Kajadian ieu teh mangrupakeun salah sahiji ujian ti Allah Swt keur para jama'ah Indonesia (khususna), sok sanajan nu ngabakukarkeunana akibat tina pagawean manusa anu kurang profesional bin ahli. Tapi didieu para jama'ah diuji ku Allah Swt bisa teu ngadalikeun emosi jeung pikiran dina mangsa keur ngalaksanakeun ibadah di tanah suci, geuning nu sadar mah pasrah sumerah ka Allah Swt bari teu kendat ngado'a jeung usaha sangkan disalametkeun tina ieu musibah. Tah didieu tugas pikeun pimpinan rombongan kumaha carana ngadalikeun anggota rombongan sangkan salilana sabar jeung tenang dina nyanghareupan ieu salah sahiji kajadian. Mina teh cenah mah mangrupakeun tanah haram dimana panggoda syetan kacida pisan berat pikeun jalma anu keur ngalakonan ibadah haji, kurang-kurangna urang bakal cilaka lamun teu bisa ngadalikeun emosi jeung pikiran dina mangsa keur ngalakonan ibadah jumroh (maledog setan) anu nurutkeun nafsu mah sok hayang buru-buru cenah bari jeung teu nolih kana kaayaan sabudeureunana.
cag...ah, (punten lamun aya nu lepat) "kkbm'69" -nu hayang sagancang ngalakonan ibadah haji ka tanah suci........amim
