikeun ku "daya beli"), jeung atikan (anu dinyatakeun ku lilana ngalaman atikan dasar jeung angka melek huruf).
Disebut pakait jeung pamikiran seler sejen, upamana, "daya beli" (DB) heunteu salawasna pakait jeung indeks atikan. Seniman, contona, sanajan heunteu kungsi meunang atikan luhur, atawa dasar, loba anu nyangking DB ngaleuwihan indeks standar. Program PKS geus nincak ka jihat ngaronjatkeun IPM. Kantun ngukur hasilna bae. Ti payun si kuring kungsi ngusulkeun supaya aya indikator udagan tina program PKS. Ieu oge diusulkeun ku Kang MGT. Pamugi bae ka payun tiasa diwujudkeun, dugi ka hasilna tiasa kaukur. Keur ngaronjatkeun DB, program anu anyar, ngokolakeun sabagean tina zakat, bisa jadi harepan. Anu kudu diheulakeun nya tangtu bae, DB sangkan heunteu ngurangan anggaran masyarakat teu mampu pikeun nempuh atikan. Tegesna, bantuan pikeun nempuh atikan sangkan panghasilan rakyat anu teu mampu anu bade disumbang teh heunteu kacontang ku biaya pikeun atikan. Ieu oge perlu pangemut, naha bade kitu bae maparinan bantosan atanapi bantosan teh mangrupi modal?. Sakaitan jeung DB, hasil panalungtikan anu ngarongheap dina KIBS I, taya lian yen loba urang Sunda anu kajiret ku pasar modal anu teu resmi atawa "pasar gelap" (B. Ind.). Praktekna, ijon jeung rentenir tea. Ieu teh kalintang mahabuna, lain bae di dayeuh, tapi oge di padesaan. Khususna, loba US anu kajiret ku rentenir ti seler sejen. Naha kira-kirana program divisi dana US teh bisa dikamalirkeun pikeun ngurangan eta pasoalan di sagigireun atikan? Anu akhir, soal indkes kasehatan. Memang ieu rada merlukeun pangemut anu jero pikeun ngawujudkeun usaha nyata ti Kusnet pakait jeung pirang-pirang watesan (kendala) anggota Kusnet. Program lebah dieu bisa disawang tina dua jihat. Kahiji, lengkah anu kaasup "pencegahan" (ngahulag). Kadua, pangobatan pikeun anu geus kaserang panyakit. Anu kahiji, pakait jeung perilaku, kabiasaan sapopoe, hartina dalit pakaitna jeung masalah budaya. Anu kadua, ngait deui bae kana DB jeung pangaweruh. Program anu dilakonan ku Pamarentah dina lebah dieu diantarana sosialisasi kasehatan lingkungan mignakeun seni (program Kang Acil jeung pintonan wayang pikeun "penyuluhan" kasehatan, upamana), disagigireun tangtu bae nyayoigikeun obat-obatan murah (ieu oge program nasional). Naha kira-kira program Kusnet oge dina ngoronjatkeun IPM widang kasehatan seja nuju ka jihat kuratif atawa leuwih nyoko kana ngawangun budaya sehat? Upama nyoko kana ngawangun budaya sehat, program PKS tiasa dikantetkeun. Hartina, dina nyayogikeun buku-buku keur eusi pabukon teh proporsi buku-buku ngeunaan kasehatan tiasa digedekeun. Atawa, bisa oge Kusnet naratas kampanye pikeun ngabiasakeun deui adat US dina konsumsi kadaharan jeung perilaku kahirupan anu sehat. Sumangga, nyanggakeun. Baktosna, manAR ------------------------ Yahoo! Groups Sponsor --------------------~--> Make a clean sweep of pop-up ads. Yahoo! Companion Toolbar. Now with Pop-Up Blocker. Get it for free! http://us.click.yahoo.com/L5YrjA/eSIIAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
