Ari
bah Willy sok muter kamamana, "curiga teh lain wae kanu ngamusuhan",
cobi kalimah ieu diterapkeun ka kalakuan nagara sejen? Sakali deui, pikeun
abdi dina kasus Aceh nyimpulkeun sikap ati2 pamarentah kedah ditingal
kapasitasna nu ngaluarkeun pamendak lantaran curiga sareng waspada ipis pisan
bedana. Upami perspektif ieu teu tiasa ditampi mangga, moal maksa.
Bantosan LSM urang dieu (sareng LSM "dulur" ti bangsa
"deungeun") ku abdi disebatkeun soteh pedah dina email Abah
ti payun, nyutat tina media, bantuan ti bangsa sorangan teh asa dieuweuhkeun
pisan, masih emut seratan ieu?:
"Kuring emut surat pembaca dina
Kompas, ti ibu rumah tangga di Aceh, anu ngarasa ngangres, waktu nampi bantuan
sakarung beas, nu aya merekan "From the people of Japan". Manehna
ngarasa ngangres dibantu ku jelema anu teu wawuh, nu lain dulur, nu lain
sabangsa, nu teu saagama."
Perkawis
Katrina, kaleresan abdi nitenan beritana langsung ti media di dieu (CNN, BBC
News, Sky News, jeung ITV). Nyatana tong bororaah urang di Indonesia, pamarentah federal USA we TELAT mere
bantuan (utamana mah ka jelema Afro-Amerika nu miskin) nu ngakibatkeun lobana
korban ti golongan ieu. Bangsa nu perkasa ngaluarkeun miliar-miliar
dollar pikeun merangan bangsa batur geuning kitu ka bangsana
sorangan. Upami pamarentah urang dianggap telat nyebatkeun bela sungkawa
(kedah dicek deui) naha tiasa dijantenkeun
ciren yen "bangsa" urang pinter kodek? Sakali deui patarosan abdi, nu
diajngjikeun 350 juta dollar teh sabaraha nu kabuktos? Aya
datana?
Perkawis
Tim-Teng, abdi moal manjang tur luar-leor tina jejer yen aksi nagara Amrik
ti heula didasaran ku langkung ti curiga (emut yen laporan tim inspeksi nu
nyebatkeun teu aya di WMD teu digubris?). Sadaya seratan Abah perkawis sifat
urang Arab, malah janten panguat argumen abdi yen urang teu kedah tanggah
teuing ka bangsa deungeun da geuning kalakuannna oge aya nu leuleuwihi ti
urang.
Sikep netral
perkawis konflik ieu? Mangga, teu kedah dipertanggelwalerkeun di dieu,
engke wae di aherat; salaku manusa, salaku muslim.
Baktos
Y
--- In [email protected], "Waluya" <[EMAIL PROTECTED]> wrote:
>
> > From: "Yudi Irmawan" [EMAIL PROTECTED]
> > Teu kedah kamana2 Bah, inti masalah nu kamari diangkat
pan masalah "sikep curiga" nu ditapelkeun ka tarang urang Indonesia. Pikeun
abdi simpulan ieu teh teu imbang da geuning aya oge kalakuan nagara maju
nu siga kitu, malah leuleuwihi. Terus terang wae, abdi mah rada heran ka
jalmi nu tiasana kritis ka bangsa/dulur sorangan tapi kadangkawis teu
imbang ningali batur.
> >
> Leres pisan nagara maju oge gede curigana, komo deui nagara
anu kantos diserang, jiga Amerika. Tapi ari di Indonesia
mah, curiga teh lain wae kanu ngamusuhan tapi oge kanu rek nulungan,
jiga kacurigaan ka urang asing di Aceh nu jelas-jelas arek
nulungan, da ku tanaga bangsa urang sorangan mah baroraah katanagaan.
Ari kuduna mah urang teh ngahatur-nuhunkeun, lain ku sikep
curiga kitu.
>
> >
> > Wates sikep curiga sareng waspada ipis pisan. Urang kedah
ningali perkawis Aceh langkung ti hiji perspektif. Dina
perspektif kaamanan nagara, kaati2an pamarentah tangtu teu tiasa
dicap ngagedekeun curiga da panginten sadaya terang kumaha
pentingna Selat Malaka. Perkawis bantuan, naha aya di dieu nu
gaduh data sabaraha persen nu dijangjikeun ku urang deungeun
(khususna Amrik) nu bener2 jadi? Tur tong hilap seueur bantuan nu
TEU diliput ku media (politisasi media tos jadi rahasia umum).
Cobi ayeuna nu masih keneh aya di ditu saha? PKPU urang mana?
Mer-C teh saha? Di dieu (UK) aya
nu namina Ummah Welfare Trust (www.uwt.org)
nu ngirim bantuan ka Aceh: boa2 bantuan nu disebutkeun ti bangsa deungeun
teh nyatana ti "dulur" sorangan keneh!
>
> Upami LSM urang ngabantuan Aceh, teu kedah diageung-ageungkeun, terus
dibanding-banding jeung bantuan nagara asing sagala. Ari LSM di urang mah
memang geus pantesna kitu, kudu nulungan batur sanagarana. Tapi ari nagara
batur mah boh personil pamarentahna atawa LSMna tetep we kudu dihargaan/
dihaturnuhunkeun kana pitulungna lain dicurigaan da euweuh kawajiban kudu
nulungan sagala. Tah ayeuna kuring balik nanya, tepi kamana sikep
paduli bangsa urang, kana musibah Bangsa AMerika nu keuna ku
tofan Katrina? .....cicing, jempe, Presiden SBY wae kakara
ngucapkeun kasedihna sanggeus ampir saminggu eta kajadian! (soal
cicingna sikep SBY ieu, kantos diributkeun di sababaraha millis, da
bangsa urang teh dianggap PINTER KODEK).
>
> > Kanyataan Iraq nu siga ku Abah serat di handap TEU tiasa dijantenkeun
pangbener DISERANGNA Iraq ku alesan "curiga". Masih emut sanes
alesan kapungkur Irak diserang? (ieu nu janten inti diskusi, perkawis
konflik intern bangsa Iraq mah rada "ngeleor" tina jejer, peryogi thread
sejen). Sajarah nu nunjukkeun yen urang Iraq
tukang perang oge teu tiasa dijantenkeun alesan oge pikeun lebetna bangsa
sejen make cara heuras. Langkung ti eta, upami tesis Abah yen tina sajarah
Bangsa Iraq teh sifatna siga kitu tapi tetep wae diserang ku hiji bangsa,
kumaha kasimpulan urang kana kalakuan eta bangsa? Sanes curigaan deui atuh
eta mah, tapi aya motif sanes! Ekonomi? Politik? Agama? atanapi
sadayana? (Moal disebatkeun ah, bisi disebat curigaan...!)
>
> Hih, kuring mah netral soal Irak jeung Amerika mah,
lieur ngabandunganana, soalna di Timteng mah pajeujeut sueur
teuing kapentinganana. Irak diserang ku Amerika, teu sadayana nagara
di Timteng teu satuju. Kuwait
mah malah surak, da baheula kungsi diserebu ku Irak. Arab Saudi pon kitu,
eta mah asli balad Amerika. Nu sejen? ningali-ningali heula, nu mana nu
paling nguntungkeun nagarana. Yordania plin-plan, kitu deui
Suriah. Ditambah ku situasi ayeuna, dimana Irak teh tambah kacow.
Ah mending netral we ......
>
>
> Baktos,
> WALUYA
>
