Wilujeng sumping di Babakan Kusnet, Kang Dudi nu di Sudan. Nepangkeun sim kuring pun Waluya, urang Bandung tapi asalna ti Sumedang.
Kang Dudi, kuring mah ari nguping Sudan teh, emut kana wartos dina koran. Cenah di Darfur Sudan, aya kajantenan nu ku pers barat mah disebat etnic cleansing atanapi genocide. Kajadian ieu teh, tepi ka disorot ku PBB, PBB rek masihan sanksi ka pamarentah Sudan kulantaran ngantep milisi pro pamarentah, "ngabantai" penduduk di Darfur Sudan. Milisi pro pamarentah, lamun teu lepat mah namina teh Jangjaweed, nu etnikna Arab, nyerebu, ngarusak jeung maehan urang-urang hideung di Darfur. Kasus ieu ampir-ampir jadi agenda utama PBB, lamun teu aya bencana tsunami di Aceh mah. Tapi sakali deui, ieu wartos teh ceuk koran. Tah, kumaha saleresna situasi di Sudan teh? naha leres eta teh aya "etnic cleansing"? Baktos, WALUYA dudi mulyadi <[EMAIL PROTECTED]> wrote: Nuhun pisan atuh kang Jamal kana pangbageana. Numatak ,abdi ka/di Sudan teh teu acan lami yeuh , nembe dua iyangan. Kahiji salami 43 dinten. Ahir oktober dugi ka awal desember 2005. Tah nu ayeuna nu kadua kalina . Kawit awal Januari , Insya Allah sasasih lamina. Janten teu acan tiasa seueur d! ongeng na Tapi anu katengetan ku sim kuring mah, karakter urang Sudan teh ampir mirip sareng urang Sunda . Sabar, gede toleransi jeung taat kana ibadahna. Malah leuwih onjoy ti batan urang sunda.Urang sudan mah anu katingali ku sim kuring, upama geus waktuna solat ah der we solat. Baju bolokot ku taneuh /kebul teu jadi alesan teu ngadegkeun solat. Malah sujudna ge teu make sajadah , istuning diamparan ku kebul taneuh we . Mun wudu teu rea meakkeun cai .Cukup ku sabotol leutik. Solidaritasna oge cukup tinggi. Istuning urang sudan mah dina ngajalankeun bag bagan agamana teh ngaheulakeun ahlak tibatan patogtegan dina urusan fikih. Dina solat wae, waktu ngadeg saatos takbiratur ihrom, aya anu sidakep, aya nu henteu. Teu jadi soal. Berjamaah we. Luyu . Salila di Sudan, can ningali urang sudan parea-rea omong/ paheuras heuras genggerong atawa pasea tea. Salabar we, padahal suasana ! ; di pagawean rea piambekkeun, panas jeung rada diburu-buru, da di lapangan. Duka ari kanyataan di luar lingkungan gawe sim kuring mah. Euh aya pangalaman anu ngajadikeun sim kuring rada ngagebeg. Waktos ngawitan pendak sareng urang sudan, manehna langsung ngasongkeun leungeun bari nyebut dhamam?, cenah. Ari pangdenge sim kuring mah sugan teh nanya damang?. Aeh sugan teh kuring panggih jeung urang sunda deui. Ari pihartieunnana kecap eta teh meh sarua jeung kecap damang di urang. Nanya kaayaan urang. Gimana kamu OK ?, mun cek bahasa malayuna mah. Sigana sakitu we heula nya "salam perkenalan" ti sim kuring ayeuna . Insya Allah disambung sanes waktos. Wassalam Dudi Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
