Saur cenah mah, nu ngaranna evolusi genetik teh lain ku nyaluyukeun-nyaluyukeun teuing... organisme2 renik model virus atawa 'Bah Teri', bisa salamet tina antibiotik atawa antivirus kusabab materi genetik dina jero awakna memang salawasna robah SACARA ACAK, teu dijurung ku kaayaan lingkungan anu beda jeung samemehna, misalna, atawa kusabab kakeunaan ku rupa2 jat anu ngabalukarkeun mutasi (teu sadaya mutasi ngaruksak). Tapi memang, ya oge parobahan anu mangrupa hasil tina eupan ti lingkungan, tapi ieu mah kasusna husus pisan, teu dina sambarangan tempat. Misalna bae aya sarebu bah teri ngalaman parobahan genetik. nu hiji parobahanana kitu, nu hiji deui parobahanana kieu, nu sejenna deui parobahanana beda deui. Beda parobahan anu dimaksud teh bisa beda perenahna atawa beda bentukna, nu balukarna oge rupa2. Aya nu teu pangaruh naon2, aya nu ngabalukarkeun cacad, aya oge nu ngabalukarkeun eta mangkeluk jadi weduk kana antibiotik. Tah, dina pasna eta nu sarebu teh asup kana lingkungan anu beda, tangtu kamampuhan hirupna oge jadi beda. Anu mutasina kabeneran cocog jeung parobahan lingkungan mah nya salamet, sedengkeun anu henteu mah nya tiwas. Tah eta nu katelah seleksi alam tea.
Model mutasi anu dipedar di luhur teu sarua jeung mutasi anu karandapan ku organisme multiseluler model sasatoan atawa tutuwuhan, sabab sistim genetikna ge geus jauh leuwih canggih & pajeulit batan bah teri. Bakating ku canggih, nepi ka hese ngadongengkeunana oge! Heuheu... alesan... padahal mah teu nyaho... On 12/14/06, waluya56 <[EMAIL PROTECTED]> wrote:
Kunaon loba virus anyar? .....heuheuheu sakali deui Darwin nunjukkeun teorina teh ampir bener. Virus, mahluk hirup pangleutikna, bisa mutasi jadi virus anyar, nu sifatna beda jeung virus karuhunna. Virus nyaluyukeun diri kana lingkungan ......
