Hapunten,bade ngiring ngareuah reuah nambihan dongeng plei boi,kupangalaman pala mitra anu karandapan ku simkuring . Lamun ras kana lalakon jaman keur masih buta tulang buta daging,ayeuna sok kabiruyungan seuri koneng,palias teuing sanes seuseurian sorangan,ieu mah. Harita kuring keur mangsana resep ngalalana ngurilingan Jagat,ampir satungkebing langit kakurilingan ceuk paribasana mah. Nanging omat ulah gaduh sangkaan negatip,adigung adi guna,sompral asa aing uyah kidul,teu pisan pisan seueur harta banda, atanapi kenging warisan . tetebihan ngagunasika ngagunakeun harta rahayat mah,da simkuring mah sanes Pajabat.Ieu mah bane tiasa ngurilingan unggal nagara pakulian dipalayaran kapal pesiar bogana Walanda . Allhamdullillah,harita mah pakulian masih kenen gampang,asana teu ngaluarkeun duit sapeser peser acan(nya dimana aya duit peseran,sanes)saacanna diiangkeun ka nagri Walanda ,rombongan kuring meh aya kana 140 urangna ngayakeun pelatihan salila 4 Bulan,bari jeung di asramakeun jeung unggal Mingguna meunang uang saku. Malum anu munggaran rek ka manca nagara sigana Pun Biang ngabubur beureum bodas heula,pada nyeungceurikan kawas anu bade ka Tanah Suci . Penerbangan kaluar Nagri ti Halim Perdanakusumah,anu jajapna oge aya dua Bus sareng dua Truk. E ddddd aaaa ssss Diberangkatkeunana nyarter pesawat K.L.M ,salila penerbangan teu ieuh tumamu,si Enon Pramugari ngamalum,maklum rombongan tea katambah ku groups anak Kabayan Incu Nini Anteh.tukang guyon,silih gonjak,silih ledek atanapi ngabodor,katingali mani keom keom bae nyi Enon teh ari tos wanoh kana lawakan urang mah . Ahli leleb teu wudu sagala diringkid perlu naon bae dibebaskeun ngaladangan sorangan atawa masing-masing. Jauh moal burung cunduk anggang mo burung datang, satepina ka Bandar udara Schipool,rombongan kuring dijemput sarta ditempatkeun di hiji Hotel anu teu pati jauh kapal Pesiar S.S Rotterdam nungguan . Salila 2 Minggu rombongan ngayakeun pelatihan langsung di kapal ,sarengsena sarapan Bus jemputan ngajugrug hareupeun Hotel,maklum peujit koreseun ,ceplok endog jeung roti bakar,ih asa teu acan nepi kana peujit,beuteung kukurubukan keneh,padahal sibule pelayan Restaurant aya kana sababaraha bakul ngembohan roti,nepi ka olohok atuh ningali tiap urang ngawadahan roti sapiring mentung .Nya biasa kabiasaan diurang sawios tos sarapan bubur kapan kana kejo mah kudu sanes. Poe isukna diusulkeun sarapan ku kejo goreng (nasi goreng) mung orokaya sanguna karek satengah mateng ,kalan kalan anu masih keneh gigih.Kukituna mah bisa dimalum dimana aya urang Bule ngaliwet.....????? Harita musim dingin anu kacida tirisna,eta anu marandi pada ngusey ceuk anu bohong berjam jam ,kumaha teu kitu anu biasana dilembur ari mandi cukup ku saember ari ieu kantun ngocorkeun siga dina sumber air panas . Sarengsena pelatihan nuluykeun lalampahan mawa penumpang kurang leuwih 1.200 urang tujuan New York (Amerika),poe kahiji lancar teu aya gangguan nanaon,nincak poe kadua saumur nyunyuhun hulu,kakara harita ngalaman anu disebut mabok Laut (mabok sajatining mabok saleresna) peujit karasa dipurilitkeun ,sirah lanjung,leumpang dadarigdeugan,bumi alam asa muter titingalian harejo,utah uger nepi kaluar anu koneng,jurung kunung kapal asa ngapung ,sorosod asa aya nunarik,riyeg riyeg oleng kakatuhu,kakenca (mugi ulah kirang kirang nya ngahapunten sanes nyingsieunan ka pala mitra anu aya rencana seja damel di Palayaran,malih mah dimana tos ngalaman kieu tos janten Pelaut sajati - pan dina laguna oge- Nenek moyang ku orang pelaut sanes ) Barang pecah belah anu teu kungsi diampihan paburantak,pareupeus,malah korsi di swiming pool di dek racleng kapangpengkeun kubedasna ombak.. Tempat pamatuhan (home port) kapal Pesiar S.S Rotterdam di New York di Pier 40 anu teu pati jauh Down Town atanapi Timesquer pusat perbelanjaan sareng keramaian.Setiap Minggu sore berlayar salila saminggu ka Bermuda atawa pulau anu aya di Caribian Kabeneran harita kuring kabagian day off di New York ki sobat ngajak jalan 2 caritana rek ningali gambar toong .Sanggeus mayar karcis,asup karuangan anu di jerona aya ruangan deui aya lobang paranti panoonganana,ih bedus katoong dijero teh aya kuda putih bulucun dina meja anu bisa nguriling.Sigana lamun harita ayana diurang tangtu kana dibeuleum sakalian si Enona. Panginten.......... Minggu hareupna kisobat ngajakan jalan deui basana teh bisi panasaran urang ningali Felem Horror terbaru bisi kaduhung katanyaan engke di lembur Nya kitu saparantos mayar karcis asup ruangan kabeneran Filmna can maen.,supaya teu ngaliwatan penonton lian milih pidiukeun ngahaja panghareupna,teu lila Filemna dimimitian diputer ...ey ...sinurus tunjung...matak pikasebeleun ....silih pacok sesama jenis ...Filem Biru lalakina..... Ti harita kapok tara ieuh daek diajak jalan ku kisobat si Borokokok....... Ieu mah landong baeud oleh-oleh ti urang manca nagara baheula ...... Salam sono kanggo baraya sadayana, .
Waluya <[EMAIL PROTECTED]> wrote: Hehehehe ......eta dongeng plei boi mani teu anggeus-anggeus. Inget jaman keur ngora (mahasiswa), waktu mimiti terang aya majalah jiga kitu teh. Boga babaturan urang Garut ayeuna mah cenah bejana jadi Dekan di Universitas di Makasar. Si eta teh ngangajak ka tempat kostna, boga nu aneh cenah. Nya kuring teh ngilu ka tempat kostna. Manehna terus nembongkeun majalah ti Amerika eta. Mani hookeun mata simeuteun, saumur-umur kakara ningali aya gambar kitu. Timana eta boga nu kitu, ceuk kuring teh. Ti si N, cenah bari seuri. Si N teh budak astronomi, ayeuna mah jadi baturna kang Agus Her di Kompas. Geus digawe, kuring teh sok dihareureuyan wae, da jomblo jeung "sieunan" ka awewe teh. Padahal mah teu sieun teu sing, ngan can wani we ....hehehehe. Batur kuring nu sok ngaheureuyan wae teh, urang Tasik, bangorna kacida. Kuring "kuper" teh diomong-omong ka "boss", mangkaning bos teh rada pikaeraeun jeung galak deuih da eta pameunteuna sok serieus wae. Hiji waktu si Boss teh nyampeurkeun ka ruangan kuring, bari mamawa amplop gede, pamenteuna biasa serieus. Ari sugan teh bade nitah digawe atawa bade nyarekan, ari pek kalahka nyarios : " Nih oleh-oleh dari Itali, buat kamu, biar cepet nikah!", cenah bari angger "serieus". "Terimakasih Pak", ceuk kuring teh, rada era, jeung bingung naon hubunganana oleh-oleh ti Itali jeung kudu gancangan kawin. Ngan si bos geus ngaleos deui. Teu komentar naon-naon. Ari ditingali teh eusi amplopna, uluh eusina teh aya majalah Ameika, aya PLei Boi, aya deui nu leuwih gawat Penthouse. Teungteuingeun eta mah si bos ...... nitah gancangan kawin, kalahka dibere majalah "lieur". Sataun ti harita, kuring dialanteurkeun ka sukabumi, kawin jeung urang Cibadak, ka batur sakantor keneh. Ngan bos kuring teu sumping, harita teh anjeunna nuju ka Malaysia. Ari geus gaduh pamajikan mah, si "boss" teh tara masihan deui oleh-oleh ........ Baktos, WALUYA Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Jewish culture --------------------------------- YAHOO! GROUPS LINKS Visit your group "urangsunda" on the web. To unsubscribe from this group, send an email to: [EMAIL PROTECTED] Your use of Yahoo! Groups is subject to the Yahoo! Terms of Service. --------------------------------- Send instant messages to your online friends http://uk.messenger.yahoo.com [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
