Hatur nuhun Bah Willy dongeng sajarah Pangeran Kornel tos rada enyay2an na emutan abdi. Pun Aki waktos aya keneh sok nyebat2 yen Mbah Jaya Perkosa teh gagah sakti mandraguna. Mung nya kitu tea we abdi teh rada teu ngeh ngan sok ngagerentes jero hate,Naon si Aki teh meuni mindeng teuing nyebut2 Mbah Jaya Perkosa??!! Ih, ngarana ge meuni Perkosa deuih Naon ahengna??!! Ada apa dengan Mbah Jaya Perkosa? Ari pek teh Mbah Jaya Perkosa sanes jalmi samanea Aya dongeng sakedik Abdi resep pisan kanu pepelakan, nalika boboran taun 2004 abdi sakulawargi wangsul ka Wado nyekar sakantenan silaturahmi. Di daerah Cicapar Situraja sateuacana pom bensin rada palih ditueun Dayeuh Luhur pami arah ka Wado, seueur pisan kembang bakung nu nuju meujeuhna kembangan. Kelirna oranye ngagradasi sareng bodas, aya oge nu kayas tapi mung sakedik, clo diditu clo didieu gugumplukan. Ningali kekembangan nu sakitu saena, jorojoy hoyong ngalihkeun kekembangan eta ka Bandung. Kaimpleng na emutan, pami dipelak dibeberes, tiasa siga kembang Tulip di Nagri Kolecer, Walanda heheh. Sawangsulana ti Wado, abdi sakulawargi liren heula ngarabutan kembang bakung, Alhamdulillah kenging seueur, bari isin2 ge kunu ngalalangkung da meus-meus ningalikeun. Dugi ka Bandung, dipelakeun di payuneun bumi, tapi anehna dugi ka ayeuna hirup mah hirup kembang teh, subur malah daunna . mung teu aya kembangan. Padahal kembang eta dipelakeun nuju kembangan keneh. Saur pun biang mah, eta teh kembang kajajaden kagungan Mbah Jaya Perkosa, panginten teu ridoeun, bendu kembangna dialihkeun ka Bandung. Naha make bendu da kieu-kieu ge abdi teh pituin Urang Sumedang?...Waduh, pami leres teh kasaktenan Mbah Jaya Perkosa masih keneh terap dugi kaayeuna, sareng sanes Hanjuang wungkul atuh pepelakan nu Mbah teh nya???!! . Pertarosan kanggo urang Sumedang atanapi nu terang sejarahna leres kitu kembang bakung nu aya di wewengkon eta teh kembang kajajaden? Message: 6 Date: Wed, 15 Mar 2006 05:35:46 -0000 From: "waluya56" <[EMAIL PROTECTED]> Subject: Re: "Pangeran Kornel" di Sumenep Kang Ono, ceuk versi urang Sumedang mah, Cirebon teh nyerang ka Sumedang. Di Sumedang harita teh aya opat urang "senapati" nu asalna ti Pakuan Pajajaran. Kumargi Pajajaran runtag, para "senapati" ieu teh ngawula ka Karajaan Sumedang Larang nu dianggap "penerus" ti Pajajaran. Para Senapati teh Embah Jaya Perkasa, Embah Teropng peot jeung nu dua deui mah poho deui ....hehehehe Diantara nu paling jugalana, namina teh Embah Jaya Perkosa. Waktos anjeunna ngadangu Cirebon nyerang ka Sumedang, gara-gara Putri Haribaya dibawa ku Pangeran Geusan Ulun. Anjeunna tatan-tatan, ngumpulkeun wadia-balad, keur nahan serbuan urang Cirebon. Anjeunna rek mapag pasukan ti Cirebon teh di daerah Nyalindung ayeuna. Tapi samemeh angkat, Embah Jaya perkosa teh, nancebkeun tangkal Hanjuang di Sisi Cipeles ( Hanjuangna masih aya tepi ka ayeuna), jeung titip pesen ka "embah" 2 anu tiluan. Lamun tangkal hanjuang ieu, layu atawa paeh, hartina EMbah Jaya perkosa teh perlaya, bobor karahayuan, sareng bawa ngungsi Pangeran Geusan Ulun kaluar ti Kutamaya Sumedang. Tapi upama Hanjuang ieu teu nanaon, hartosna Embah Jaya perkosa salamet. Bring pasukan ti Sumedang mapag pasukan Cirebon. Ku hebatna Embah Jaya Perkasa, pasukan Cirebon teh eleh, jaradi tawanan. Bakating ku loba, tawanan nu ti Cirebon tepi ka ngeungkeuy diabringkeun ka arah Sumedang. Di daerah Nyalindung, cenah mah di Kampung Panenjoan, mata- mata Sumedang, kaget ku ningali ngeungkeuyna pasukan Cirebon. Reuwas, da nyangka, pasukan Sumedang anu eleh. Mata-mata ieu langsung ngabret ka Sumedang, lapor yen pasukan Cirebon kaciri ngeungkeuy rek nyerebu ka Sumedang. Nu di Sumedang, panik, poho kana pesenna Embah Jaya Perkosa, ngungsi ka tempat nu ayeuna katelahna Dayeuh Luhur. EMbah Jaya Perkosa, sasumpingna ka Sumedang, kacida hanjeluna, asa gawe teu kapake, padahal anjeunna geus pesen soal hanjuang tea. Teras nyusul ka Dayeuh luhur. Di Dayeuh Luhur, anjeunna ngambek, para embah anu sejenna ditewek dugi ka tiwasna. Saterasna anjeunna sumpah, turunan aing teu meunang meunangkeun urang Cirebon. Nu saterasna Embah Jaya Perkosa teh tilem di Dayeuh Luhur. Kang Ono. Di Dayeuh Luhur aya makam Pangeran Geusan Ulun sareng istrina Putri Harisbaya. Upama jarah kadinya (ayeuna eta tempat teh tempat Jarah) teu kenging nganggo batik. Atuh ku sumpahna Embah Jaya Perkosa, aya kapercayaan di Sumedang, teu meunang kawin ka urang Cirebon (.....Kuningan mah henteu, da pamajikan kuring oge asalna urang Linggar Jati ....hehehehe). Sabenerna, ceuk beja mah, Sumedang teh "rugi" pagetreng jeung Cirebon teh, sabab Sumedang teh jadi leungiteun daerah SIndang kasih ( Majalengka ayeuna). Keur ngagantian "nyeri hate"na Sultan Cirebon kumargi Putri Harisbaya dibawa "lumpat", daerah Sindang Kasih dipasihkeun ka Cirebon. Pangeran Geusan Ulun, namina dianggo jalan di Bandung, dianggap asal muasalna kaum menak Sumedang. Lamun Kang Ono ngobrol jeung urang SUmedang nu resep kana silsilah, tungtung luhur tina "piramid" silsilah pasti Pangeran Geusan Ulun. Tah kitu Kang Ono. Ka Urang Sumedang, punten koreksi, bisi aya nu lepat, maklum dongengna sanes tina buku, tapi dongeng ti kolot baheula keur budak, samemeh sare ........ Baktos, WALUYA
Send instant messages to your online friends http://uk.messenger.yahoo.com [Non-text portions of this message have been removed] Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
