Mangkukna teh ngaregister urang-sunda.com, ari tadi ditingali - bari chatting sareng kang Deni Wahyu di YM - domain teh can keneh mucunghul dina domain manager abdi. Ditingali dina WHOIS ari pek teh available keneh. Nya nembe teh ditaroskeun ka bagian support-na. Saurna dina tahap ahir registrasi aya gangguan, artosna rek diuihkeun deui, bisi palay keneh domain eta sok dire-register, cenah. Oh ... paingan atuh tadi dina WHOIS database available.
Nya nembe teh bade diregister deui, ari pek teh tos aya nu miheulaan. Saha centeh ...... panasaran ditingali ka WHOIS - manawi teh baraya ti kusnet - ari pek teh Maltuzi Holdings, hiji parusahaan nu tos sohor tukang malingan domain perusahaan-perusahaan anu telat di-renew. Jeung ngamonitor ngaran domain anu diteangan batur, teras disabet/diregister ku manehna. Urang-sunda.com di register ku Maltuzi Holdings dinten ieu pisan. Sebel .... nembe teh tos balas dendam minangkana mah, sakarep-karep nyerat naon bae dina enquiry domain, keun sina diborong dipeser ku Maltuzi Holdings he he ....... Perusahaan eta teh tos nyepeng leuwih ti 7000 domain. Hapunten, teu cios bade hibah urang-sunda.com teh, da upami dipeser deui ti tukang babanda domain mah hargana tiasa jadi 1000 dollar. Janten dilapurkeun bae, mere hajat meleg ka si Maltuzi Holdings. Emut aya nu usul ngaran domain kusnet. Ditingali teh, kusnet.com oge tos aya nu ngaregister ku Enom (sami perusahaan nu sok ngamonitor enquiry sareng investasi babanda domain). Lies
