Re: [Urang Sunda] komunitas -- kulawarga

[MSasmita]

Assalamualaikum wr wb Waktos ngariung di Geologi di kantorna Kang Oman Mama Manar, asana mah taun 2004, harita aya pupuhu Kadamas upami teu lepat mah Kang Abdurachman, harita kantos disigeung kecap "komunitas" teh, saurna naha bet kawas nu euweuh bae dina kecap basa Sunda kapan bisa bae diganti ku "kumpulan" atawa "kulawarga", harita sim kuring mah mung nyebat, nya atuh ieu mah nyobian we "pipilueun" ka jaman, kapan diluar teh nuju usum kecap komunitas (leres aya unsur gaya sakedik he he) Komunitas katingalna tos diadop janten basa Indonesia da upami ningal dina KBBI (Kamus Besar Bhs Indonesia) aya, nu hartosna kelompok organisme (orang dsb) yang hidup dan berinteraksi di suatu daerah tertentu, atuh teu lepat-lepat teuing upami ieu kecap komunitas teh dibenyeng janten basa Sunda hartosna mah teu benten we sareng dina basa Indonesia. Ari kecap kumpulan, numutkeun KBBI nyaeta, kelompok sareng perhimpunan, nya ieu ge upami enas-enasna mah teu lepat upami dilarapkeun kana Kusnet, kitu deui kecap kulawraga sami dina KBBI hartosna 1,ibu bapak dengan anak-anaknya,2. orang seisi rumah yang menjadi tanggungannya (batih),3.sanak saudara, 4.satuan kekerabatan yang sangat mendasar di masyarakat. Nyutat tina KBBI teh pedah we dina sadayana kamus basa Sunda (Sunda-Inggris Hardjadibarata, LBSS, Satjadibrata, Budi R Tamsyah, dugi ka kamus populer/istilah dina basa Sunda, kamus istilah sastra basa Sunda) kecap komunitas teu kapendak, duka tah naha aya kitu dina kamus Sunda Danadibrata anu bade terbit sasih Nopember. Janten numutkeun sim kuring mah ieu kecap komunitas teh keun we sina janten basa Sunda dina Kusnet, etang etang ngeuyeuban basa Sunda, sareng deuih upami ngabanding banding hartosna diluhur asa aya "nuasa" hartos anu benten antawis komunitas, kumpulan sareng kulawarga. Mugi jembar manah kasadayana. Wassalam   MSasmita kuncen # 2.     ----- Original Message ----- From: dede mariana To: urangsunda@yahoogroups.com Sent: Sunday, October 15, 2006 7:02 PM Subject: Re: [Urang Sunda] komunitas -- kulawarga Tah, kumaha usulna ditampi? ari "K" na mah sami persis, mung jigana rada benten makna "Komunitas" sareng "Kulawarga" teh. Naon bentenna? tangtos kang ganjar ge langkung uninga he3. Janten, sanggem abdi mah keun we "Komunitas" ge anggap we eta kecap teh tos janten kecap basa Sunda, atanapi kecap enggal dina basa Sunda hasil serapan ti basa deungeun tea. Ah mangga we kasanggakeun ka para ahlina+paraji ieu "Kusnet" ....   dmar Ganjar Kurnia <[EMAIL PROTECTED]> wrote: Asslamu 'alaikum Wr.Wb.   Rumaos teung ngiring marajian, jenten teu kagungan hak maparinan ngaran. Tapi dina dunya demokrasi,  sigana upami aya usul mah kaci alias teu diharamkeun. Dapon teu disaluyuan eta mah kumaha ramena saur manuk. Anu janten usul teh taya sanes, kecap komunitas anu mangrupakeun singgetan tina kusnet, kumaha upami digentos ku "kulawarga". Ayaopat hal anu janten pamadegan. Kahiji, luyu sareng sumanget hoyong ngagunakeun basa sunda; kadua upami kecap komunitas digentos ku kulawarga moal leungiteun makna; katilu, kaopat sami dingawitan ku hurup K; kaopat kecap kulawarga langkung jembar sareng tiasa nembongkeun tali asih anu langkung anteb. Eta mah usul. Ditampi wae mangga -- henteu ge moal pundung.   Wassalam   __._,_.___ Komunitas Urang Sunda --> http://www.Urang-Sunda.or.id SPONSORED LINKS Culture change Corporate culture Cell culture Organization culture Tissue culture Your email settings: Individual Email|Traditional Change settings via the Web (Yahoo! ID required) Change settings via email: Switch delivery to Daily Digest | Switch to Fully Featured Visit Your Group | Yahoo! Groups Terms of Use | Unsubscribe __,_._,___