[Urang Sunda] Toen-Djie

[syam ridwan]

Toen-Djie " Apana ?" " Aya naon ibuna ?" " Teu karasa geuning ngarumahtangga teh geus lima taun lilana !" " Heueuh ibuna,padahal asa kamari dirapalan dihareupeun lebe teh !" " Enya abdi ge asa ngongkolak keneh waktu urang silih huapan sabada dirapalan!" " Aeh...asa jempling teuing nya kamarana barudak ?" " Tuh...lima-limana geus ngagaluher sarare !" " Ssstt...tong tarik teuing nyebut limana era, mun keur sarare mah aman atuh ibuna !" " Ah si apa mah meni euweuh kabosen !" " Tuh nya sok srog kadinya, maksud bapa teh ari geus sare mah meh teu kaganggu ku barudak ngobrolna !" " Enya apana, rumah tangga karek lima taun anak geus lima, kumaha mun sapuluh taun !" " Heueuh si Duloh mah mani pok pisan nyebut tun-ji,sataun hiji, kawas ucing wae,ngaderehdel !" " Nu kitu tea mah apana, bet der nyieun program pengiritan, cocolok tipi ge meuni tega diteukteuk atuh unggal sore teh teu bisa hiburan, nya minangka hiburan teh gapruk deui gapruk deui ka abdi !" " Geus ah ibuna, naha daek anak disaeutikan tapi pamajikan dilobaan ?" " Huz...dasar lalaki...cua !" " Tong kitu ibuna, jeung etah leungeun meuni dipeureup-peureupkeun sagala !" " Enya apana, abdi teh sabenerna mah geus bosen ngajuru teh, bayangkeun mun lima-lima disesar meureun beuteung abdi teh geus raca tapak operasi !" " Heueuh mun kitu mah bener ceuk si Duloh kawas ucing, coba geus ngadenge  aya ucing ngajuru disesar ?" " Puguh abdi ge basa  niat dikabe, jero hate asa hayang nanya naha aya ucing dikabe? matak teu jadi-jadi,nya antukna make sistim kabe kalender, ngan edas pahili jeung kalender heubeul, akibatna ngaderehdel kawas ucing !" " Tapi ibuna, anak teh pan asset keluarga, komo anak urang mah lima-limana awewe, gareulis deuih!" " Geulis soteh nurun kaabdi, coba mun nurun ka apa. Bencana !" " Bapamah geus dibayangkeun we, meureun jaga teh mun malem minggu nu apel teh ngantri,nu saurang mawa martabak, nu saurang ngajingjing bakakak, nu saurang samsu filter saselop, nu saurang deui ngusiwelkeun amplop, ah bagja !" " Ari tempat apel dimana, apana ?" " Apan dipipir imah aya kebon lega,urang jieun taman jang bobogohan anak urang meh teu jauh ti imah,ditiap pojok dipasang kamera sensor anu dihubungkeun ka monitor kajero imah, mun aya nu macem-macem tinggal ngadehem wae, pan beres !" " Enya ngomong mah gampang...alah ieuh, jadi lalieur jeung sarebel kieu ieu teh!" " Maenya ibuna...nyiram deui kitu ?" " Kamari abdi tas dikontrol deui !" " Hasilna ?" " Positip tilu bulan !" " Terus...terus...!" " Tos katangen, sihoreng kembar tilu !" " Teus...terus...!" " Awewe kabeh !" " Duh mangkaning nu pangleutikna ge can ngorondang ngorondang acan,dasar sibujur ucingeun !" (SR)     Komunitas Urang Sunda --> http://www.Urang-Sunda.or.id Yahoo! Groups Links To visit your group on the web, go to: http://groups.yahoo.com/group/urangsunda/   To unsubscribe from this group, send an email to: [EMAIL PROTECTED]   Your use of Yahoo! Groups is subject to the Yahoo! Terms of Service.