Perkara kahariwang seler sejen atawa panganut agama sejen leuwih anteb neuleuman jeung nyangking kaparigelan basa Sunda ieu anu janten kasangtukang Abah Surya midamel tarjamahan Al-Qur'an kana basa Sunda dina wangun pupuh (Nurhidayah) sareng Nadoman (Nurul Hikmah). Hapunten upami si kuring nyebat-nyebat Abah Surya dina leresan ieu, sanes heunteu emut ka inohong Sunda sanesna anu gaduh perhatosan ageung kana ngamumule basa Sunda. Namung ieu khusus bae jalaran karya anjeunna teh pakait langsung kana usaha sinergi antara agama (khususna Islam) jeung budaya (khususna unsur basa jeung kasenian).
Abah Surya waktos medar kasang tukang anjeunna midamel eta 2 karya teh ngadugikeun fakta / kaayaan anu sabagean parantos ditataan ku para wargi sadaya, ngeunaan basa Sunda. Diantawisna, leres kaayaan ayeuna di paguron-paguron luhur ngeunaan minat kana basa Sunda wuwuh pimelangeun. Nyakitu pisan sakumaha anu disebatkeun ku para wargi, anu jawara sareng minat mikawanoh basa Sunda kalayan teleb teh geuningan langkung seueur ti seler/agama sejen (kalawan hipotesa, Urang Sunda jeung Islam lir gula jeung amisna). Paguron anu ngayakeun mata kuliah basa Sunda kalawan SKS langkung ti 4 teh nya paguron seler/agama sejen. DI IAIN, di jurusan da'wah, basa Sunda ka kantun diajarkeun. Atuh kaayaan di masyarakat umum jeung di pasantren oge wuwuh pikahariwangeun. PUSDA'I bae ayeuna tos ngayakeun kursus basa Inggrism Cina sareng Jepang. Tapi geuningan basa Sunda mah heunteu. Padahal PUSDA'I teh aya di jantungna kota US. Anu jadi jawara pasanggiri tutulisan atawa pidato basa Sunda anu saripit ti sakola non muslim. Kacida pikamelangeunana: para santri tos seueur anu mikawanoh basa ummatna anu baris dida'wahanana, pamarentah oge kirang perhatosan kana basa Sunda teh, pon kitu deui paguron luhur sareng masyarakat umum. Mung di paguron, organisasi, sareng inohong- inohong khusus anu heunteu seueur jumlahna masih keneh aya perhatosan kana kamekaran basa Sunda. Sajeroning kitu, seler/agama sejen mah geuningan sakitu nyimpen kaperyacaan sareng harepan kana basa Sunda teh. Seueur mahasiswana anu diajar sareng neuleuman khusus basa Sunda. Hasilna, nya diantarana eta da'wah ku cara midamel milist kasundaan. Kalebet salib Sunda tea. Karana kaayan kitu, nya Abah teh midamel Nurhidayah sareng Nurul Hikmah. Nurhidayah (NH) parantos rengse 30 Zuz. Pupuh anu digunakeun aya opat, anu kalebet sekar ageung tea (Dandanggula, Sinom, Asmarandana sareng Kinanti). NH mah lumayan tos populer, malah ku RRI mah dianggo salaku panutup acara siaran, meh unggal wengi. Dipintonkeun di RRI sareng seni tembang Cianjuranna, ieu gabungan antawis ngahaleuang sareng tarjamahan Al-Qur'an NH teh dinamian Nurhidayahan. Namung nyakitu, pikeun nyalabarkeun NH ka sakulih masyarakat Sunda, tetep teu acan aya tanda-tanda kenging pangrojong, boh ti pamarentah atanapi ti organisasi2 masyarakat. Kungsi eta oge aya janji ti Pemda Jabar 5000 pasantren anu aya di Jabar, bade dibagi NH, tapi teu daek jol bae geuningan anu nedunan janji teh. Nurul Hikmah (NHk) nembe digarap satengahna tina 30 Zuz Al-Qur'an. Sae pisan hasilna. Kamari si kuring di Ciamis nyobi-nyobi nganadomkeun ka barudak santri di desa, aranjeunna kataji pisan. Hoyong gaduh bukuna cenah, wiridkeuneun salami pupujian memeh netepan wajib (ngantosan anu bade berjemaah) atanapi ngantosan ajengan sumping kanggo ngawurukan. Kalintang hiji transformasina, upami kapungkur, paling luhur pupujian teh ku riwayat Rosul saw anu dinadomkeun, ayeuna aya alternatif ku nganadomkeun tarjamahan al- Qur'an dina basa Sunda. Disagigireun pikeun ngudag tujuan ngamasyarakatkeun basa Sunda ngalangkungan Seni, atawa sabalikna, NHk teh kacida pisan pentingna. Sabab, oge ngamsyaraktkeun cara diajar migunakeun otak katuhu tea. Sok komo deui anu diajarkeun (diapalkeun) teh eusining (tarjamahan) Al-Qur'an. Cobi bae emut, upama tiap dinten barudak diajar ngapalkeun eusi Al-Qur'an ku cara anu matak pikarsepeun (seni tea, nadom), apan pisakumahaeun teuing engke hasilna. "Diajar keur mangsa budak lir ibarat nulis dina batu", kitu ceuk hiji papatah. Komo deui ieu, anu dirangsang teh otak kanan (da make seni tea), tangtu bari nambahan lemesna rasa, oge ngabentengan generasi ngora ku eusi jeung barokahna Al-Qur'an (anu diwiridkeun ti bubudak). Ngan nyakitu atuh, sakumaha NH, NHk oge teu acan kagarap pisan alias butuh waragad pikeun nyitak jeung nyalabarkeunana. Kamari oge pamenta pasantren anu di lembur si kuring di Ciamis can katedunan sadayana. Atuh Abah oge teu acan tiasa nyitak NH atawa NHk kalawan seueur. Cikan baraya, kumaha carana urang sangkan tiasa nyeueuran karya-karya samodel NH sareng NHk ieu? Tiasa kitu rereongan ngalangkungan milist? Keur generasi ngora arurang, jembarna keur ka sadayana bae: mulasara agama jeung budaya. Mangga diantos. Baktosna, manAR --- In [email protected], kumincir <[EMAIL PROTECTED]> wrote: > Ih, ulah lepat atuh, Bah. Kapan Mikihiro Moriyama nu kenging gelar PhD > kanggo panalungtikanana ngeunaan Sunda ge pan ti universitas mana? > (poho deui kuring ge, hehe...). Eta bae di Bandung, puseur Nagara > Pasundan, kapan universitas Kristen aya sabaraha? > > On Tue, 15 Feb 2005 02:13:48 -0000, waluya56 <[EMAIL PROTECTED]> wrote: > > Ari sim kuring mah katarik teh sanes ku soal Nabi Isa AS Disalib > > atanapi henteu tapi eta ku maca situs ieu nganggo basa sunda nu > > sakitu hadena, nu ngabuktoskeun urang Nasrani diajar budaya sunda > > kalawan serieus benten jeung urang Islam nu jigana teh teu pati > > malire kana kasundaan. Abah Surya kapungkur kantos ngawartosan cenah > > di Sastra Sunda UNPAD kantos aya mahasiswa Nasrani nu dibeasiswaaan > > kanggo diajar basa Sunda (leres henteu Neng Empup?). > > > Kuring oge kungsi helok jeung kaget waktu kuring juma'ahan di Masjid > > di dareah Ciawi Bogor jeung di Cibadak Sukabumi. Helok jeung kagetna > > teh eta ku pedah khotbahna make basa Arab ti mimiti tepi ka > > anggeusna!. Atuh kuring teh ngarasa jadi "Cina dipangwayangkeun", > > teu ngarti sapotong-potong acan naon nu dikhotbahkeun. Balik > > juma'ahan, kuring sura-seuri sorangan, inget ka dongeng pun aki. > > Cenah mah jaman baheula, kulantaran khotbahna kudu make basa Arab, > > pas nu biasa khotbah gering teu bisa datang, anu jarumaahan pada > > bingung, untung aya Arab mindring ngaliwat (Arab rentenir tukang > > nginjeum-nginjeumkeun duit di pilemburan), langsung ditarewak, > > dijagragkeun dina mimbar sina khotbah! > > -- > sikandar ------------------------ Yahoo! Groups Sponsor --------------------~--> DonorsChoose. A simple way to provide underprivileged children resources often lacking in public schools. Fund a student project in NYC/NC today! http://us.click.yahoo.com/5F6XtA/.WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
