Haturan Kang,
Keur saheulanan, si kuring heunteu pati percaya ayana karajaan Pajajaran dina wanci kiwari, sabab nyaeta tacan kapaluruh buktina. Anapon papanggihan di jalan waktu ka Bandung-keun ti Bogor anu kungsi dicaritakeun, saheulanan dianggap anu ayana golongan keur boga cita-cita ka dinya. Ngarojong? ke heula anan, sabab heunteu kurang panyelewengan anu migunakeun modus harta karun jeung cara- cara sejen sarupa kitu. Ngeunaan bewara/wawar atawa selebaran "Kerajaan Sunda Besar" rengse dititenan (hatur nuhun ka Kang Kandar, japrina). Kaharti ari maksudna mah, tujuanna pohara hadena. Anu jadi kamelang teh eta lebah aya golongan anu ngamanfaatkeun bewara saperti kitu pikeun nipu masyarakat. Ti heula kungsi si kuring nandaan yen wawar ngeunaan hiji Yayasan anu migunakeun ngaran masyhur Kahar Muzakar kana baris pibahlaeun. Enya bae, sababaraha waktu kabehdieunakeun loba laporan, malah kungsi ditulis di majalah Tempo soal panipuan anu dilakukeun ku eta Yayasan. Ti baheula tepi ka ayeuna, heunteu saeutik modus panipuan anu ngaunakeun jargo-jargo saperti: harta karun Pajajaran, dana revolusi, Ratu Adil, Amal Muslim, jst. Kumaha atuh patokanna? anu utama mah nyoko kana conto Rosul saw, sagala rupa oge kudu aya bajoangna. Rezeki moal kitu bae ragrag ti langit bari jeung teu aya usahana. Rosul saw sanaja ditawaran emas sababaraha pasir (BI: bukit) heunteu kersaeun da heunteu kitu alamiahna anu bisa dilakukeun ku masyarakat loba mah. Rosul saw kudu tetep mere conto yen tugas hirup manusa mah ukur bajoang, hasil heunteuna eta di luar kakawasaan manusa. Kukituna, patokan kahiji mah nya tetep kudu usaha jeung bajoang. Moal kitu bae aya gajih mangjuta-juta pikeun pangurus harta (lain pagawe pamarentahan). Mangga tengetan bae, nomor 2) dina eta wawaran. Sakitu matak ngirutna, bade dipaparinan gaji antara 2 000.000 tepi ka 25.000.000 rupia pikeun pangurus harta. Matak kataji, tapi sabeberna rada teu kaharti ku akal. Pangirut no 2) dina eta wawar dieuyeuban ku hal-hal anu matak narik ati anu maca jeung keuna kana angen-angen masyarakat loba. Mangga tengetan no 1), 3) jeung 4) oge Tujuan. Khususna "Tujuan", keuna pisan kana harepan sabagean gede rahayat. Pinter pisan. Naha heunteu aya pisan kamungkinan eta wawar teh bener? Kieu bae atuh patokan satuluyna mah, salila eta program heunteu meredih beaya (duit) ti rahayat, mangga tiasa dibandungan terasna. Dibandungan heula, sabab saha anu terang upama enya oge heunteu narik duit sapeser oge ti masyarakat, apan urang heunteu terang ti mana duit aranjeunna? Kajaba upama sanggeus aya katerangan di payuneun publik ngeunaan eta program jeung anu tanggelwalerna sarta dijelaskeun ti nmana bae anggaran anu sadia teh asalna, urang tiasa nangtukeun sikep. Dina lebah dieu, tradisi Islam anu lempeng tos nyontoan, leuwih hade sidqoh ukur ku ali (cincin) perak, tapi boga sorangan, tinimbang "karya" gede-upamana ngawangun masjid jeung prasarana kota- tapi duitna hasil curaling, korupsi atawa maling; atawa prak- prakanna ku cara nandasa papada manusa. Karajaan Pajajaran ayana dina ingetan sewang-sewangan, karya jeung yasa anu ti heula anu nyoko kana ngawalatrakeun jalma rea sakumaha karekam ku bukti-bukti sajarah (prasasti, carita rakyat, pantun, tembang, jst) anu nimbulkeun angen-angen kuat pikeun ngawujudkeunna deui dina alam kakiwarian. Karajaan Pajajaran aya dina lajuning laku papagon jeung kawijakan baheula, diantarana: "Pakena Gawe Rahayu, Pakeun Heubeul Jaya dina Bhuana" atawa "Pakena Gawe Rahayu pakeun Tanjeur dina Juritan", sakumaha dina prasasti Kawali. maksud bebasna:" (Prak geura) Digarawe anu soson-soson babakti ka papada manusa sangkan lila jaya hirup di dunya" (anu kadua:"....sangkan unggul dina satiap pangperangan"). Atawa, karajaan Pajajaran teh tandana sakumaha dina Prasasti Batutulis-Bogor anu mere conto naon bae pagawean penting anu kudu diheulakeun dilaksanakeun ku raja (pamarentah). Taya lian ti nyaeta nyumponan pangubutuh poko balarea tea atawa dina basa ayeuna mah "pelayanan umum" tea (nyieun jalan, nyadiakeun sumber cai, ngajamin pangubuth rahayat pikeun prak ibadah, jsb). Singketna, karajaan Pajajaran teh ngamuhit filsafat karya. Ajen- inajen pokona sakumaha maksud 3 jejer kasundaa: SILAS, Ngertakeun Bumi Lamba jeung mulasara Kabuyutan. Upama, sabagean gede bae teu kudu sagemblengna- rahayat Tatar Sunda geus prak ngalaksanakeun usaha-usaha sakumaha eusi eta prasasti, Karajaan Pajajaran teh keur nguniang deui hudang. Tah anu ieu mah kudu malah wajib diturutan jeung dituturkeunana teh. Cag. Baktosna, manAR --- In [EMAIL PROTECTED], durahman <[EMAIL PROTECTED]> wrote: > Sababaraha pertanyaan sim kuring > diantawisna; dimana tempatna kerajaanana, mana bae wilayahna, naon bae > nu tos dilakukeun dina rangka ngawangun lemah cai--pembangunan fisik, > pendidikan, spiritual--kumaha hubungan luar negerina, bidang militerna > kumaha, jrrd. > > NB: > Nuhunkeun koreksina bilih aya tulisan sim kuring anu lepat > (Please, correct me if i'm wrong) > -- > Best Regard, > DURACHMAN (mailto:[EMAIL PROTECTED]) > http://www.geocities.com/dur74/ > http://sg.briefcase.yahoo.com/dur74 ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
