Assalaamu'alaikum! Sampurasun, Luur...
Dina kasempetan ieu, kuring seja ngembarkeun (deui) ngeunaan ayana rekening surelek anu make domain @urang-sunda.or.id. Rekening surelek ieu teh mangrupakeun alpukah (lain alpuket) Kang Deni Wahyu alias Cepot Gibol, juragan minyak ti Dumai, anu parantos ngolo ka Gmail salaku indung surelekna (dongeng lengkepna mah mangga taroskeun we langsung ka jinisna, kuring ge bingung da). Bok bilih di antawis baraya aya nu hoyong gaduh eta rekening surelek, mangga kontak ka Kang Deni atanapi ka abdi (japri). Patali sareng masalah 'perwaragadan' anu kungsi dibadamikeun sateuacanna, yen rehna 'divisi alam maya' Kusnet teh perlu cicis kanggo mayar hosting www.urang-sunda.or.id di Indoglobal, saatosna aya sumbangan (tempat) ti Teh Lies (tengkyu pisan, Teh...), nya rencana bade mundut 'ipekah' ti nu hoyong gaduh rekening surelek urangsunda teh dialihkeun we langsung ka rekening YP. Jadi, saupamina para saderek rido, misalna nyumbang 50 rebu we, eta artos teh insya Alloh bakal dipeserkeun buku bacaan (utamana kanggo barudak) Sunda anu bade disebarkeun ka sakuliah Tatar Sunda (mudah2an tiasa laksana) dina program Pabukon Simpay Katresna (Pasaka), atanapi dikamalirkeun kana program2 YP anu sanesna (mangga aos yp.urang-sunda.or.id). Sakitu heula bae anu kapihatur. Langkung saur bahe carek, hapunten anu kasuhun... ------- <http://www.urang-sunda.or.id> sikandar
