Baraya, Kaingetan ku gunem catur "US eleh ku Batak", kuring aya saeutik pangalaman nu aya patalina jeung urang Batak. Kabeneran minggu kamari kaparengkeun nganjang ka tanah batak, tilu poe ngendong di Toba. Ceuk cenah mah bibit buitna urang Batak teh asalna di wewengkon eta, pulo Samosir di tengah-tengah danau Toba.
Nu jadi kapanasaran kuring nyaeta perkara ULOS, kaen tinun has Batak. Numutkeun batur kuring, nu asli Batak, cenah dina kahirupan urang Batak mah ulos teh estu ngandung ajen anu kacida gedena. Estuning ayana ulos teu bisa dipisahkeun jeung ayana Batak. Nalika urang Batak brol lahir ka alam dunya, si jabang Batak baris narima hadiah ulos ti indung bapana, jeung kulawargana. Ieu ulos teh cenah kudu dipupusti nepi ka maotna. Kitu deui nalika urang Batak rek jatukrami, si panganten Batak baris narima ulos deui wae. Ulos pikeun hadiah orok lahir, wanda tinunana lain jeung pikeun hadiah oleng pnganten. Naon nu perlu jadi pieunteungeun dina perkara ulos, diantarana budaya "mengulosi" geus bisa nyalametkeun tradisi tinun urang Batak. Nepi ka kiwari ulos masih boga ajen ekonomi. Salian dipake pikeun urusan adat, oge dipake pikeun urusan silaturahmi jeung seler sejenna. Misalna, ulos pikeun ngahormat tatamu. Palebah dieu katoong kumaha tarekah karuhun batak ngarancang hiji program, produksi ulos, bisa dipaheutkeun jeung budaya. Upama tea mah, urang boga program jiga "ulos", meureun produksi kaen tinun Majalaya biris mayeng jeung langgeng nepi ka kiwari. wallahu'alam. salam, mh ===== Situs: http://free.angeltowns.com/studio579/ [Pupuh17, Wawacan, Roesdi Misnem, Al-Quran, Koropak] ____________________________________________________ Yahoo! Sports Rekindle the Rivalries. Sign up for Fantasy Football http://football.fantasysports.yahoo.com Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
