Brunei Kang? ....enya Brunei teh nagara leutik tapi kacida beungarna. Tapi ieu sababaraha info nu kadenge ku kuring:
1. Brunei Darusalam, nagara monarki absolut. Teu boga parlemen. Sultan alias raja kawasa pisan, kitu deui kulawargana. Nagara Brunei lain milik rakyat Brunei, tapi boga Sultan jeung kulawargana. Rakyat biasa mah sapamerean we. Ieu mirip jeung karajaan Arab Saudi. Kontitusi Arab Saudi boga aturan 1/3 tina panghasilan nagara, jadi milik kulawarga Raja. Katurunan raja-raja di Arab Saudi, rek digawe atawa moal, meunang subsidi ti nagara nu jumlahna gede pisan dibanding subsidi keur rakyat biasa. 2.Adina Sultan Brunei, Pangeran Jeffrey baheula sina ngagolangkeun duit karajaan Brunei. Kulantaran awuntah, sababaraha pausahaan Brunei di luar negri, rugi. Tapi Sang pangeran ukur dieureunkeun, teu dituduh korupsi, maklum ka adi. Aya carita soal awuntahna sang Pangeran ieu (rarasaan mah kungsi ku kuring di posting didieu). Sang Pangeran ngumpulkeun harem (selir) nu gareulis ti mana-mana, kaasup salah saurang Miss kecantikan ti hiji nagara "kulon". 3. Padumuk Brunei teu nepi ka sajuta urang. Tah saha nu ngagaja Brunei? tantara Gurkha!. Pasukan Gurkha teh pasukan karajaan Inggris, nu tantarana ti suku Gurkha di India. Pasukan Gurkha disewa ku karajaan Brunei keur ngajaga nagarana. 4. Lamun teu salah, di Brunei nu khotbah di Masjid kudu boga surat izin ti Sultan. Jadi teu siga di urang, nu khotbah di masjid bisa saha wae. DI Brunei moal aya nu khotbah nyarekan Sultan .... da sieuneun izin khotbahna dicabut! (plus dihukum). 4. Ah...loba teuing, nu jelas mah Brunei teh sarua jeung kacamatan di Jawa atawa kabupaten di Kalimantan. Tangtu we leuwih gampang ngatur padumuk nu jumlahna ngan 500 rewu urang dibandingkeun jeung Indonesia nu jumlah padumukna 500 kali lipatna (250 juta!). Bade nurutan sapertos Brunei atawa Arab Saudi? Ari soal makmurna mah hayu ...ngan ari sistem nagarana mah, wah katingaleun jaman. Sistem karajaan Arab Saudi diramalkeun bakal runtag sabab loba rahayatna nu teu sugema. Ayeuna oge geus katingali, loba aksi kaheurasan di Arab Saudi nu sering diwartoskeun ku media. Tapi Brunei mungkin leuwih langgeng, sabab padumukna saeutik pisan, ngan ratusan rewu ..... Baktos, WALUYA --- In [email protected], Sawaluddin Sawaluddin <[EMAIL PROTECTED]> wrote: > Pelajaran dari Brunei Merdeka ! > > Hari Jum'at dan Sabtu pekan lalu, Brunei Darussalam merayakan Hari Kebangsaannya. Ada beberapa catatan yang menarik untuk kita cermati.
