Diteraskeun ti milist sapalih, manawi aya manfaatna. manAR
--- In [email protected], oman abdurahman <[EMAIL PROTECTED]> wrote: Haturan Teh Siti, Nami-nami muslim (anu nganggo basa arab) kalintang seueurna, bade nyandak tina asmaul husna (Al Qur'an) atanapi ngarakit tina basa Arab anu hartosna sae, tiasa wae. Pon kitu deui, nami anu sae atanapi nami basa Sunda anu hartosna sae tiasa wae. Ieu nami Insya Alloh satingkat sareng nami- nami anu asalna tina Al Qur'an/basa Arab anu hartosna sae. Maparinan nami anu sae ka murangkalih eta kalebet kawajiban anu jadi sepuh. Nami dina lebah dieu ngarupakeun do'a, cita-cita, atawa harepan ti sepuhna ka anu jadi anak. Tangtu wae, sadayana pakait jeung laku lampah, amal, sareng naon rupi bagean kahirupan anu sararae. Ngeunaan nami anu sae ieu, dina tradisi Islam, aya sababaraha patokan. Kahiji, nuturkeun sakaol hadist anu netelakeun yen nami-nami anu sae teh diwangun ku asma'ul Husna + kecap "Abdu" anu hartosna "hamba", "makhluk", di payunna. Upamana wae, Abdul Muhyi tina asmaul husna "Al Muhyi", anu Maha Ngahirupan, + Abdu: Abdul Muhyi (hamba ti anu Maha Ngahirupan) . Pon kitu keneh, nami-nami sapertos Abdul Manan, Abdul Hamid, Abdul Aziz, Abdurahman, jst, ieu kalebet-kalebet nami-nami ngagunakeun patokan di luhur. Kapungkur, ngadamel nami sarupi ieu kantos populer, namung ka palihdieunakeun seueur anu tos teu ngaranggo deui. Sigana, jaman kiwari, kecap-kecap "Abdu" atawa "Abdul" dipayuneun kecap asmaul husna rada morosot pasaranana. Namung teu kitu saleresna mah, da jalmi mah salian ti ngaran, oge kumaha eusi anu nyanding eta ngaran. Kadua, aya oge anu maparinan nami anu sae ieu ku cara nurutan nami- nami tokoh-tokoh Islam atawa tokoh sajarah atawa tokoh kamanusaan anu sae. Upamina wae, Nami "Muhammad" eta nyonto kana nami kangjeng Nabi Muhammad saw (saleresna, nami "Muhammad" asal kecapna kalebet oge asmaulhusna, sabanding sareng: "Mahmud" atawa "Al Hamid"). Dina patokan anu ieu, nya nami- nami sapertos: Ali, Hasan, Husen, Fatimah, A'isyah, Aminah, Abu Dzar, Sumayyah, jst, ti rengrengan para sahabat. Atuh kapalihdieunakeun, ti rengrengan para wali atanapi jalmi-jalmi sholeh sanesna aya nami-nami: Ali Zainal Abidin, Fariduddin Attar, Abdul Qodir (ieu kalebet oge nami tina fatokan anu kahiji), jst sakitu seueurna (teu acan kalebet tokoh-tokoh Islam Nasional). Dina patokan kadua ieu, tiasa oge urang nyonto nami-nami anu sararae ti rengrengan inohong-inohong Sunda baheula dugi ka ayeuna. Upamana wae nami-nami: Ajiguna, Linggabuana, Ragamulya, jst. Aya kahemeng lebah dieu: moal asa kabaheulaan teuing atawa beurateun ku ngaran upami nami-nami anu sapertos kitu dianggo? Katilu, aya oga patokan nami ku cara ngagabungkeun antara nami anu sae + kecap "din" + (hartosna : agama, jalan hirup) + nami kulawarga (clan)/bapana anu jadi putera. Upamana wae nami-nami : Jalaluddin Rahmat (kagagahan agama + Rahmat nami kulawarga/sepuhna), Jamaludin Wiartakusumah (kaendahan agama + Wiartakusumah = nami ramana), jst. Pon kitu keneh, nami-nami saperti: Ihsanuddin, Fariduddin, Zainuddin + masing-masing nami kulawarga, jst, ieu kalebet nami-nami nganggo patokan katilu. Dina leresn ieu, tiasa wae dianggo nami, upamina: Jamaluddin Ahmad (pameget), upami isteri: Na'imah Ahmad, jst. Kaopat, nami-nami anu asalna nyutat tina Al Qur'an atawa Al Hadist atawa istilah-istilah anu sae tina agama, sagemblengna atawa dimekarkeun (dipilarian derivat atawa turunan kecapna). Upamana wae nami-nami: Zaki, Muthahhari, Na'imah, Haidar, jst. Tina wacana budaya Sunda nami-nami ieu kalintang seueurna, upamina: Asih, Karta, Sasmita, Kania, jst. Kalima, nami kenging ngarakit sorangan tina kekecapan anu sae sangkan jadi hiji do'a atawa harepan anu sae. Upamina: tina kecap "hubbaka" (= asih/kterasn Anjeun/anjeun) sareng "ghoyatii" (tujuan abdi) tiasa ngajenggelek hiji nami anu lumayan endah: "Hubbaka Ghoyati". Pola sapertos kieu tiasa wae digunakan kanggo kecap-kecap anu aslina tina basa Sunda, upamana: Ajiguna Permana (sangkan anak lalaki urang teh jadi hiji panutan anu manfaat tur waspada salawasna), Ratna Wulan (sangkan jadi jalmi anu kalintang luhur darajatna, sapertos inten, tur jasmanina + akhlakna geulis dipikaresep siga bulan), jst. Contoh sanes: Aria Santana(tokoh anu -bahasa Indonesia-kesatria). Rupina sakitu wae, pamugi aya manfaatna. baktos, manAR PS: aya saena tataros ka nu ahli, upamina: pangersa H.R Hidayat Suryalaga (022-7801282) On 11/30/05, siti komariyah ahmad <[EMAIL PROTECTED]> wrote: > > Manawi aya anu ngaduh daftar nami (muslim) kanggo si utun anu sakedap deui > bade gumelar. Tangtosna kedah lengkep sareng hartosna. > Kana pitulungna si kuring ngahaturkeun nuhun > > baktos pun > ahmad > > > --------------------------------- > Yahoo! Music Unlimited - Access over 1 million songs. Try it free. > > [Non-text portions of this message have been removed] > > > > > PENTING..! > > attachment akan dihapus & tidak diteruskan kepada seluruh member. > > dilarang beriklan. pelanggaran atas peraturan ini akan dikenai sanksi > berupa pencabutan membership. > > terutama bagi pengguna ms outlook/outlook express, dihimbau untuk selalu > mengupdate antivirusnya. > > Yahoo! Groups Links > > > > > > > > [Non-text portions of this message have been removed] --- End forwarded message --- ------------------------ Yahoo! Groups Sponsor --------------------~--> Give at-risk students the materials they need to succeed at DonorsChoose.org! http://us.click.yahoo.com/SBefZD/LpQLAA/E2hLAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
