Re: [Urang Sunda] GRUP NARAKA

[Aj Kusnet]

Mun tea mah Brazil eleh tilu gul we ku Jepang tur Croatia eleh ku  Australia (duanana keur gedeg 1-1 ayeuna teh), bakal aya naraka deui di  16 badag, tegesna grup luhur. Sok geura tengetan. Jerman-Argentina adu  hareupan di 8 gede, Itali-Brazil mah malah di 16 badag. Nu mareunangna  bakal marebutkeun tempat ka pinal ngalawan... saha deui atuh lamun lain  Walanda...    Ah... Ngarana oge ngalamun...    AJhangjuang bodas <[EMAIL PROTECTED]> wrote:                                      
                                       GRUP NARAKA        Nalika  helaran piala dunya baris digelar, ka 32 nagara pamilon tos dibagi jadi  dalapan grup.  Di grup C nu dieusi ku Argentina, Walanda,  Pantai Gading jeung Serbia-Montenegro nu disebut-sebut sabage grup  naraka.  Naha disebut grup naraka?  Ieu mah panginten kecap  kantetan nu ngahaja diciptakeun ku media (boh media citak oge media  elektronik) pikeun ngagambarkeun kakuatan di ieu grup nu meh sarua  atawa saimbang nu bakal nyuguhkeun tontonan adu-laga nu sengit, rongkah  tur panas.     Memang  pami ditilik hiji-hiji
 kasebelasan nu aya di grup C ieu, kahartos pisan  ku urang kunaon grup ieu disebut grup naraka.  Di dieu aya tim  tango Argentina jeung tim Oranye Walanda, dua nagara nu gaduh tradisi  hebat dina widang bal-balan nu teu kedah dicaturkeun deui.  Oge  aya Pantai Gading, nu sanajan karek munggaran ngiring piala dunya tapi  tos disebut-sebut bakal jadi "kuda hideung" kusabab di babak  kualifikasi tos sukses nyingkirkeun Kamerun jeung Mesir nu biasana sok  jadi wawakil ti Afrika.  Pantai Gading oge gaduh panyerang nu eksplosif  dina diri Didier Drogba (Chelsea), ditambih aya Kolo Toure (Arsenal) di  barisan tukang nu teu disangsikeun deui kahebatanana pikeun nahan  serbuan musuh-musuhna.  Terahir aya Serbia-Montenegro nu teu  kaelehkeun salami babak kualifikasi, kalebet sukses ngabendung Spanyol  jeung Belgia nu langkung diunggulkeun.     Kumaha 
 kanyataanana di lapangan?  Pikeun Argentina mah grup C ieu teh  sanes grup naraka, malah tiasa disebut grup nu empuk.   Saparantosna ngajungkelkeun Pantai Gading dina laga pamuka nu kawilang  rada alot, teras Argentina pesta pora nyingkirkeun Serbia-Montenegro  genep jendol tanpa bales.  Kitu oge Walanda, tiasa ngelehkeun  musuh-musuhna di dua laga awal.  Jadina, sarengsena dua kali  tanding, boh Argentina, oge Walanda tos lolos ka babak saterusna.   Antukna adu-hareupan antara Argentina jeung Walanda dina laga-tanding  nu panungtung di grup C teu leuwih ti basa-basi alias formalitas  wungkul.  Tos teu aya geregetna deui.  Nu ahirna grup C ieu  teu pantes pisan nyandang gelar grup naraka.     Terus  grup mana atuh nu tiasa disebut grup naraka?  Numutkeun kuring mah  grup naraka teh ayana di grup E, nu dieusi ku Italia, Republik Ceko,  Ghana
 jeung Amerika Sarikat (AS).  Nepi ka rengsena dua kali adu  tanding, can aya hiji kasebelasan oge nu lolos atawa mastikeun ngalaju  ka babak saterusna.  Sabalikna, can aya oge tim di grup ieu nu tos  pasti kasingkir.  Adu-tanding pamungkas di grup ieu bakal jadi  laga pikeun nangtukeun lolos henteuna ka babak 16 gede.     Di sagedengeun eta, jalanna adu-tanding nu tos lumangsung di grup E ieu  kawilang seru oge.  Italia --nu kawentar ku pertahanan  ala gerendelna-- teu tiasa unggul ngalawan AS, malih mah wasit dina  laga ieu teh kedah ngaluarkeun tilu kartu beureum pikeun ka dua  kasebelasan.  Oge Ceko --nu gaduh peringkat ka dua versi FIFA-- teu walakaya nalika nyanghareupan Ghana, debutan ti benua Afrika.     Italia  jeung Ceko baris
 silih telasan dina laga nu panungtung, kitu oge Ghana  jeung AS masih keneh tiasa lolos pami salah sahijina aya nu  unggul.  Tangtuna wae sa-opatna kasebelasan ieu bakal nyiapkeun  taktik tur strategi  nu paling jitu sangkan tiasa ngalumpuhkeun musuhna.  Pami  diistilahkeun mah saopatna oge baris toh-tohan, bebeakan, sataker  tanaga, nambrukeun sagala pangabisa nepi ka piriwit ahir.       Antukna pikeun para gebol mah, adu-tanding nu siga kieu nu didagoan teh, nu teu gampil diprediksi hasil ahirna, oge tiasa nyiptakeun drama  salami laga lumangsung tur nyajikeun "perang" nu sengit,  rongkah jeung panas.  Sangkan memang pantes disebut grup  naraka.  Cag,     hendra  nu kungsi ngimpen jadi komentator
 bola             Sneak preview the  all-new Yahoo.com. It's not radically different. Just radically better.                            
		How low will we go? Check out Yahoo! Messenger’s low  PC-to-Phone call rates.
__._,_.___





Komunitas Urang Sunda --> http://www.Urang-Sunda.or.id









   



    


  
  
    SPONSORED LINKS
  
          
                  
            
        Corporate culture
      
                      
        Business culture of china
      
                      
        Organizational culture
      
              
                        
            
        Organizational culture change
      
                      
        Jewish culture
      
                    
           
  







  
  
  YAHOO! GROUPS LINKS



   Visit your group "urangsunda" on the web. 
   To unsubscribe from this group, send an email to: [EMAIL PROTECTED] 
   Your use of Yahoo! Groups is subject to the Yahoo! Terms of Service.



  






__,_._,___