>On 4/11/06, wildan thoyib~~ <[EMAIL PROTECTED]> wrote: >Dr.C Snouck Hurgronje, adalah salah munafikin/kafirin nu ngancurkeun islam >di indonesia, terutama di jantung-jantung >islam, sunda kelapa dan serambi >mekah (aceh), punten dikaji kembali ieu makluk teh...
Asa kaemutan ku postingan Kang Wildan perkawis Dr. Snouck Hurgonje, kuring jadi emut ka buku "Semangat Baru" karangan Kang Mikihiro Moriyama nu kamari2 diguar di Itenas. Emut teh kulantaran Dr Snouck Hurgonje saleresna aparat pamarentah Hindia Walanda, jadi kalebet kaum "administrator", sanes urang Walanda swasta atawa walanda agamawan alias misionaris nu hayang ngristenkeun urang Sunda. Dr Snouck Hurgonje nyobat dalit jeung ulama jeung budayawan Sunda nu kasohor H. Hasan Mustapa. Dr Snouck oge nikah ka putri menak Sunda, dua kali malah. Istri nu ngawitan, putrina Panghulu Ciamis, teras kulantaran istrina pupus, nikah deui jeung putrina Kalipah Apo. Deukeutna pejabat Hindia Walanda jeung ulama Sunda, sanes wae Dr. Snouck, tapi oge K.F. Holle, nu geus tiheula sosobatan jeung Mohamad Moesa, panghulu Garut. Fakta ieu nunjukkeun yen kaum Ulama Sunda baheula narima urang Walanda, malah sosobatan. Jigana kaum Ulama bisa narima tuan-tuan walanda ieu, satutung teu ngajak pindah agama.. Snouck asup Islam (soal pura-pura henteuna mah, anging Alloh Swt anu terang), sedengkeun Holle, dina bukuna kang Miki, salah saurang Walanda nu teu resep ka kaum misionaris, malah mangaruhan pamaretah walanda ngalawan kaum misionaris, sapertos ditulis ku Kang Miki dina bukuna (kaca 42) : "Hal yang sama dilakukan oleh para missionaris yang telah memberikan sumbangan penting pada semesta ilmu pengetahuan lewat usaha mereka menyusun kamus dan buku tata-bahasa. Mereka menerjemahkan Alkitab dan ajaran-ajaran Yesus ke dalam bahasa Sunda, yang kebanyakan ditulis dalam huruf latin. Namun mereka kurang sukses dibandingkan dengan kaum administrator. Kegagalan para missionaris itu menyebarkan agama Kristen di daerah Sunda sebagian adalah karena pengaruh Holle dalam politik pemerintah melawan propaganda krinstenisasi di Jawa Barat, sehingga tidak sampai timbul reaksi kelompok Muslim fanatik. Sebab lain adalah karena kekeliruan misionaris memahami kebudayaan Sunda" Janten salah sahiji faktor kunaon urang Sunda jarang nu lebet Nasrani, nyaeta ti pamarentah Hindia Walanda nyalira, nu teu boga niat rek ngristenkeun urang Sunda. Keur Walanda, teu penting Urang Sunda jadi Kristen, nu penting mah Tatar Sunda tetep dina kakawasaan maranehna, teu barontak, jadi aman eukeur usaha /investasi. Anggapan yen Walanda ngajajah nagara urang teh salian ti neangan kauntungan tapi oge boga niat ngristenkeun, teu sadayana leres, ngan kaum agamawan Walanda wungkul nu boga niat kitu teh, tapi henteu didukung kunu sejenna. Jigana nu "henteu" teh kaasup oge Dr. Snouck ........... Baktos, WALUYA Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
