sigana, soal ayana kasta basa atawa kelas dina bahasa/basa mimiti aya, ti saprak jelema baroga sistem hirup, boh budaya boh agama. sabab aya nu leuwih kuasa ti jelema loba, raja atawa panglima, patih jeung sajabana. kitu deui dina agama, aya pangeran nu leuwih kuasa ti kabisa jelema. nya pastina dina basa oge milihan mana nu pantes jang raja, oge pangeran boh dina ngadu'a atawa muja.
di urang, basa sunda boa jawa oge sarua, pikeun nabi Muhammad, tara langsung nyebut namina, tapi make heula kanjeng Nabi. ka Alloh (Allah), sok ditambahan ku Gusti, jadi Gusti Allah, atawa Gusti Alloh. Malah bakat ku ajrih, sieun atawa cinta, namina jarang disebut, cukup ku pangeran. sanajan di budaya sejen, pangeran teh ngan ukur anak raja, sigana tina prince ti inggris. tapi ari crown pince mah tara disebut pangeran mahkota, tapi putra mahkota. kitu deui, Gusti. urang kalimantan, artis jeung pengacara, ngarana Gusti Randa. sigana Gusti ieu niron ti menak urang Bali. di jawa tengah mataram (asana oge kraton cirebon), aya barang nu dianggap karamat sabab parabot raja, sok make kyai. gamelan, delman, jeung sajabana, asana marake sebutan hareup kyai. hehe. mun teu make tambahan heula dina nyebut ngaran pangeran atawa nabi, semu calutak. eta kitu oge titerapkeun ka inohong baheula oge ayeuna. Her Excellency, His excellency, Yang Mulia, jeung sajabana. Paduka oge. basa Inggris pikeun pangeran, God atawa Lord. Lord ieu aslina mah dilarapkeun ka jelema bangsawan atawa kabupatenwan. malah di agama tatangga mah, nu sarua asalna ti timur tengah tapi dipermak ku urang Italia-Roma, sebutan lain ka pangeran teh apan Father. Bapak di Surga. sok hayang nanya (ngan karunya): mun bapak di surga, indung dimana? kuring mah teu sudi abrag-abragan mun indung di naraka. ieu sigana asosiasi atawa make sebutan basa jelema pikeun pangeran. sabab bapa tangkal darajat tea. enya, di nagara feodal/karajaan eropa rahayatna hirup egaliter alias demokratis. tapi angger aya kecap-kecap pikeun raja/ratu, ku cara sebutan/ngaran atawa tingkah laku. gening sok noong dina tv, bule/istri ngahormat ratu teh sok nikelkeun tuur sabeulah. sarua meureun jeung dongko cara jepang. di urang teu saparah di jepang, ka saluhureun/kolot cukup ku unggek tanda hormat. ratu inggris sok mere gelar ka sing saha bae nu jeneng, Sir. Sir Mick Jagger. Sir Aru. Sir Eum. tadi peuting dina tv aya warta, pupuhu umat katolik sadunya, pupus. di indonesiakeun -nu bentes mah di pulojawakeun- make ngaran Sri Paus. Sri ieu meunang nginjem ti budaya Sunda-Jawa. Sri Maharaja, Sri Baginda. enya, aslina mah Cri, boa ti kawi-sansakerta. Sri Kandi, Sriwedari, Sri gala. Paus oge duka teuing timana, da basa italiana mah Papa, inggris Pope. Paus dina basa indonesia, nu duka ti mana, ngaran lauk panggedena di laut. DU'A sigana meunang niru ti Arab, pangeran sok make tambahan, Alloh SWT. subhanahuwata'ala. Nabi oge sok make tambahan, Nabi Muhammad SAW (Rosulullahu alaihi wasallam). sahabat Nabi sok make R.A, asana ti rodiyallohu anhu (hartina kira-kira,mudah-mudahan Alloh rido ka manehna, jaba make sayidina dihareup. sayidina Umar, r.a. sanajan ngaran tukang eta ngan ukur du'a, eta oge geus mangrupa hiji ciri, yen Umar atawa nu sejen teh jelema luhung,da sahabat nabi. Rachel Maryam Sayidina mah duka tah, jaba tibalik ongkoh. hehe. ieu teh duka teuing nulis naon...ngacapruk meureun mj http://geocities.com/mangjamal [EMAIL PROTECTED] ------------------------ Yahoo! Groups Sponsor --------------------~--> Take a look at donorschoose.org, an excellent charitable web site for anyone who cares about public education! http://us.click.yahoo.com/O.5XsA/8WnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
