KAGET Waktu Carmen mimiti nincak ka Arab Saudi, manehna jeung adina make baju "abaya": baju hideung, kurudung hideung jeung dicadar. Waktu nece taraje (tangga) pesawat, adina tikudawet ku baju abaya, tepi ka barang dina tas leungeunna mawur. Teu aya saurang oge nu nulungan. Adina mencrong ka Carmen bari kukulutus: Tempat nanahaon ieu teh?". Di Arab Saudi, lalaki teu meunang deukeut teuing jeung awewe, komo nepi ka nyekel nulungan awewe nu tikudawet ku baju mah.
HATUR NUHUN Saterusna Carmen, ngajugjug imah indungna Yelsam, nu sok disebut Om Yelsam. Manehna ngajrek di imah mitohana. Di imah mitoha awewena teh loba jongos (pelayan). Waktu Carmen ngucapkeun "Hatur nuhun", ka jongos nu ngalayanan Carmen, mitohana jeung adi salakina kacida kageteunana. Kitu deui jongosna. Kaget, sabab ngucapkeun "Hatur nuhun" ka jongos teu lumrah di Arab Saudi. Sikep ieu, negeskeun fakta yen Arab Saudi mangrupakeun nagara pangakhirna di dunya nu mupus perbudakan, nyaeta di taun 1962. Tepi ka taun 1962, kulawarga- kulawarga beunghar di Arab Saudi baroga "budak belian". Waktu pamarentah Arab Saudi mupus sistem perbudakan, "budak-budak beulian" ieu dibebaskeun ku cara "dibeuli" ku pamaertah Arab Saudi ti nu mibogana. PUTRI MISH'AL Kajadian ieu di taun 1978. Salah saurang incu awewe dulur lalaki raja, nu aranna Putri Mish'al ditelasan di lapangan parkir kota. Mish'al nu kakara rek mangkat dewasa ditunangankeun ka lalaki nu jauh leuwih kolot. Mish'al rek kabur jeung kabogohna ka luar negeri, tapi katewak di lapangan terbang. Akina, Pangeran Muhammad, dulur lalaki raja Khalid, nitah raja supaya nelasan Putri Mish'al kulantaran mawa aib ka kulawargana. Raja Khalid sabenerna nolak parentah lanceukna ieu teh. Tapi kulantaran Pangeran Muhammad teh, sabenerna mah pewaris Tahta karajaan Arab Saudi, ngan kulantaran Pangeran Muhammad jalmana heuras, nya dewan karajaan ngangkat Pangeran KHalid nu jadi Raja. Putri Mish'al akhirna ditelasan. [Catetan ti Kuring : Wartos ieu nyebar oge di koran-koran di Indonesia] MASJIDIL HARAM DIBEBASKEUN KU PASUKAN PERANCIS Revolusi Iran meunang, Khomaeni kawasa di Iran. Aya kajadian luar biasa waktu musim jamaah haji. Masjidil Haram di Mekkah diserebu ku ratusan ekstrimis Islam. Pamimpin ekstrimis ieu nyieun pernyataan2 nu provokatif soal korupsi jeung perilaku nu nyimpang ti kulawarga karajaan-pangpangna mah gubernur Mekkah Pangeran Nayef. Ceuk Carmen, nu ngabebaskeun Masjidil Haram ti kaum ekstrimis teh, pasukan penerjun payung Perancis. Pasukan ieu nyerbu liwat rohangan bawah tanah Masjid. Pasukan ieu, saencanna di Islamkeun heula. Lamun Pasukan Perancis teu pipilueun mareuman nu barontak, barontak ieu bakal hese dipareuman. Sanggeus kajadian eta aya puluhan jalma dieksekusi dihareupeun umum di sakuliah nagara. [Catetan ti Kuring: Wartos masjidil Haram diserebu nu barontak, aya di koran Indonesia. Tapi soal pasukan perancis pipilueun, rarasaan kuring, teu aya wartosna di urang] Seueur deui nu narik dina biographi Carmen ieu. Maca buku ieu kudu kritis. Biographi hartina, maca pandangan ka hiji masalah ti kacamata nu nulisna. Jadi sifatna subyektif pisan. Carmen, Warga negara Swiss, didikan kulon, asup ka nagara nu kacida tertutupna. Arab Saudi, sistem pamerentahanan, Monarki Absolut. Jadi tangtuna oge aya "keterkejutan" budaya. Carmen oge turunan urang Iran/Persia. Ti baheula keneh urang Persia jeung urang ARab teh sabenerna henteu pati akur. Ditambah deuih beda mazhab Islam. Arab Saudi Sunni, Iran Syiah. Jadi tulisan Carmen ieu oge teu leupas ti sentimen Arab-Persia ieu. Baktos, WALUYA Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> Your email settings: Individual Email | Traditional <*> To change settings online go to: http://groups.yahoo.com/group/urangsunda/join (Yahoo! ID required) <*> To change settings via email: mailto:[EMAIL PROTECTED] mailto:[EMAIL PROTECTED] <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
