|
Ieu mah ngan sakadar ngabejaan bulu tuur, pedah we
aya nu keur "ngadu pantun".
Lamun urang ngilikan KUBS (Kamus Umum Basa Sunda)
LBSS, aya katerangan ngeunaan pantun, kecap pantun ngandung harti :
1. mantun, nyaritakeun (ngadongeng)
bari diselang nabeuh kacapi, carita pantun biasana nyaritakeun
jaman karajaan baheula, saperti carita Ciung Wanara, Lutung Kasarung, Nyi
Sumur Bandung, Mundinglaya Dikusumah, Budak Manjor, Badak Pamalang, Panggung
Karaton jste.
Biasana samemeh der mantun, prepantun (tukang
pantun) sok amit-amit heula biasa disebut rajah pamuka, kitu deui lamun
geus lekasan sok saduk saduk bisi aya kasalahan dina nyaritakeunana disebut
rajah pamunah (hapunten bisi pahili, lantaran kungsi maca rajah pamunah teh
keur bubuka rek mantun).
2. ngaran sarupaning basa dangdingan anu tungtung
jajaranana diwangun ku kecap anu murwakanti ( nya ieu meureun anu
dimaksud "ngadu pantun" teh).
Ngan biasana nu disebut pantun dina sastra Sunda
leuwih condong kana carita pantun, beda deui dina sastra Indonesia nu sok
dihartikeun saperti harti no.2
Lamun urang ningali nu keur mantun sok karasa geter
mistis, ceuk cenah eta teh perbawa carita anu teu sagawayah bisa ditanggap komo
lamun carita anu kahot kayaning Lutung Kasarung atawa Ciung Wanara, lantaran aya
kaitan jeung awal kajadianana Urang Sunda,didinya aya sakralitas rohang (ruang,
Ind) jeung waktu.
Aya deui anu rada memper siga kitu biasa disebut
Rarakitan jeung Paparikan, sisindiran anu diwangun ku dua jajar cangkang
jeung dua jajar eusi contona :
kamana nya nyiar kulit
hayang seubeuh sesewiran
kamana nya nyiar duit
hayang seubeuh pelesiran.
Aya meri dina rakit
boboko wadah bakatul
lain nyeri ku panyakit
kabogoh direbut batur.
Mangga lajengkeun "ngadu pantun"na.
MSasmita
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
|
- [Urang Sunda] pantun MSasmita
- Re: [Urang Sunda] pantun Akhmad Gunawan
