Janten emut jaman kapungkur taun 80an Kaleresan aya wargi kapi-kapi (duka da bingung kapi naon...) nu beurat beunghar bru di juru, bro di panto, ngalayah di tengah imah teh nyaan etamah Hanjakal, kulawarga abdi mah teu kakecretan beungharna sakedik-kedik acan heheh.. Bakat ku beunghar sareng tilas Wa dana di Bandung jaman baheula, teu kunu babantu di bumi anjeuna wae, tapi ampir sadaya urang lembur sok nyebat ka anjeuna teh Juragan, janten we nelah Agan.
Unggal dinten mios sakola ka SMP Wado, abdi kedah naek angkot. Ongkos nu dipundut mung Rp. 25,00 dugi ka pasar, tebihnamah ka Alun- alun Wado. Tidinya diteraskeun mapah mapay-mapay jalan Parungrengrang nu ngemplad dugi ka Buah Ngariung. Dina hiji waktos, kaleresan saangkot sareng eta juragan, calik dipayun caket supir. Salami di jalan teh teu aya deui iwal ti pabetem-betem, da kararagok masing kapi wargi oge. Reg, dugi ka pasar Wado song abdi ngasongkeun ongkos Rp. 25,00 ka supir, saur anjeuna teh,"Wios, ieu we sakantenan." Meuni asa bingah dipangmayarkeun da lumayan cicisna kanggo jajan. Tapi asa aya nu ngaganjel na manah, bingung. Sanes kunanaon bade nganuhunkeun bari teu terang kedah nyebat naon ka anjeuna, Bapak? Mang? Uwa? Aki?...tungtungnamah "Nuhun, Gan !" Anjeuna imut tapi bari kerung Sontenna, kajantenan harita didongengkeun ka pun biang, saur anjeuna teh,"Heu...heu heu nya paingan atuh ari nyebut Agan mah pan maneh teh lain babuna, Uu kituh da kapi uyut " Ro2 --- In [email protected], "oman abdurahman" <[EMAIL PROTECTED]> wrote: > > Kang Brad, leres pisan, kecap "juragan" (disingget jadi "agan" atawa "gan"), > ayeuna geus dilegaan fungsina. Upama teu lepat abah Surya anu ngapopulerkeun > hal eta teh. Numutkeun anjeunna, sae pisan upami kecap "agan" atawa "gan" > dijadikeun kecap loma anu fungsina keur ngahargaan anu diajak > ngobrol/ngawangkong. Kitu gan Brad. > > baktos, > manAR > >
