************************************************************** Bismillah! Haturan sakumna baraya nu aya dina jejer ieu! Mugia urang sadaya aya dina ginanjar kawilujengan, amin!
-Bubuka- ".........Tapi, engke jaga bakal aya nu nyoba-nyoba, supaya nu laleungit kapanggih deui, nya bisa, ngan mapayna kudu make amparan. Tapi anu marapayna loba nu arieu aing pangpinterna. Mudu aredan heula..........." Ti sababaraha minggu katukangkeuneun, sim kuring merhatoskeun....komo ti saprak ayana kongres di cimalati, di ieu Nagri KUSnet ([EMAIL PROTECTED])/ NK (Haturan Ua Sas) asa rame pisan....... meuni pating gorenyang, pating paciweuh, timana-mendi daratang boh nu anyarna bok nu lawasna, ... sigana satria pinandita atawa pinandita satriana keur tarurun, araub di ieu NK. Gerentes hate teh siga na ieu teh salah sahiji wancihna di Uga-keun ku Kang Prabu Jayadewata tea, kituh? Sigana deui ceuk kuring, Kang Prabu teh keur nyumebarkeun wawangina ka NK Tti dayeuh Bandung ka Bogorkeun ka Seoulkeun ka Jawa, Eropa, Kalimantan, Jepun, Banten, Cerbon jeung sabudeureuna, ka Batam keun ka Sumatra ka Amerika, saeutik ka ostrali, ka Afrikakeun ka Timur Tengah, ka Monggol keuneun ka Pacifique ka Papuakeun balik deui ka Jakarta, duka ah kumaha runtuyan saleresna mah jeung kamana deui engkena teh ........ Ngabandungan ti saprak ilubiung di ieu NK, ceuk si kuring teh ningan satekah polahna US di ieu NK teh ngaragem pisan......aya nu sonagar aya oge nu kulamat-kelemet. Aya nu teugeug aya nu handap asor. Aya nu benduan, aya oge nu jembar manah. Aya nu saliwatan, aya oge nu mayeng. Aya nu diajar, aya oge nu ngajar........... tapi harita teh, rasana mah aya oge nu teu betah, aya oge nu teu malire, aya oge nu inggis ngadegna ieu NK teh!. Kulantaran urang mah niatna oge lain keur misah ti NKRI, lain keur ngagogorengkeun batur, lain keur kapentingan sewang-sewangan...... saukur hayang ngubaran kasono ka tatar, hayang ngarasaan kareueus jadi US, hayang ngabela jeung nyumbang bakti ka lemah cai urang.....jadi ti mangsa ngadegna NK, ayeuna jeung jaga engke pageto... sugan bae NK urang ieu teh jadi salah sahiji amparan nu di sebut dina Uga Kang Prabu tea, amparan nu mangfaat keur samudaya US, jeung NKRI umumna mah! Amin! -Jalaloka KUSnet-(Haturan Kang Kandar) Asa aya karingrang..... asana mun para satria jeung panditana nu boga kasaktenan di ieu NK teh ngan ngukut atawa ngokola sewang-sewangan eta kasaktenan teh, sigana jauh taneuh ka langit, mun tea mah urang teh boga kahayang keur ngahontal kananjungan sunda sapuratina 2015 tea (Haturan Kang Tirta). Ayana JK (Jalaloka KUSnet-http://www.urang-sunda.or.id/) ceuk sim kuring mah salah sahiji fungsi na teh pikeun pabukon alam maya (hese keneh padanan BS na) ti urang pikeun urang jeung balarea. Nya timana atuh ari disebut pabukonmah buku-buku na teh?.....nya tina : 1. mairan-mairan para satria jeung pandita tea [dumasar galeugeunjeur alamiah pisan. kumaha leokna angin jeung ngamalirna cai susukan (Haturan Mang Hasan)], 2. ngaitkeun ka JK, jalaloka-jalaloka nu dipibanda ku satria &/ pandita urang (nu geus aya sewang-sewang), 3. ngaitkeun ka JK, jalaloka-jalaloka nu dipibanda ku ki sunda, nu aya patula talina jeung ki sunda jeung kasundaan urang. (asana teh tadi aya kakait jalaloka Persib di JK teh) -Jejer Diskusi- Lamun di tengetan mah ningan eusi mairan-mairan di NK, boh dina dariana boh dina henteuna kitu oge nu heureuy na, ningan eusina teh remen ku kasaluyuan jeung panganjen nu kasebut SILAS tea (teu keur kapentingan sewang-sewangan), kituna oge eusi jejer teh teu kawilang remen ku panemuna, boh ditilik tina widang politik na, sosial na, agama na, komo kabudayaan jeung bahasa mah. Kukituna sigana kaayaan JK teh kudu leuwih aktif jeung dimangfaat keun sangkan urang teh teu papencar, teu sewang-sewangan. Kuring mah boga kahayang teh : 1. Sugan bae mairan-mairan ti NK teh bisa di pilah-pilah terus diasupkeun ka JK dina rohangan keur politik, agama, budaya, bahasa, pangalaman baraya, jrrd [sigana mah aya, tapi can lumangsung hirup (up-dated)]. 2. Kapan JK teh amparanna NK lin?... kukituna sugan bae atuh aya rohangan samisal "Padungdengan minggu kamari" atawa "gunem catur minggu ieu", atawa naon bae nu sifatna robah tiap minggu sangkan bisa narik minat keur saha-saha nu ngaliwat ka JK (keur US khususna mah) jadi bisa miluan mairan [pedah harita si kuring ngajakan salah sahiji US nu luhung elmu IT na, ditembal teh...mun teu loba mangfaat na mah keur naon cenah!, tapi kukuring teh di jawab yen urang teh kudu boga kahayang keur majukeun US jeung TS ku kabisa jeung sarana nu ku urang piboga, malahan mah harita pisan kuring ngabejaan ka manehna yen urang teh keur taki-taki nek ngahanca digitalisasi al-quran vesi sunda jeung naskah-naskan kasundaan [numutkeun obrolan sareng Ua Oman harita (Haturan Ua manAr)]....si manehna teh meuni reueus dicaritakeun ku kuring kitu teh....cenah ke atuh nek nyoba ningalian heula........tapi nepikeun ka ayeuna teh asana mah can pernah si manehna mairan, teuing tapi mun ngalongokan mah.... nek ditanyakeun atawa menta bantuan ka manehna rada era oge, da harita teh pernah nanya (nga-PM/off line), naha cenah JK teh, teu usik-usik siga nu keur sare?] 3.Sigana oge padungdengan dina saminggu atawa babaraha minggu nu masih rame keneh, saenya na perlu ditata meh merenah. Si kuring sakapeung sok binggung mun nek mairan teh... tu da pernah jejer na teh daria pisan tapi pas diilo teh ningan ngarobrol keur jarangjian.(ambuing...mun diwarung mah sok bae lah..heuheuehu) Ari di NK mah ningaan baraya urang teh teu sakabeh na bisa mairan dina waktu jeung poe nu sarua/ matuh, tapi ngamoderatoran (naon tuh BS na teh? ngalongseran kituh? pedah ti moderator dihartikeun Ki Lengser ku sikuring mah, heuheuheu.......punten ah pang merenah keun) mairan-mairan dinu jejer teh (komo nu daria mah) kudu jeung perlu, mun urang teh satemena boga kahayang nek ngokolakeun NK jeung JK teh ku cara nu perceka (profesional) (keun bae ah! warung mah paranti urang miceun sutres ambeh urang teu dusunan/minder pangpangna mah....heuheuheu). Ku kituna kudu dihanca ku kadariaan nu saluyu jeung kaayaan (fleksibel kituh?) siga kamari salah sahiji picontoeun teh, enya! hancaaan babarengan salah sahiji naskah kasundaan urang. Intina mah, babarengan tapi teu ngabeuratkeun jeung teu di beungbeuratan........ jadi nya kitu oge jalanna KL (Ki Lengser) teh (diserahkeun ka forum) jeung deui kudu nguriling pancenannana teh, jadi dina hiji jejer teh bisa bae aya dua atawa tilu KL, nu mana KL nu ka hiji nu merenah keun, dua deui keur cadangan. Minggu hareupna ganti deui, kitu jeung kitu jadi sakalian urang diajar jeung ngajarkeun ka urang ti urang tea, kumaha ngalongseran jeung jadi Lengser teh. -Nagri KUSnet- (Haturan Ua Sas) Kahayang teh (loba kahayang nya..heuheuh!, keun bae ah! mangpang meungpeung, keur aya baraya keneh) lamun samisalkeun ieu teh Nagri, pikacontoeun nu hade ti karuhun urang teh bisa oge dipateakeun di alam maya (hmmm... naon nya BS na). Contona mah Tritangtu di bumi tea (kitu sanes!, punten pang lereskeun). Mun kitu mah, atuh saha nu kudu jadi Rama teh, saha nu jadi Resi teh kitu deui saha nu jadi Prabu teh???.....Ceuk kuring teh, sigana teu kudu di tunjuk atawa nunjuk, sawatara ieu mah, kumaha prak na bae ngalir..... kapan nu ngaranna kyai oge jadi na teh kumaha satekah polahna eta jelama, teu sing disebut kyai mun teh eta jelema teh baragajul jeung mere conto nu teu baleg..... nya ari kitu mah sok atuh der atuh ka baraya, kasaktenan teh geura di silih keun ka baraya nu lianna ..... ke oge bakal katohyan mana nu pantes di sebut Rama, Resi atawa Prabu!.... atawa beurat teuing kituh ieu istilah teh.... nya mun kitu mah, saluyukeun bae ku istilaah nu lianna nu saluyu jeung kaayaan jaman ayeuna. -Panutup- Nanaon oge teu enteng mun ku sorangan mah, nanaon oge teu beurat mun babaraengan mah. Seug atuh nu di dayeuh Bandung, Banten, Batam, Cerbon, Jakarta, nu di jero jeung di luar tatar, urang bantuan tah ki kuncen dina ngokolakeun ieu JK teh, urang pada-pada silih wangi sangkan eusi ieu JK teh bisa hirup terus unggal usik jeung bisa manggfaat leuwih hade. Amin! Hapunten nu kasuhun! -pun adi- *********************************************** ------------------------ Yahoo! Groups Sponsor --------------------~--> $4.98 domain names from Yahoo!. Register anything. http://us.click.yahoo.com/Q7_YsB/neXJAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
