Hanacaraka datasawala... anakbuahna cilaka, bosna kababawa.. heu heu
-dul- --- In [email protected], "waluya56" <[EMAIL PROTECTED]> wrote: > > Kajadianana ieu sapuluh taun katukang, caritana kuring boga imah, > meunang meuli ti dulur jauh pamajikan, nu keur butuh duit pisan. Dulur > pamajikan teh maksa imahna hayang dibeuli, da manehna boga hutang > gede. Nya ku pamajikan teh dibeuli, murah da imahna teh teu alus jeung > ayana di sisi sawah di Bandung kidul. Dasar milik, tilu taun ti > harita, di daerah dinya teh diwangun sakola, atuh jadi rame, imah > kuring dijadikeun tempat indekos mahasiswa nu sarakola didinya. > Luamayan keur nambah2 panghasilan. > > Ngan nyaeta kulantaran kuring mah cicing di Bandung kaler, tempat > indekosan teh jadi jarang ditempoan, maklum kuring jeung pamajikan > pakepuk ku digawe. Barudak nu kost teh sering protes, listrik teu > hurung, telepon sering ngadat. Nu kitu mah masih bisa dibereskeun, eta > ari geus kapalingan, waduh hese ngakalanana, Nu leungit dipaling teh > ti mimiti sapatu tepi ka komputer. > > Boga ide, rek mayar we urang dinya sina pangmereskeun hal-hal nu > karitu. Kabeneran aya nu daekeun, imahna teu jauh jeung imah nu dipake > kost-kosan. Pamajikanana kawawuhan pamajikan kuring. Teu jelas > pagaweanana mah, ngan kaciri jalmana mah segut digawe, daek diutuh- > etah. Jadi weh manehna teh nu dipihapean tempat kost-kosan. > > Sanggeus dipihapekeun mah, barudak nu kos teh tara kapalingan. Kuring > jeung pamajikan jadi tenang, nu dipihapean teh geuning tanggung jawab > pisan. Nepi ka hiji waktu di bulan Puasa. Harita teh geus maleman > lilikuran, geus deukeut ka lebaran. Tengah peuting, telepon disada, > kuring bari lulungu ngangkat telepon :"Hallo???" > > "Ini rumahnya Pak Waluya?", ceuk sora tiditu teh mani teugeug. > > "Betul, dari siapa nih?", kuring ngajawab. > > "Ini dengan Pak Waluya sendiri yah, Si X itu pekerja Pa Waluya, bukan?" > > "Apa .... si X?", kuring balapbap-belebbep, nginget2 da rarasaan teu > teu boga pagawe, jeung ingetan teh ka kantor tempat digawe. Ngarasa > teu boga pagawe, kuring ngajawab: "Bukan ....ini dari siapa sih?" > > "Kami dari Polsek Pak, masa bapak tidak kenal dengan si X dari B, > katanya pekerja bapak!" > > Gebeg teh, pulisi geuning nu nelepon teh. Jadi ras inget kanu > dipihapean imah, heueuh meureun si eta, ngan teu ngarti make aya di > Polsek sagala jeung make ngaku pagawe kuring sagala, pira ge > dipihapean imah. > > "Oh X, dia mah bukan pekerja sayah Pak, cuma dia yang dititipin rumah > saya yang di B. Lalu kenapa dia ada di Polsek?" > > "Lha ...ngaku sajalah Pak, Si X pekerja bapak. Tahu enggak dia sudah > ketangkap lagi!" > > "Apanya yang ngaku", ceuk kuring teh bari ngadak2 suku jadi > leuleus, "Emangnya kenapa si X?" > > "Nyopet deui Pa!", cenah ceuk sora bah ditu teh make basa sunda, "Si X > rek nyopet nu mudik nu keur ngantri di stasion. kepergok, > ditareunggeulan. Langganan Si X mah, tukang copet di stasiun jeung > pasar Baru. Pekerja Bapak kan?" > > Kuring beuki ngahuleng, suku karasa beuki ngaleuleusan, pikiran > langsung boa-boa kuring disangka bos copet yeuh. Gancangan dijawab > deui: "Pak, si X itu yang dipihapean imah sayah nu di B, kulantaran > imahna deukeut. Kalau dia tukang Copet, mana saya tahu?" > > "Ya ...ya ...kami akan cek lagi, besok akan dihubungi!", cenah, bari > sorana tetep teugeug. > > "Ya Pak, terimakasih", ceuk kuring teh, bari nutup telepon. Awak jadi > lungse, reuwas kareureuhnakeun. Pamajikan diguyah-guyah sina hudang, > bari digelendeng, naha nu dipihapean imah teh geuning tukang copet. > Jadi kababawa. Tepi ka saur kuring teu sare deui. Ingetan teh ka poe > isuk, meureun kuring bakal kadatangan pulisi make kijang buntung, > terus .... kuring ditaekkeun bari diborgol. Tatangga papada > narempokeun. > > Pamajikan ngupahan, pedah dulurna pulisi nu pangkatna rada luhur:" > tenang-tenang Pah, aya Mang A, ke urang telepon" > > "Montong", ceuk kuring teh, "Ke we lamun masalahna jadi gede, era > nelepon subuh keneh kieu" > > Isukna, ditungguan teh pulisi teu embol-embol. Ka tempat kos-kosan oge > dicek. Enya we si X teh euweuh di imahna, ceuk pamajikanana mah keur > usaha cenah. Teu dibejakeun yen kuring peuting ditelp ti Polsek mah, > karunya, da meureun pamajikanana mah teu ngartieun. > > Waktu poe kadua lebaran, kuring jeung pamajikan ka tempat kos- kosan, > terus ka imah si X, maksud teh rek ka pamajikanana mere bingkisan > lebaran. Kasampak teh si X aya, awakna pinuh ku plesteran, rada > barengep ...jeung buukna gundul. Manehna ngajak sasalaman bari ngeluk, > ku kuring diteuteup, sabenerna mah hayang ngomong: "Na ari sia, geus > jadi copet, mamawa aing deuih, ayeuna geus kaluar deui ti tahanan" > > Ngan teu pok da piraku di poe lebaran kudu ngawakwak mah. Ceuk dongeng > tatanggana mah si X teh kakara meunang nebus ti pulisi ..sa ehm, > cenah. Ditebus ku dulur-dulurna. Kulantaran sieun kababawa deui, imah > kos-kosan teu dipihapekeun deui ka Si X, alesanana mah moal > dipahapekeun deui, da rek dijual ... > > > Baktos, > WALUYA >
