----- Original Message -----
Sent: Sunday, 27 November, 2005
13:32
Subject: Re: [Urang Sunda] lemesna
ramo....
Leres Kang DWS, kalayan panambih: ceurik gagauran/ngagaur : ceurik
bakating ku nyeri, biasana alatan nyeri waruga (fisik), upama: "anu kakadek
leungeunna teh ceurik gagauran".
Aya deui, ceurik ngabangingik: ieu mah biasana ceurik budak anu
kahayangna can kacumponan. Rambay cimata: ieu mah ukur sedih atawa nalangsa,
tapi henteu nepi ka ceurik (ceurikna masih bisa ditahan). Murubut cipanon:
nalangsa anu rada gede nepi ka ngaluarkeun cimata rada loba, tapi henteu
nepi ka ceurik.
Ceurik (bab ceurik): ebrehan (ekspresi) tina kasedih anu dibarengan ku
cimata jeung sora. Upama sora bisa ditahan, kaasupna ukur ngaluarkeun
cimata (bab cimata)
Ka baraya sadaya, muga-muga ulah jadi ceurik kulantaran macaan ieu bab
ceurik jeung cimata:).
manAR
