--- In [email protected], "MSasmita" <[EMAIL PROTECTED]> wrote: > > Walah dipakaitkeun jeung Ibnu Al Nadim, beu eta mah atuh tukang maca jaman baheula idola kuring, aya deui lamun soal buku mah tapi nu ieu mah ti Perancis ngaranna mah asana Boulard, sarua tukang ngumpulkeun buku, nepi ka aya istilah "biblioholik" atawa sok disebut "literary addiction".
Tuh, pan, kaluar tah elmuna? Hehehe... Punten, Ua. Sanes nyalutak, nyungkun, nyindir, komo bade "ngajilat" (naon basa Sundana?) mah. Pedah dipaparin buku atanapi naon... Eta mah tawis hormat abdi ka pangersa: Nandonkeun waktos sareng sanesna kangge ngagugulung buku Sunda atanapi nu pakait sareng Sunda. Palih dituna, Ua teh aya di Bandung palih kidul. Hartosna, numutkeun abdi, Ua mantuan Pemkot dina ngawangun "infrastruktur kabudayaan/seni" kota Bandung. (Bari Sunda deuih!) Matak, kamari abdi "ngeleketek" Ua sangkan ngamangpaatkeun fasilitas nu aya di kompleks Ua: Bandung "beurat teuing" ka kaler. Sagala aya di kaler -- sanaos, alhamdulillah, dina perkawis outlet sareng Makro mah, tos aya oge di Buahbatu. (Insya Allah, enjing pageto, pangacaprukan abdi perkawis ieu urang alungkeun ka milis). Perkawis nyerat nu teu terstruktur? Saur saha? Maos seratan Ua nu ditangkodkeun dina email, jentre bari teu ngacapruk siga abdi. (Abdi nyebat maneh ngacapruk teh sanes dalam rangka "low profile high profit", Ua. Tapi, rumaos: Pipikiran teh sok bebelecetan teu puguh. Nepi ka pun bojo mah sok nyureng mun maca seratan abdi teh. Komo, mun eta seratan teh dina Basa Sunda. Nyurengna teh campur manyun). Sajarah? Saleresna mah nu dipiharep ku abdi, sanes mung perkawis sajarah atanapi kakaruhunan. Nya, naon bae. Asal ngeunaan Sunda atanapi ku Basa Sunda -- bari rada panjang. Margi, nu karaos ku abdi: Nya ku remen maos posting-posting di ieu milis, Basa Sunda abdi teras kaasah. Matak, abdi moal bosen ngeleketek Ua: Teraskeun "kuliah Reboan" kapungkur teh. Atuh, bade ditambihan ku ringkesan buku-buku nu aya di pabukon Ua, nya langkung sae. Pan, urang nurutan Al Nadim? Hehehe... Tapi, leres Ua: Asana teu acan aya buku nu ngaringkes buku-buku Sunda nu aya, ti awitan Balai Pustaka dugi ka ayeuna. Matak, sakantenan bae: Ramatloka nu kamari dipagunemkeun di ieu milis ge kedah diemutan deui. Naha, misalna, salah sawios ramat loka teh bade nurutan Gutenberg Project, nu gaduh ambisi ngadigitalkeun kumna karya-karya sastra nu terbit di Barat? Atanapi, bade kumaha? Sakitu bae heula, Ua. Punten upami ngalantur. Baktos, Pun Maman
