Ari Elmuna Nyandung teh aya 5 rupa. Kahiji - kudu Murugul Kadua - kudu Mantangul Katilu - kudu Ngarahul Kaopat - kudu Ngajentul, ditambahan kunu ... Kalima - kudu Ngabedul.
Tah.... eta geuning elmuna nyandung teh. Kuring sok inget we caritaan di luhur ieu tina kaset baheula, dina lalakon / judul "Elmu Nyandung" garapan dalang / tk dongeng: JAMAR MEDIA, tahun 1970/1980-an. Anu eusina mah kurang leuwih nyaritakeun, yen lalaki bisana nyandung teh kusabab ngamalkeun elmu-elmu siga ditataan di luhur eta. Mantangul - hartina mawa karep dewek/bedegong; Ngarahul - ngabohong (ka istri-1); Ngajentul - "(aksi diam)" lamun ditalek wae ku istri-1; Ngabedul - cara oray bedul (luar-leor wae caritana/bulat-beulit hese dicekel omongna. Jeung Murugul - teuing tah... poho deui kuring kana hartina. Naon nya cik hartina MURUGUL ? Cindekna, ari jalma nyandung teh lamun ditilik tina elmuna di luhur, inti-intina mah pihak lalaki (suami) kudu ngalakukeun sarupaning tarekah "reka perdaya" ka istri kahijina, sarupaning: Ngabohong, Nipu, Api-api (pura-pura), Bulat-beulit nyarita (loba ekol) jrrd. Leuwih jelas deui, tangtuna elmu nyandung di luhur eta mah jauh pisan tina bagbagan ajaran agama. Kahade ulah digunakeun ! Kuring sorangan lain tukang nyandung !!!!) Eta mah ... mangga we LENYEPANEUN ! He ...he...he... Wassalam,
