Poe Senen kamari kuring ka Bogor, ngadon ulin bari ngudag buku heubeul da aya beja hiji kulawarga rek ngalelang buku heubeul cenah mah aya buku History of Java Raffles, jeung buku sejena lolobana buku botani, kakayaan alam Jawa Barat malah aya "slide" anu rada lengkep. Kuring nyimpang heula manggihan balad di Studio Kendil di Ciluar, bari sakalian ningali kagiatan di eta studio anu geus sukses ngayakeun kagiatan Festival Buku Lingkungan Bogor (FBLB) sakalian ngintip kumaha gawena nepi ka bisa sukses kitu, kabeneran kuring panggih jeung balad anu kapeto jadi pamingpin dieta komunitas, anu sakaligus jadi kurator buku buku heubeul, matak helok ningali buku jeung peta heubeul-na, kuring ge ngaririhan meunang sababaraha lambar peta Jabar heubeul anu terbit taun 30an jeung taun 40an, lain nanaon hayang eta peta teh pedah we alus keneh tur lengkep pisan malah aya nu sifatna "restricted" da anu nerbitkeunana US Army. Studio Kendil pantes mun rek diconto teh, tempatna merenah, atuh gawena ge kacida rapihna, da dilaksanakeun kalawan daria. Atuh kagiatan sejena bisa ngahasilkeun pikeun ngahirupan dirina, sok sanajan enya disabalik eta aya nu jadi pananggeuhan nyaeta gawe bareng jeung hiji foundation ti luar nagri.
Hanjakal buku buku heubeul anu diudag ku kuring encan kapanggih da nu bogana gawe di Jakarta, kudu ngadagoan nepi ka peuting bari can tangtu balik, atuh kira-kira tabuh 5 sore kuring gura gieu mulang ka Bandung, ngan kuring percaya ka balad eta pikeun ningali bukuna, malah kuring teh geus nitip duit keur tanda jadi. Poe Minggu pasosore kuring silih sms jeung kang Maman Gantra, kang Maman G ngabejaab geus kongres Kusnet di Bogor, hasilna mah anu diposting ku Kang Runa, kang MGT ngajak supaya kuring nyimpang ka bumina di Jkt, hanjakal teu katedunan, atuh poe minggu peuting sanggeus kuring dina beus ka Bandung-keun, Kang Runa nelepon, hanjakal deui bae kuring teu bisa nohonan panglemna da kuring geus kapeutingan teuing jeung ongkoh geus dina beus geus di Ciawi harita teh, lain teu maksud manggihan baraya Kusnet di Bogor, ngan nyakitu kuring panteng teuing ngawangkong jeung balad nu di Studio Kendil pedah loba buku heubeulna bari jeung "ngintip" tea. Hapunten ka baraya sadayana anu di Bogor sareng ka Kang Maman Gantra teu tiasa nepangan pisan. Lamun tea (keun bae ah ngalamun ge pan ngalamun mah sarua jeung ngimpi can kudu mayar pajeg ka Pemda masing geus Otda ge) di Bandung ngayakeun Festival Buku Sunda Bandung heug anu jadi kokojona Kusnet-Perceka sabage "event organizer", beu matak reueus, Ieu FBSB teh keur ningalikeun ka Urang Sunda yen buku buku Sunda teh aya keneh, unggal inohong nu geus karolot sina ngaluarkeun peperenianana boh Buku sunda buhun, boh sagala rupana ngeunaan Sunda, sugan jeung sugan jadi daya tarik keur nu ngarora pikeun ngaropea Sunda, atuh kitu deui sabage ajang silaturahmi komunitas kasundaan (LSM Kasundaan). Tempatna lain di gedong sigrong tapi di hiji pakampungan/ pemukiman /komplek perumahan anu merenah dipake kitu. Ka Kang Runa wilujeng tos matotoskeun masalah Kusnet-YP sim kuring mah ngadukung pisan ngan ulah teh cul dogdog tinggal igel, ulah soteh hayeuh we pagugunyeng dina padungdengan ari prakna mah muluntu, keun bae leutik, cetek oge asal prak dilaksanakeun, tibatan luhung dina tulisan/ rarancang ari prak-na heunteu. MSasmita ------------------------ Yahoo! Groups Sponsor --------------------~--> Help save the life of a child. Support St. Jude Children's Research Hospital. http://us.click.yahoo.com/ons1pC/lbOLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
