Baheula basa masih dicirebon kuring sempet guguru elmu silat ka salah aki jenenganana aki Atma. Si aki ieu teh elmuna luhung, muridna oge loba. Aya sababaraha angkatan (heu..heu..siga kuliah. Angkatan taun 93, 95, jst).
Kuring nyaho soteh pedah imah kuring teh tatanggaan pisan sareng anjeunna. Ari peuting (mimiti jam 9) kuring sering ningali ti kaca jandela imah loba nu keur latihan silat. Paling henteu tiap angkatan muridna teh aya 10. Latihana teh ti peuting mimiti jam 9 sampe jam 11-an. Bari noong ti kaca jandela kuring teh asa kabita hayang miluan diajar silat. Bisa silat ngarah bisa jaga diri. Duka kumaha mimitina ahirna kasampean oge kuring diajar silat ka bapa Atma. Kuring diajar jeung babaturan saangkatan. Aya si Iman, si Udi, si Salim, Si Buldani, si Herman, si Yadi Kemog, jeung si Sobana. Saencana Latihan dimimitian kuring jeung babaturan diwajibkeun nyungsung (nyiapkeun sesaji) heula. Nyaiapkeun kembang tujuh rupa, bala kapendem 7 rupa (sagala hakeneun nu buahna aya di jero taneuh; capeu, boled, suweg, hui....), jajanan pasar 7 rupa, cai tujuh rupa. Bubur bodas bubur beureum, jeung wuduk (nasi uduk). Sanggaeus kabeh eta disiapkeun brak diambrakeun tuluy ki Atma ngahurungkeun parupuyan, dipurulukan menyan, brussssss haseup ngebul minuhan ruangan. Paralak ki Atma mulai ngadoa. Calon murid-muridna ngaruiung ngurilingan sesaji sementara di luar imah geus poek maklum sarepuna. (ah..geus heula ah. Engke mun kieung diteruskeun deui.) Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
