sigana papada kungsi manggih katerangan, poho deui, qur'an atawa hadist, yen Islam diturunkeun teh jang nyampurnakeun adat suradat jelema. moral, akhlak, kalakuan.
ieu hartina, Islam tarik pisan lumpatna dina ngurus hirup hurip jelema. aspek budaya oge sosial, dina islam boga tempat nu gede. malah sanajan dina ibadah ritual siga sholat, komo zakat, boga eusi sosial. zakat jang naon? lain jang pangeran, da teu butuheun. tapi jang nulungan sasama. tapi nya can nepi ka nu dipiharep. da masih keneh letter lek. teu diguar nepi ka jero. nu intina mah, urang kudu boga rasa sosialis dina harti mun urang dahar, batur oge kudu dahar. loba ajaran islam nu sipatna training. latihan terus terusan. siga solat. aya katerangan yen sanajan jelema sadunya teu ibadah ka pangeran, pangeran mah moal kurang nanaon. ieu hartina solat boga hidden curriculum lain, nyaeta ngalatih kasatiaan, disiplin, kasetiakawanan, komunal, jeung sajabana kaasup silaturahmi jeung silatutug. di masjid bisa panggih jeung sasaha, nu wawuh jeung nu teu wawuh. -mun ieu geus bener dilarapkeun, sigana moal aya nu kalaparan alatan teu dahar. ceuk basa depsos mah, islam teh ngajarkeun kasatiakawanan sosial. rada mirip jeung basa sunda, sabanda sariksa tea meureun. hartina papada silih jaga, silih asih, silih asah silih asuh. nya papada mahluk di dunya nu teu walakaya. agama kalolobana mela nu leutik, nu susah nu sangsara. atuh ayeuna prak-prakanana urang can kitu. didinya masalahna. can nepi. di urang mah, nu beunghar, naik haji unggal taun, umroh unggal bulan (paribasa). tapi tatanggana atawa dulurna, boro-boro naek haji, dahar ge teu seubeuh atawa pakean oge imahna barutut keneh, spp budakna can dibayar, jeung saterusna. loba oge nu katerangan nu dilarapkeun atawa dihartikeun salah. loba agama nu ngajarkeun hirup kudu sederhana malah prihatin. tapi sigana papada apal, yen aya katerangan, ibadah, kudu siga isuk rek paeh, usaha, kudu siga hirup teh lila keneh. oge aya katerangan yen kamiskinan ngadeukeutan kakupuran. malah Nabi oge apan, nikah jeung Khodijah, nu harita mah meureun kaitung konglomerat. usahana dagang. sanajan Nabi mah keukeuh hirup basajan. -------- enya, sok manggih beja yen di nagara deungeun mah, sanajan agamana sejen, tapi kahirupanana siga nu islami. kahiji, nu jentre mah, maranehna patuh pisan kana aturan sapopoe nu teu pira. budaya antri, miceun runtah kana tempatna, tertib, kabatur ngajenan (demokrasi), hirup egaliter, jeung sajabana. gereja mah loba nu kosong, ngan ukur jadi tempat wisata. nu beda teh, kumpul kebo kaci, majalah porno balatak (hehe), inuman keras siga batu loba di warung. tapi pajabat teu korup. nu mabok teu meres supir angkot. malah loba ayeuna nagara nu disebut welfare state tea, sigana nagara islam teh siga kitu, kasejahteraan rakyat nomer hiji, lain kasejahteraan pajabat. sakola rumah sakit haratis. pajeg memang gede, tapi da balik deui ka rahayat. jarak beunghar-miskin teu siga jurang. geus ah, ngacapruk da. mj http://geocities.com/mangjamal ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital's 'Thanks & Giving.' http://us.click.yahoo.com/mGEjbB/5WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
