|
Lamun seug persib ngiluan piala dunya wakil ti
indonesia, meureun ibur salelembur ear sajajagat. Ngan hanjakal ukur dina
lamunan wungkul, kanyataanana lir ibarat ngajul bulan ku
asiwung. Sanajan enya ngan ukur dina lamunan tapi keun
bae da ceuk si kabayan ge hirup mah cukup ku ngalamun, hayang beunghar
leng ngalamun, hayang nu geulis leng deui ngalamun. Kukituna hayu atuh
urang ngaralamun,ngalamunkeun persib bisa makalangan di nuremburg, hanover atawa
gelsenkirchen;
* Saminggu samemeh prung para pamaen
persib wajib kursus kilat ortopedi sangkan awakna jadi jalugjug jangkung
nandingan pamaen asing.
* Bakating ku hayang nongton siaran langsung, para
bobotoh kapaksa patungan nyarter pasawat CN235, ngan hanjakal teu
kaasupkeun kabeh nya kapaksa sawareh reuteum dina jangjangna.
* Samemeh persib
der makalang diayakeun heula
pertunjukan debus jeung kuda lumping
* Saprak ningali aksi debus jeung kuda lumping para
holigans ti inggris mamandapan mun kaparengan ngaliwat kahareupeun para
bobotoh.
* Daun pulus keser bojong, lagu pangpaporitna lamun
persib nek makalangan.
* Saprak aya piala dunya pengamat politik jaradi
pengamat bola, obrolan ibu ibu arisan oge teu jauh ti urusan
perbalan
* Salila piala dunya, anggota dpr loba nu
reses, sabagian deui ngayakeun studi banding ka jerman sakalian
lalajo
* Cita cita barudak oge garanti mun geus gede cenah
hayang jaradi pamaen persib
* Ceuk panayaan mun persib hayang meunang, tihang
gul lawan kudu dikiihan heula, atuh puguh we lamun kaparengan persib maen sok
ngadadak bau kalelengking
* Ma erot oge milu andil ari dilemburna mah bisa
ngajiad bola kasti jadi bola sepak, ari di jerman mah sabalikna bola
sepak jadi bola kasti, pas hareupeun gul batur bal ngadadak
meotan jadi susah ditewak
* Salian ma erot, dedi corbuzier oge diringkid ka
jerman, titah nyulap gulna batur, mun balna melentung kaluhur, geuwat
tihang gulna dijiad dijurukunungnungkeun kaluhur, mun balna melenceng
kagigir gancang tihang gulna digeserkeun kagigir
* Antara bobotoh, bonex jeung jak mania basa keur
ligina mah kawas ucing jeung anjing, naha ari keur piala dunya mah geuning
layeut kawas gula jeung peueut
* Samarukna di pinggir stadion arena jerman loba
tatangkalan, boro boro para bobotoh geus siap siap nek reuteum dina tatangkalan,
lumayan bisa nongton kasebelasan kameumeutna kalayan gratis, ngan hanjakal
diditu mah euweuh tatangkalan nu nyolodor kalapang
* Balik ti jerman pamaen nu lajang keneh
bakal dipulung mantu ku para gegeden najan ahirna aya nu kanyahoan geus
boga budak
* Geus ah....tong ngalamun wae bisi ngebul tah sirah
***sr*** Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
|
