--- amin mudzakkir <[EMAIL PROTECTED]> wrote: > > Maksad 'transformasi' nyaeta nyangkut kana kasadaran kritis, yen bahasa mangrupikeun produk budaya nu terus-terusan direproduksi dina konteks ruang sareung waktos tertentu. Ieu memang katingalna terlalu teoritis, tapi paling heunteu ti sisi ieu urang tiasa miara tur ngembangkeun basa sunda. Abdi tangtos salut ka para wargi nu tos damel ti kapungkur kanggo miara tur ngembangkeun basa sunda. Abdi berharap dina sanes waktos tiasa diajar ti aranjeuna. ----- Teu mekarna basa Sunda teh sigana, mun rek neangan nu perlu disalahkeun, nya salah urang Sunda sorangan, keur ah eukeur kaayaan anu rada teu ngadukung. Maksud kuring, teu mekarna basa Sunda (kabeungharan kecap, ambahan) teh alatan basa Sunda tara atawa malah teu kungsi dihirupkeun kalawaan bener2 dina kahirupan urang. Ngobrol make basa Sunda teh lolobana mah diwates ukur mun ngobrolkeun nu 'biasa', da ari pas ngambah nu rada canggih & mutahir mah, sok leos kana basa Indonesia. Jaba deuih, ayana lembaga samodel Lembaga Basa & Sastra Sunda (LBSS) nu sakuduna aya di hareup salaku pangaping atawa nu sarupa kitu teh bet geuning teu pati katingal ketakna. Jadi, lian ti perluna pangrojong ti pihak formal, nya tangtu nu boga tanggung jawab teh urang salaku urang Sunda, nu kawarisan ieu basa. Naon atuh basana, nya? Nya pokona mah ngaoptimalkeun dipakena basa Sunda. ----- > Nu kapendak ku abdi, aya semacam 'involusi' basa sunda. Contona, undak-usuk basa malah janteun panghalang urang sunda pami bade ngabudalkeun pikiran sareung ekspresi diri. Padahal undak-usuk mung sakadar 'mekanisme kekuasaan' kanggo ngajaga hierarki sosial sareung kultural dina masyarakat sunda. Tah, dina konteks ieu, 'transformasi' tiasa ditarjamahkeun sebagai proyek kultural kanggo nyadarkeun urang sunda yen undak-usuk basa sanes hal nu teu tiasa dirobah. Pami urang sunda gaduh pandangan yen undak-usuk basa malah jadi panghalang perkembangan basa sunda, asa teu aya lepatna pami undak-usuk eta diancurkeun heula. Atawa pami dina basa kaum post-modernis mah, di-dekonstruksi heula. Kumaha tah pami kitu? ----- Sapuk, Kang Amin. Malah mah pan jejer undak-usuk teh geus dibahas dina kongres basa Sunda sababaraha taun ka tukang, geus direkomendasikeun sangkan diheureutan atawa dileyurkeun sahingga jadi basa merenah, netral. Jadi, memang saleresna tos dirobih. ----- > Saleuresna, 'transformasi' basa sunda tiasa ditarjamahkeun secara luas, tergantung dina konteks naon urang mahamina. ----- Tah, numutkeun Kang Amin, transformasi dina bentuk kumaha? Manawi aya pamendak.
jk Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
