[Urang Sunda] Re: resef eureun tina rokok (tah aosss!!)

[Miryawan]

Ngiring ngadu bako ah sareng Kang Waluya…..   1. Pribados sapamadegan yen anu alus mah teu ngaroko   2. Bako memang janten salah sawios sumber kahirupan patani. Saur hukum ekonomi: "Ada permintaan, maka ada supply” Upami teu aya anu peryogi bako, moal aya anu melak bako. Upami teu melak bako, patani moal seepeun akal, seueur keneh anu tiasa di pelak anu sami-sami ngahasilkeun artos. Contona di kampung tatangga sim kuring, aya anu tiasa munggah haji tina melak cengek.   3. Leres yen cengkeh janten komoditas utama di sabagian daerah. Tapi anu meryogikeun cengkeh henteu mung industri roko. Cengkeh seeur oge diperyogikeun kanggo industri farmasi (kanggo obat) Janten saupamina pabrik roko tutup, Insya Alloh kebon cengkeh tetep aya.   4. Perkawis efek sosial, memang leres seueur pangaruhna ekonomi kana kahirupan. Tapi sumber ekonomi henteu ngan saukur tina industri roko. Upami anu janten PSK sareng sajabina eta mah SANES KIRANG EKONOMI, Saur Pa Miftah Farid, ETA MAH KIRANG IMAN. Kumaha solusina? Saur pribados: artos jatah ngaroko kempelkeun teras buka usaha baru. Pan urang sadaya terang, yen potensi artos roko kacida ageungna. Memang sesah ngempelkeun artos kanggo kasaean mah. Tah eta … ari dianggo ngaroko mah mani gampil ngaluarkeun artos teh, Ari dianggo nulungan batur mah hararese urang teh   5. Manghanjalkeun, naha ngaroko deui.   Hatur nuhun ka sadayana, MIR   =========================================== Posted by: "waluya56" [EMAIL PROTECTED]   waluya56   Enya lah, rek ngaroko oge mangga, tapi nu alus mah teu ngaroko. Bako dipelak ku para patani di urang, malah jadi sumber kahirupan. Patani di Garut jeung Tanjungsari Sumedang unggal taun melak bako kitu deui di daerah sejen. Di Madura jeung di Jawa Timur (daerah Tapal kuda), bako mangrupakeun komoditas utama. Ku penting-pentingna bako, kungsi kabejakeun di hiji desa di Madura aya carok, antara mantan lurah jeung lurah nu keur jumeneng, rebutan lahan desa (tanah carik), kulantaran lahan eta ngahasilkeun bako kualitas hade. Urang Sunda oge teu tinggaleun nganggap penting bako, tepi ka aya istilah "ngadu bako". Cik aya nu terang riwayatna timana istilah "ngadu bako"? Bako diurang dicampur cengkeh, jadi roko keretek. Cengkeh oge keur sabaggian daerah kaasup komoditas utama. Ku penting-pentingna cengkeh, kungsi pamaretah ngaregulasi perdagangan cengkeh (BPPCna Tomi). Waktu cengkeh murah akibat diregulasi ku pamarentah (baca : dimonopoli Tommy), urang Minahasa ngajarerit. Kabeneran waktu eta, kuring ka Minahasa jadi ningali pisan kumaha sangsarana urang Minahasa. Cengkeh nu biasana 15-20 rewu perak, hargana jadi 2000 perak. Urang Minahasa nu biasana lubak-libuk, ngadak-ngadak jadi salangsara. Efek sosial akibat ieu gede pisan, salah sahijina tingkat kriminalitas naek, moral jadi turun (loba nu ngadak-nagdak jadi PSK, da biasa hirup mewah). Lamun ningali eta, ngaroko teh sabenerna mah ngahirupan patani bako jeung cengkeh salian tinu boga pabrik roko, karyawan jeung padagang. Bako jeung cengkeh, dilemna keur pamarentah, tapi oge dilemna keur kuring......sabab, kungsi eureun ngaroko 2 taun leuwih, ayeuna jadi ngaroko deui .....hehehehehe Baktos, WALUYA (NU kungsi diseungseurikeun Ua Sas, pedah kuring ngaroko deui)   __._,_.___ Komunitas Urang Sunda --> http://www.Urang-Sunda.or.id SPONSORED LINKS Corporate culture Business culture of china Organizational culture Organizational culture change Organizational culture assessment YAHOO! GROUPS LINKS  Visit your group "urangsunda" on the web.    To unsubscribe from this group, send an email to:  [EMAIL PROTECTED]    Your use of Yahoo! Groups is subject to the Yahoo! Terms of Service. __,_._,___