Punten ngiring ngalangkung .... Ieu dongeng si Aki atanapi dongeng kang Ndoell nya ... he ... he ...
baktos, budhi kurono kopo 241 - nungguan waktu badminton ----- Original Message ----- From: Ari R. Fikri To: [email protected] Sent: Wednesday, February 15, 2006 11:47 AM Subject: [Urang Sunda] Ba: Re: Goodbye Nini! Ieu dongeng si aki na. Hiji mangsa si aki sarua naek beus. Naek na ti lebah gerbang tol, kabeh panumpang kabagean diuk, pon kitu oge si aki. Asup ka jalan tol panumpang narundutan malahan sawareh mah aya nu nepi ka kerek. Keur mengpeng tarik si beus teh di erem ku supir. Panumpang anu narundutan ti jareduk kana korsi hareupeunna. Untung ku sabab beus antar kota korsina laluhur tur haripu jadi weh ngajeduk teh teu pati nyeri teuing. Kenek nu cicing di deukeut panto hareup ngaroris ka tukang, ninggalian panumpang bisi aya nu kumaha onam. Katinggalina mah kabeh ararokeh, ngan aya sawareh nu nyekel tarang balas tidagor. "Hapunten para wargi di rem ngadadak, bubuhan itu di payun aya jalan anjlok" (Meureun di tol Cipularang ieu teh nya ?) Ceuk kenek sasadu. Panumpang ngagarunyem ngajawab sakadang kenek. Si kenek neruskeun leumpang ka belah tukang. Di bangku katilu ti tukang ka sampak si aki irungna getihan keur ngelap getih anu ngucur tina irungna. Kenek kacida reuwasna ninggali kaayan si aki kitu rupa teh. Hatena tagiwur jeung heran, naha batur oge nu tidagor rada tarik teu nepi ka getihan kitu. Kenek ngomong ka si Aki, "Naha aki teu ngawaler tadi ku sim kuring di taros, teh ?. Geuning aki mani getihan kitu pangambung teh. Urang ngiring heula atuh ka pul (kandang beus) supados dipasihan serat panganteur ka dokter atanapi rumah sakit supados di pasihan landong". "Keun bae sujang da lain salah supir, salah mobil ieu mah, salah aki malahan mah." Jawab si aki. "Lepat aki kumaha ?", ceuk kenek keukeuh, "Batur oge anu tijeduk tarik teu aya anu dugi ka getihan kitu". "Keun bae lah, jaba era deuih ". Si Aki tetep pageuh kana pamadeganna. "Era ?", kenek ngarasa heran kana jawaban si aki kitu teh. "Enya basa beus keur mengpeng tarik teh, batur mah sarare aki mah keur neruskeun hanca ti imah, jadi weh pas di erem teh irung getihan" "Hanca naon ari si aki ", kenek tetep can ngarti. "Enya hanca ngorong, jang. Karek anggeus nu kenca di imah mah. Di teruskeun anu katuhu di dieu". si aki teu kireum-kireum. Kenek nyenghel koneng, panumpang anu merhatikeun ngilu ngabarakatak ngadenge pangjawab si aki. Garing, nya. Sawios ah da nuju di ajar keneh ngadongeng na oge. pun Ari [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
