[Urang Sunda] Hatur Nuhun Ki Akis sareng sajabana.

[MSasmita]

1. Ari sugan teh Ki Akis tos nyemprung ninggalkeun Keresek, tapi basa kuring mulang ngaliwat ka pasar naha geuning pasangrok keneh jeung Ki Akis, nya ditanya bisi mobilna mogok, lantaran basa nanjak rek kaluar ti pasantren ge didodorong heula ku barudak STSI, ari pek geuning keur balanja, duka teuing naon anu dibeuli. Nya harita sasauran saurna hatur nuhun parantos diulem kana ieu pajemuhan, da kakara mantun di pasantren sok sanajan ngan ukur rajah pamunah, bangbalikan jeung rajah pamungkas.Tadina mah rek ngadadarkeun naon eusina susuguh anu dina nyiru, didinya teh aya tangtang angin, dewegan, hanjuang, bakakak, tadina rek diterangkeun naon "sikina" unggal eta kadaharan, hanjakal waktuna samporet. Keun sugan engke lain waktu bakal aya kasempetan kuring rek manggihan deui, sugan we dibere beja naon eta sikina teh, naha enya sarua jeung tafsiran Pa Jakob atawa kumaha. Hatur nuhun Ki Akis.   2. Dina koran Kompas Jawa Barat poe ieu (Senen 6 Nop 06), aya gambar Ki Akis keur mantun dina kaca G, dina tulisanana disebutkeun "Akis (85) penutur pantun dari Banjaran Kab Bandung sedang melantunkan pantun diiringi petikan kecapi di Pasantren Keresek Kecamatan Cibatu Garut,, Sabtu (4/11).Kini jumlah penutur Pantun Sunda semakin berkurang", ari beja Kusnet mah teu disabit saeutik ge.   3. Kuring teh ngondang ka Koran Sunda, Bandung TV jeung STV, sok sanajan ngan ukur ngaliwatan sms, hanjakal teu datang, wartawan anu datang teh ti Kompas (Aditya) jeung Cupumanik (Atep Kurnia), ari ceuk Aditya mah keur dimuat dina feature duka teuing dimuat poe naon tah eta teh. Ari dina Cupumnaik mah sigana keur dimuat bulan hareup da terbitna sabulan sakali. Ka Cupumanik hatur nuhun tos masihan majalahna kalawan haratis, sok sanajan nu tos rada heubeul Kuring teh ditanya ku Aditya kira-kirana saha anu luyu diajak ngobrol, nya kuring ngasongkeun Kang Tantan, duka tah diwawancara naon Kang Tantan teh. Panggih jeung Adit teh keur kuring mah rada atoh keur mah geus rada lila teu panggih da ayeuna mah tugasna teu di Bandung tapi di Priangan Timur, lantaran inyana kungsi nginjeum buku geus rada lila teu dipulangkeun, nya kamari ditagih, Alhamdulillah buku nu diinjeumna teh dibawa.   4. Ka Kang Agus Pakusarakan komo ka Kang Deni Suwarja mah hatur nuhun pisan tos nyadiakeun lapak keur jualan buku, kaos jeung kantong, rada munel jualan buku teh, kumaha kauntungan nu 10% teh dikamanakeun naha di ka YP-keun bae kitu..?   5. Ka Panitia komo Kang Siddik, hatur nuhun,hapunten tos diririweuh ku sim kuring, kitu deui ka Kang Darpan anu tos banting tulang ngahadirkeun Hadro sareng Kuncen Peta Ciela kana ieu acara padahal enjing-enjing teh di Bandung keneh da ngiringan Nyundakeun UUD 45 tea, hanjakal kuncen Ciptawenang anu ngurus situs di Jatigede Sumedang teu tiasa hadir jalaran nuju teu damang. Ningal pintonan Hadro bet jadi kagagas, komo ningal ekspresi barudak anu nari-na, polos, lugu, pasrah, tapi tari-na kalawan ikhlas tur enya enya,ningal rindatna kagagas teh (duka teuing atuh bet jadi hayang ceurik), hatur nuhun Pa Tatang Ruhyana nu tos ngiring ngalanggengkeun Hadro. Palebah ningali peta Ciela, rada hemeng, mimitina mah hayang tatanya anu rada jero, tapi barang ningal ka kuncen-na ceuk hate teu perlu tatanya, sabab kuncen mah teu perlueun kuring percaya atawa henteu kana eta peta atawa umbul-umbul Ciung Wanara, kuncen mah tetep ikhlas ngajaga tur ngariksa barang titinggal karuhun. Aheng ceuk kuring sabab ceuk kuncen lamun aya nu totos dina peta eta daerah keur ngalaman tunggara, kitu deui waktu kuncen rada nyentak bari bangun anu kasarumahan pedah nu ningali raribut. Hatur nuhun Pa Iding Solihin kana dedikasina ngajaga peta Ciela.   6. Ka Pa Ganjar di Paris, hatur nuhun, teu kantos ditalangan da tos katampi ku Teh Imas.   7. Taun payun HBH deui...?, kedahna mah dilaksanakaeun deui, usul ti sim kuring kanggo waragadna mending rereongan sakamampuh sewang-sewangan, mun tiasa kekempel ti ayeuna kitu deui kanggo pangajen ka seniman/kuncen, saena dijantenkeun tradisi Kusnet unggal taun. Mugi mugi we kabiruyungan.   8. Pangajen kanggo Pa Warma Ali Ajis kuncen Ciptawenang Jatigede anu kamari dititipkeun ka Bah Willy, saena mah urang anteurkeun we ka Pa Warma, ngaleut yu...!!   MSasmita          __._,_.___ Komunitas Urang Sunda --> http://www.Urang-Sunda.or.id SPONSORED LINKS Culture change Corporate culture Cell culture Organization culture Tissue culture Your email settings: Individual Email|Traditional Change settings via the Web (Yahoo! ID required) Change settings via email: Switch delivery to Daily Digest | Switch to Fully Featured Visit Your Group | Yahoo! Groups Terms of Use | Unsubscribe __,_._,___