Tah gening, sim kuring mah resep upami aya nu tiasa nyandak kasimpulan sejen
tina tulisan pamadegan anu lian.Henteu malulu kacandak emosi "massa".
Salah sahijina kang Jalakpakuan anu tos tiasa narik kasimpulan sejen tina
eusi tulisan kang( teh kitu? ) Ely.
Nuhun ah kang. Ieu nandakeun aya wacana demokratis.
Teu kedah ningali saha anu nulisna, tapi upami eusina tiasa ngabangkitkeun
inspirasi kangge kamajuan ki sunda , nya teu aya lepatna ku urang dibaca. Upami
urang alim maca tulisanna mah langsung we didelete, ulah jalmina anu
ditalapung.Margi dina perihal millis kanggo umum mah wajar pisan aya anu pro
sareng kontra teh.
Janten upami kontra kana eusi tulisan salah sawios anggota millis ulah teras
anggota millis eta ditalapung, margi tangtos aya nu prona oge tah kana eusi
tulisanna.
Demokratis we nya saena mah.
Upami numutkeun penilaian sekelompok anggota tulisanna rada "culangung",
nya urang leukeunan we atuh urang paparin pamadegan sejen sangkan kapayunana
tulisanna ulah karaosna "culangung" deui. Kitu oge upami satujueun anu
gaduh pamedegan sanesna.
Nuhun kang Jalak pakuan , saha atuh jenengan aslina teh ?. Kitu deui teh
/Kang Ely saha jenengan pamasihan ibu rama anjeun teh? .
Wassalam
Jalak Pakuan <[EMAIL PROTECTED]> wrote:
Baraya, diluar bubuka nu nyambit sababaraha wargi, ieu tulisan Sdrk
Lita matak reuwas keur kuring mah sabab aya sababaraha fakta nu perelu
ditengetkeun.
Ieu tulisan teh dasar pisan ngeunaan posisi basa sunda, kamana fungsi basa
sunda jeung fungsi/peran urang sunda kiwari jeung kahareup? Diadukeun jeung
fungsi basa Inggris jeung nembongkeun US nu ngafungsikeun basa Inggris kalayan
teu ninggalakeun basa sunda. Nyaan ieu mah tantangan nu teu euleum-euleum keur
sim kuring pribadi (asana mah relevan mun jadi tantangan keur US balarea);
Sdrk Lita maca masalah diluhur ku mere conto "teu jelasna" arah atikan nu
aya di tatar sunda. Lain nyepelekeun paguron luhur nu disambit, tapi urat
badagna memang asa teu jelas lobana paguron di tatar sunda dikaitkeun jeung
naekkeun kualitas urang sunda (lulusan nu mandiri vs jadi beban?). Tambahan
deuih nanya nu seukeut, naha bet paguron nu dilobakeun lain lapangan kerja? Ieu
metot ka pikiran kuring parobahan di Bandung sabeundeureun nu asalna daerah
industri nu lalaunan geuning jadi kota dagang/wisata. Nu asalna nampung loba
tanaga pagawe jadi saeutik tanaga pagawe.
Aya kontroversi naha US teh miskin atawa baleunghar tapi pedit? Ieu oge nu
jadi pamikiran sim kuring ahir-ahir ieu. Sok ras inget basa musibah tsunami di
pakidulan, Kulawargi Jabar di Jkt ngagalang neangan dana, harita targetna cukup
1 milyar. Naaaa ari kamari urang minang keur ngubaran tina musibah lini,
jeleger bisa 20 milyar!
Eta tilu hal/pesen nu penting numutkeun sim kuring nu aya dina tulisan Ely
Evalita nu keur sim kuring mah masalah nu dadasar pisan, beda jeung nu kaala
basa ti heula macana saliwat.
Nuhun ah,
JP
ely evalita <[EMAIL PROTECTED]> wrote:
Sampurasun, wilujeng weungi warga USNET umumna,
Atuh teu hilap ka kang Waluya nu ngagugulung wae buku fisika bari jeung teu
pinter-pinter, atuh ka teh Ika anu buburuh nepi kasubuh kuli nepi ka wanci
janari untuk sesuap nasi, ka Ambu anu asli bumen-bumen didaerah bronx na
bandung oge anu sok malipir daerah kumuh, kucel, kumel daerah Cicadas,
Sukaluyu, Cihaurgeulis, Cicaheum, oge teu hilap akang anu nuju sakola
adminsitrasi diluar negri anu engkena janten MBA (Master Bari Andekak), atuh ka
nonoman sunda nu karasep anu gareulis, anu mahasiswa anu mahasiswi, anu
ngalanggur mang taun-taun anu resep mukaan www.lalatX.com, nya kitu oge anu
pentingnamah ka kang Sidik anu obsesina palay janten pejabat, duh cape yeuh
ditataan hiji-hijimah, kasadayana we urang Sunda nu pangangguran lebet ieu
milist. Pribados bade ngadongeng, kieu dongengna.
Bahasa Inggris teh dijaman kimari jadi bahasa anu paling penting, sabab jadi
hiji alat komunikasi verbal anu paling canggih, paling gampang, kusabab kitu
sok ayeunamah urang sunda teh beralih ka basa Inggris supaya basa inggris
paling heunteu jadi basa kadua saeunggeus basa Indonesia.
Ari basa sunda dimana ayana ? Tong sieun baraya, basa sundama otomatis matri
dina diri orang Sunda,pasti dipake dina komunikasi sabangsana, artina teu kudu
dipelajari deui da etamah otomatis napel dina letah. Jeung deui geus teu jamana
make basa Sunda anu undak usukna matak ngaripuhkeun anu make, anu jelasmah anu
otomatis napel kana diri teh basa Sunda anu basajan. Jadi lamun hayang basa
sunda dipakai dina basa pergaulan luas ditatar sunda, justru kudu terus
disaderhanakeun, supaya ceuk jawanamah "Kromo ingggilna" heunteu dominan. Nu
pentingna mah sakali orang Sunda kamana wae pasti ngomong sunda jeung baturna.
Balik deui kana basa Inggris, basa inggris teh keur kahirupan modern
bener-bener unggul, contona we, hiji awewe orang sunda anu jadi babu di
mancanagara modalna hiji nya kudu bisa basa Inggris, bayangkeun ku bisana basa
Inggris manehna bisa naekeun harga jual, tina ngababu di orang sunda deui nu
ngan dibayar 250 rebu perak sabulan, atawa di orang cina anu dibayar 500 rebu
perak sabulan, waktu ngababu di Amerika bisa dibayar US $ 8/sajam kira-kira US
$ 1000/bulan kira-kira 9 juta perak sabulan.
Loba contona pentingna basa inggris teh.
Kang Ibing orang Bandung moal bisa diundang jadi penceramah agama di Sindey
Australia lamun bisana ngan bisa basa sunda, tapi manehna kapaksa kudu bisa
basa Inggris, mangga taroskeun ka kang Ibing atuh.
Atuh Mohamad Joban disingkat M Joban, asli orang Sunda, orang pasar rebo
Purwakarta, anjeuna bubuara di Amerika tos aya belasan tahun (pemegang Green
Card), ayeuna anjeuna janten Presiden of Imam and Fatwa for Wasighton State oge
modalnya nya basa Inggris. tapi basa Sundana teu leungit. Kantos sakali abdi
ngadangukeun ceramahna di hiji lapangan Seattle, WA. jamaahna nya
bermacam-macam. Basa inggrisna norolang, tapi saatos ceramahmah, abdi
nepangkeun yen abdi orang Bandung anu nuju jalan-jalan ngalongok pun lanceuk,
der teh anjeuna nyarios nganggo sunda Purwakartaan anu norolang, eh tidinya
der limaan genepan, tujuhan jadi belasan anu ngariung ngobrol basa Sunda, malah
der hiji, dua tilu bule-bule USA ngabodor cenah abdi oge Urang Sukabumi Asli
(USA), matak kayungyun bule ngabodor make basa sunda, kutan teh manehna tahunan
di Sukabumi (janten peneliti geologi, deur meunangkeun urang sukabumi,
putra-putrana oge basa sundana teu goreng-goreng teuing, nu hebatnamah
perpaduan USA + Sukabumi teh menghasilkan Indo nu geulis tur kasep). Duh matak
waas di hiji lapangan di ujung dunya anu tiis, masyarakatna ngobrol basa sunda,
make terus bobodoran khas sunda tea anu rada jorang,
Atuh upami para wargi palay uninga M Joban orang pasar rebo anu janten da'i
di USA anu janten President of Imam sanaga bagia WA, mangga we search di
yahoo/google nganggo "M Joban Seattle", jamaahna dugi ka Houston anu jauhna
rebuan mil ti Seattle. Ajeuna sukses "menunjukan bahwa ada Islam" didunia ini.
Balik deui kana basa Inggris.
Basa Inggris memang kacida peuntingna keur urang sunda anu hayang muka diri
kana pengetahuan, sabab urang teu cukup diajar di bandung di UPI (Universitas
Padahal IKIP) atawa di Universitas Garut, lamun ngelmuna ngandelkeun tipaguron
model kitu wungkul atawa didinya wungkul bisa dipastikeun elmuna nya kitu-kitu
wae, UPI, Universitas Siliwangi, Universitas Garut jeung sajabana ngan
ngahasilkeun nonoman beban nagara. Lamun urang kitu wae tong salah lamun
hasilna nya masyarakatna jiga kieu, ngaligeuh euweuh gawe, ngan ngahasilkeun
pangangguran tiap tahun, atuh antukna nya prustasi nya balik deui jadi ngored
ata ngebon cara tradisional tea. Atuh pejabatna paling luhur jiga kang Sidik
anu kurung batok, anu teu bisa mencar (basa budak ayeunama Creative and
Inovative), anu teu leuwih ti jadi pejabat jaman samemehna nyaeta jelema loba
kasieun, saurna oge ka atasan teh kumaha bapa we anu pentingmah abdi tiasa
emam, naek pangkat terus jeung teu dipecat, tujuana engke meunang
pensiun di usia 55 - 63 tahun (kitu pan jadi pegawai negrimah).
Basa Inggris, asupkeun kana kurikulum SD, guruna tong sieun, di Bandungmah
pabalatak, eta lulusan UPI anu ngalanggur pabuih, meuning titah ngajar SD di
desa-desa, maranehna Insya Allah daraekeun dibayar UMR oge, daripada ngaligeuh
atawa ngajentul hareupeun hawu atawa surfing lalatX.com.
Ti mana mayarna ? Tah ieu bagian ka Sidik anu mikirna lamun hayang
ningkatkeun diri jadi pejabat anu Creative and Inovative. Emut saderek
Jawabarat teh sumber uang. Di Jawabarat tempat ngumpulan jelema beunghar anu
koret, medit, meregehese. Sok atuh bagian kang Sidik eh punten, maksad teh
bagian pejabat sapertos ka Sidik anu ngorehan timana sumber dananya ti jalmi
baleunghar tea dalam bentuk pajak . Omat kang ulah baramaen ti pemerentah
pusat, sabab etateh duit upeti ti Propinsi luar jawa anu diperes anu kabeneran
masyarakatna ayeuna masih leuwih barodona ti urang sunda, jadi can berkutik
diperes ku pemerintah pusat teh. karunya lah.
Abdimah resep lamun ninggali USA, Inggris, Australi, Jerman jsb. Sakola teh
gratis pisan, jadi sakabeh anggauta masyarakat meunang hak anu sarua keur
minterkeun diri, jadi boga kasempetan anu sarua keur ningkatkeun harga jualna,
jumlah sakola oge teu loba, sacukupna keur masayrakatna.
Iraha di Jawabarat jiga kieu nya ?
Anu bingungmah di Jawabarat Sakola durder mencengis jiga suung, lain lapangan
kerja anu dibangun teh, kudunamah industri anu dibangun kalah ieumah sakolana
heula, padahal sakolamah otomatis mecenghul lamun setiap masyarakatna digawe.
Ieu geura contona di garut aya Universitas, teu kabayang hasilna sarjanana jiga
kumaha ? ITB wae anu kahot panghadena sa Indonesia oge ngan nepi ka urutan 250
dinya ukuran dunyamah. Tapi lain eta anu pentingnamah, keun we berdirimah da
enggeus, artina ngajieun lapangan kerja keur para lulusan PT anu rada OK, anu
harayang jaragi guru di paguron luhur, keun we di paguron asal jadi oge. Atuh
ayeunamah urang mikir kahareupna ieu alumnina rek dikumahakeun, elmuna ngan
sakitu-kituna, ngan sadiberena di pagurona, bari teu maca sumber aslina dan teu
becus basa inggris tea. Naha ieu lulusan dititah ngarangon meri wae kitu atawa
jaradi anggauta DPRD atawa jaradi pagawe pemda.
Atuh sakieu heula we pancinganana, cing sugan aya warga USNET anu mikir
..........
Insya Allah sasih payun pribados tos tiasa ngangganggu deui warga USNET anu
pangangguran tea.
wass
Elly Evalita.
---------------------------------
We won't tell. Get more on shows you hate to love
(and love to hate): Yahoo! TV's Guilty Pleasures list.
Makarya Mawa Raharja
---------------------------------
Don't pick lemons.
See all the new 2007 cars at Yahoo! Autos.
---------------------------------
Don't pick lemons.
See all the new 2007 cars at Yahoo! Autos.
