|
Butut
Tukang rongsokan ceuceuleuweungan ngurilingan
lembur.
"Panci butuuuuuut.....katel butuuuuuut....sapatu butuuut....parabola butuuuuut....kulkas butuuuuuut...
sagala nu butut
butut tiasa dirironkeun sareng bawang beureum, mangga ibu ibu, eteh eteh,mangga
ulah isin isin!"
Keur kitu aya nu ngelol tina jandela bari
nyeuleuweung.
"Mang antosan sakedap abdi gaduh nu
butut!"
"Oh mangga, gaduh radio butut kitu?"
"Sanes mang...ieu abdi gaduh salaki butut, kinten
kintena sabaraha kiloeun upami dikana bawangkeun?"
Tukang jeruk
Soleh
Beus jurusan jakarta - garut keur nyemprung dijalan
tol cipularang, teuing timana jebulna dijero beus teh ujug ujug wang weng wong
we ku tukang jeruk nawarkeun daganganana.
"Baraya wilujeng tepang sareng abdi asev gumasev si
tukang jeruk soleh tea, kusabab abdi mah jalma soleh bade balaka
we yen jeruk ieu teh haseum, haseum kacida, ngahaja ngical kanggo nu nuju
nyiram, sok dimirahkeun, sapuluh rebu 20 siki!"
Para panumpang beus angger jarongjon teu
kapangaruhan ku nu nawarkeun jeruk, nu nundutan beuki anteb nundutana, anu keur
ngorong beuki jero ngorongna, sumawona nu keur silih korobet beuki nyaliara
ngorobetna.
"Nyi....sok ka nyai mah sapuluh rebu 30 siki, tah
bilih kirang tambihna lima!" ceuk tukang jeruk satengah ngaharewos nawarkeun ka
hiji wanoja anu herang mencrang. Nu ditawaran ngan ukur godeg.
"Ih si nyai mah sok pura pura kitu, abdi ge apal
atuh nyi, nyai teh nuju nyiram nya, jadi mun nuang jeruk ieu pas pisan, hawatos
geura bilih jaga tuang putra janten ngelay, sok geura meungpeung dimirahkeun,
tah atuh ka nyai mah ditambihan deui janten sakarung sapuluh rebu etang etang
mahugi!" tukang jeruk nawarkeun bebeakan. Na ari gantawang teh si herang
mencrang kalahka nyarekan.
"Tong gagabah ari ngomong teh...abdi mah parawan
keneh, cik atuh kudu bisa ngabedakeun, mana parawan, mana nu geus aya
jerukan, naha biwir abdi geus lecir kitu make nyangka geus nyiram
sagala?"
Dikitukeun tukang jeruk sasadu bari gura giru
ngaleos. Abong nu jualan asongan, najan tas dicarekan laklak dasar,teu
euih euih jeung teu kapok kapok, terus ngadeukeutan anu keur
nundutan.
"Jerukna Pa, sok dimirahkeun, nyeepkeun, sakarung
sapuluh rebu!" bari noel taktak nu nundutan. Atuh puguh we nu nundutan asa
kagebah,bari ngorejat pok manehna nanya.
"Amis, haseum?"
"Haseum!" tembal tukang jeruk
"Bener haseum?"
"Muhun haseum, haseum kacida!"
"Mun kitu mah ku kuring diborong jeung karung
karungna!"
Ningali kitu, batur sabangkuna langsung nanya
semu nu heran.
"Pa, geuning jeruk haseum dipeseran, nuju gaduh nu
nyiram?"
"Tong salah jang, jualan dina beus mah nawarkeunana
sok dibaralik. Contona tahu tiis dibejakeun panas, jeruk haseum sok
dibejakeun amis, jadi mun ieu jeruk dibejakeun haseum padahal mah.......
Geura wang cobaan hiji!" bari belewek ngahuapkeun jeruk anu geus meunang
mesek.
"Kumaha rasana,Pa...Kareueut?" nu nanya siga nu
geus teu sabar.
"Bedul....Enyaan geuning nu dagang teh soleh euy!"
ceuk eta jalma bari meureudeuy ditungtungan nyengir kuda.
syam ridwan
Baraya....abis bulan moal bisa seuri sugema lamun
can ngaborong "keom sakedap"salima lima...mangga enggal kontek
MJ!
Kanu ngaborong pangheulana bakal "dijapri" ku
sinyai anu herang mencrang tea. Teeetttt! (bari mencet
remot)
__._,_.___
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
__,_._,___ |
