Wah, hebring kang Iwan euy, geus mraktekeun elmu "analisis isi" tina hiji informasi. Katoongnya cara batur mariksaan postingan di milist, nya? :) Bener-bener lain pangangguran :)
Abdi satuju sareng Teh Ely, keur sasaoranganeun kuring. Enya, kuring mah mukaan postingan atawa miluan milist teh pangangguran. Lamun aya postingan anu narik ati keur dipairan nya dipairan, lamun henteu mah dianggurkeun wae. Aya 3 milist anu kuring miluan kalayan aktif. Upama dijumlahkeun jeung anu masang status digest mah nya aya wae kana 7 milist. Kalolobaana mah macaan postingan di milist teh ukur judulna jeung sababaraha baris awal tulisan. Tegesna: loba anu dianggurkeun. Jadi, sanajan miluan meh di 10 milist, tetep wae kuring mah jadi "pangangguran" nepi ka tara merlukeun waktu 2 jam keur ngilo eusi milist. Balik deui kana soal "analisis isi". Aya kasauran ti Syaidina Ali kw --sanes iklan ieu mah da ari hikmah mah ceuk hadist ge kudu dicandak timana wae oge - anu unina kurang leuwih kieu: "Upas (utusan) anjeun bisa jadi ngawakilan anjeun pikeun nepikeun maksud anjeun, tapi eusi surat anjeun eta leuwih seukeut dina ngebrehkeun pikiran jeung sikep anjeun". Boa-boa, kalimah ringkes tapi ngeusi ti Syaidina Ali kw bau dicutat di luhur teh bisa jadi dasar-dasar elmu analisis isi dina widang komunikasi nya? Apan eta geus diebrehkeun ti kl abad ka 7 M. Ah, bit ketang. Teu wararantun teuing, bilih kaasup anu nuju iklan :). baktosna, manAR On 12/21/06, Iwan <[EMAIL PROTECTED]> wrote: > > Asa karunya euy ka teh Ely, > Maca email tepi ka dua satengah jam, eta geura.. make jeung nyaruakeun, > batur ge sakitu jam maca email.. > Cobi ngalih nganggo gmail geura teteh, atanapi ngiringan kejar paket-A pami > palay tiasa ngebut macana.. > >
