kamari pabeubeurang si kuring ngulampreng ka kantor cupumanik anyar nu oge kantor Pusat Studi Sunda. acara mieling 40 poe pupusna Prof. Edi S Ekadjati. seueur nu sumping, inohong nu teu sadaya kuring apal.
nu ngadu'a oge masihan caramah panineungan ajengan Usep Romli. nu bari semu dareuda, bari heureuy, nyarios yen enya, gening di urang mah jalam nu soleh, nu handap asor, nu jujur teh tarereh dipundut yuswa. atuh ari kitu mah mun hayang panjang umur teh, ulah saroleh teuing, cenah. hahaha. puguh nu sumping seuri, keom, jsb. kang Ajip nembal, ngabandungan yen nu soleh jeung handap asor tarereh dipundut yuswana, atuh kuring mah lila keneh meureun da teu soleh jeung teu handap asor, moal asup surga deuih, da gawe nyarekan batur. hahaha kang Ajip Rosidi oge masihan caramah panineunganana ngeunaan Prof. Edi S Ekadjati. aya dua buku nu harita dibagikeun haratis, buku surat Yasin aya gambar prof. Edi, tarjamahan basa sunda jeung guguritanana, yasana abah Surya-HR Hidayat Suryalaga. hiji deui, judulna NU MANGGUNG dina Sajarah Sunda, yasana alm. Prof. Edi. eusina cerita/biografi/lalakon para tokoh Sunda pilihan ti jaman sangkuriang, Sekar Roekoen, Oto Iskandardinata nepi ka Ir. Djuanda, nu kungsi jadi perdana menteri. si Ua Sas miluan papatungan ngawaragadan medalna buku ieu. lauchingna kamari, dina raraga 40 poe eta. aya si Ua Sasmita, Hawe Setiawan tuan rumah nu boga hajat, Soni farid maulana, kang Budhiana ti PR, jrrd. Prof Edi teh muridna Prof. Ayat Rohaedi. duanana satia ngulik neangan nu laleungit dina hasanah budaya jeung sajarah sunda. cek kang Ajip, sajarah Sunda teh masih keneh mangrupa leuweung geledegan, karek disingray-singraykeun saeutik ku sababaraha ahli kaasup prof. ayat jeung prof. edi mudah2an we kahareup aya deui nu neruskeun lalampahan prof. ayat jeuung prof. edi. mj http://geocities.com/mangjamal Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
