|
Taun 1891, pangagung nu kumawasa di Persia,
Raja Nasarudin Syah nyumponan pameredih pamarentah kolonial Inggris pikeun
ngayakeun kawijakan nu meres para patani, sarimbag jeung kawijakan "tanam paksa"
di urang baheula. Anapon komoditas nu dijadikeun obyek tanam paksa teh nyaeta
bako. Para patani diparentahkeun pikeun melak bako dina jumlah nu geus
ditangtukeun ku pamarentah sarta kudu ngajual hasil tatanenna ka pamarentah
Inggris kalawan harega anu oge geus ditangtukeun.
Para ulama Persia nganggap ieu kawijakan Nasarudin
Syah teh minangka hiji bentuk penjajahan Inggris ka nagara katut rahayat Persia.
Para ulama anu dikokojoan ku Ayatullah Mirza Hasan Syirozi, saurang ulama marja'
nu pangkahotna, kapaksa ngaluarkan fatwa pikeun ngagagalkeun kawijakan
pamarentah. Anapon ieu fatwa unina kacida singketna, tapi tatag:
"Kalayan AsmaNa nu Maha Luhung, Ti semet
ieu bako hukumna haram. Jalma nu ngaroko
sarua jeung nu ngamusuhan Imam Mahdi"
Ti saprak kaluarna eta fatwa, rewuan ton bako
nu aya di gudang-gudang diduruk ku rahayat atanapi di piceun ka walungan. Kebon
baku diancurkeun. Roko teu payu. Ku ayana ieu kajadian ahirna pamarentah Inggris
ahirna ngabolaykeun kawijakan tanam paksa di Persia. Ieu kajadian ngabalukarkeun
runtagna kakawasaan Nasaruddin Syah jeung Dinasti Qojar dina taun 1896,
opat taun sabada Ayatullah Syirozi ngaluarkeun fatwa haramna
roko.
(zam)
Komunitas Urang Sunda --> http://www.Urang-Sunda.or.id
Yahoo! Groups Links
|
