Dinten Saptu, 21 Mei kamari di Redaksi Kujang aya sawala bulanan, anu jejerna mapag Kongres Basa Sunda nu baris lumangsung di Subang Juni nu baris dongkap. Nu ngajejeranana Kang Hidayat Suryalaga.
Aya nu narik. Upami teu lepat mah aya duaan anu ngadongsok sangkan Kongres ulah dilaksanakeun saupami jejerna eta-eta keneh (rupina mah aya bocoran yen anu baris dibahas dina Kongres Subang teh eta keneh- eta keneh). Apan nu kamari-kamari ge teu dilaksanakeun. Jadi keur naon atuh aya deui kongres ngabahas nu teu dilaksanakeun. Kitu kira- kira. Ninggang kana omongan yen Kongres teh Ngawangkong teu beres- beres tea. Tapi mugi-mugi bae, waleran Kang Hidayat harita aya leresna, yen saurna aya robahna Kongres nu ayeuna teh. Sabada ngariung ngobrol sareng Pemred Kujang, Kang Tatang Sumarsono. Anjeunna diulem ku panitia kanggo ngadamel makalah anu jejerna "Bacaan Barudak dina Basa Sunda". Saur Kang Tatang teh, inget keneh cenah dina Kongres taun 1993, anjeunna oge diulem nyerat makalah anu jejerna nya nu tadi tea, soal bacaan barudak. Nilik ka dinya mah duka lebah mana bedana Kongres nu ayeuna teh. Aya hiji hal anu duka bakal kaguar moalna dina Kongres Subang. Nyaeta soal basa Sunda di internet. Dina Kongres taun 2000 di Garut, memang aya anu nyarios soal website (situs internet) Sunda. Upami teu lepat harita anu diulem teh ti Sundanet.com. Ngan harita mah nembe ngabahas soal situsna, teu acan wincik kana eusina. Manawi kaemutan ku para wargi, kedahna aya nu nyarios ti Lembur Babakan Kusnet soal kumaha pabaliutna mateakeun (naon nya padanan mateakeun teh dina basa Indonesiana?)basa Sunda di komunitas urang Sunda nu sakitu warna-warnina. Lain bae warna-warni dina sual padamelan/profesi, tapi warna-warni lebah padumukan, kahayang, jeung tabeat. Ceuk sim kuring, basa Sunda anu dianggo di Kusnet teh hiji kasus anu ngagambarkeun warna-warni urang Sunda kiwari anu tangtu narik upama ditilik tina perspektif kabasaan. Upamana kumaha urang lieur hayang nyundakeun rupa-rupa istilah internet anu sakitu balatakna. Ua Sas atawa Mang Jamal sigana langkung merenah jadi jubir. Ku kituna sugan aya nu bisa nyasakan (menjembatani) urang Kusnet jeung panitia Kongres. Cag. DARPAN ------------------------ Yahoo! Groups Sponsor --------------------~--> What would our lives be like without music, dance, and theater? Donate or volunteer in the arts today at Network for Good! http://us.click.yahoo.com/MCfFmA/SOnJAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
