Hatur
nuhun Kang Ikmal..!!
Aya
keneh yeuh....pangnaroskeun
1.a.
Kumaha pamendak Pa Anis ngeunaan buku Pa Jacob Sumardjo "Simbol-simbol Artefak
Budaya Sunda Tafsir Pantun Sunda", kumargi dina ieu buku seueur pisan carita
pantun dikaitkeun sareng kosmologi "Sunda" diantawisna hartos Buana Nyungcung,
Buana Pancatengah sareng Buana Rarang, kitu deui disebatkeun yen Sunda mah
budaya dasarna budaya Huma, nu tangtos aya plus minusna dibanding budaya
nyawah.
b.
Kumaha kondisina Teater/ Pertunjukan Uyeg ayeuna, naha masih keneh sok di
pentaskeun, sareng naha leres tos leungit dangiangna (desakralisasi)..?(
numutkeun Pa Arthur S Nalan mah nya Pa Anis pisan nu ngahirupkeun deui teater
Uyeg ti Citepus teh dina wangun anu tos dimodifikasi).
c.
Dina Mangle (punten hilap deui nomer sabaraha) Pa Anis kantos nyerat nu nolak
sapajodogan kana anggapan yen Gajah Mada teh urang Sunda, naon kasang tukangna
pangna anjeuna nyerat siga kitu, naha aya kitu urang Sunda nu ngangken yen Gajah
Mada teh urang Sunda..? ( memang sim kuring kantos ngobrol sareng ihwan nu muhit
kabatinan nu tina pangakuna tiasa ngangkir lelembutna Gajah Mada, inyana keukeuh
tur ngaenyakeun pisan yen Gajah Mada teh urang Sunda, ceuk ieu ihwan Gajah Mada
ngarasa kaduhung ku ambisi pribadina dugi ka daek ngorbankeun sekeselerna
sorangan, keur sim kuring mah ieu pamadegan ihwan teh mung sakadar
informasi nu teu aya "ajen", kumargi dimensi/ukuran mistis teu
tiasa dicampur aduk sareng dimensi/ukuran realitas
).
2.
Upami buku-buku ngeunaan Sunda nu aya di Pa Anis tiasa difotokopi (diijinkeun ku
anjeuna), kalebet buku sual Baduy, pangmotokopikeun sadayana, insya alloh
sadayana waragad motokopi sareng ongkos kirim ka Bandung digentosan
sagemblengna.
Sakitu
we heula. Hatur nuhun sateuacanna.
Kang
Ikmal...Pa Anis teh inohong anu kacida jerona ngeunaan pangaweruh Kasundaan
(terang soteh sok maca seratan anjeuna), cobi geura guar sareng ditimba,
diala tur dugi ka nyerep pangaweruhna tangtos anjeuna bakal bingaheun komo diala
ku budak ngora mah.
MSasmita
-----Original Message-----Ua sas... mangga, Insya Allah abdi bade ngadeuheus deui ka Pa Anis
From: Ikmal [mailto:[EMAIL PROTECTED]
Sent: Thursday, December 30, 2004 7:32 PM
To: [email protected]
Subject: Re: [Urang Sunda] Waktos di Cimalati
(anjeuna sok ngabapakeun pami nyebat ka nyalira teh) aya deui teu nu
bade di taroskeun? kapungkur mah anjeuna sok ngadongenkeun dulur urang
nu di baduy, da anjeuna saurna teh di baduy dalam na oge 21 taun, janten
terangeun pisan hirup kumbuh na dulur urang di ditu teh.
hatur nuhun,
ikmal
Komunitas Urang Sunda --> http://www.Urang-Sunda.or.id
| Yahoo! Groups Sponsor | |
|
|
Yahoo! Groups Links
- To visit your group on the web, go to:
http://groups.yahoo.com/group/urangsunda/
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
