Dina KOMPAS poe minggu, aya artikel husus wawancara ngeunaan Pa Danny nu ahli geologi tea (pasti balad Kang Oman). Poe kamari, kabeneran diajak lalajo seminar sapoe di Dep. Pariwisata & Kebudayaan ngeunaan "Manusa Flores" tea. Lian ti, tangtu, merhatikeun eusi seminarna, oge nempoan saha2 jalma nu datang, komo narasumberna mah. Ngeunaan aspek geologina, nu jadi narasumberna urang Sunda. Aya oge Pa Uka Candrasasmita, ahli widang naon nya anjeunna teh? Tapi anu jadi puseurna mah, Prof. T. Jacob & Soedjono, kaleresan sanes urang Sunda, hehe...
Ngeunaan manusa Flores, nu geus katelah Homo floresiensis tea, geuning rame keneh padungdenganana teh. Nempo replikana, enya mani leutik sirahna teh, sagede sirah budak orok meureun. Beda anu poko ti eta dua grup panalungtik, sakumaha anu geus rame wawarna di media, nyaeta ngeunaan spesies eta "manusa". Ari tim nu ngumumkeun tea mah geus asa jinek yen eta nu kapanggih teh spesies nu sejen ti nu geus kapanggih, ari ceuk tim T. Jacob mah condong ka manusa modern nu keuna ku mikrosefali. Hiji deui hal: ari ceuk tim nu kahiji eta rorongkong teh awewe, ceuk tim Jacob mah eta teh lalaki. Nepi ka kitu pisan bedana. Ngeunaan jangkungna eta rorongkong nu pendek pisan, paling jangkung ukur 1,2 meteran. Aya dua hal anu diajengkeun.... Kahiji, eta manusa ngarandapan mikrocefali tea, nu sacara umum ngalaman pengkerdilan. Kadua, mun ditengetan sabudeureunana, horeng masarakat di wewengkon Liang (guha) Bua(h) oge boga dedegan nu laleutik. Dedegan anu laleutik ieu, ditalungtik tina aspek budayana, jigana alatan ayana adat endogami (endo = jero, gami = kawin), nyaeta kawin ka dulur sorangan, ka kapiadi/kapilanceuk, pokona mah dulur nu kaitung deukeut weh. Balukar tina adat ieu, cenah ceuk dokter ti Univ. Erlangga, turunanana bakal beuki pendek sarta kamungkinan gede morosot IQ-na. Tos ah, keur bersin bae.. --------------- sikandar ---------- Forwarded message ---------- Subject: [Urang Sunda] Re: Dominasi Elmu Geografi To: [email protected] Satemenna....loba urang Sunda anu ahli dina widang elmu-elmu pakait jeung taneuh (ilmu-ilmu kebumian). Si kuring onaman teu satai kuku- satai kukuna acan. Teu apal nanaon si kuring mah, enya soteh siga anu calakan dina milist, estuning noroweco bae jeung teu weleh kudu ngilikan bae peperenian. Entong Kang, tong disaruakeun jeunh bener- bener ahli elmu taneuh si kuring mah, da rumasa sagalana oge ukur sapotong. Leuheung mun enya sapotong, ieu mah teu sacongo-congo acan. ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital's 'Thanks & Giving.' http://us.click.yahoo.com/mGEjbB/5WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
