50 UE, VISI 2030 Jeung Kasundaan Bag.2 Dina raraga mikir global tapi aksi lokal, kuring ngajukeun sababaraha pamikiran, hasil ngompilasi kajadian sababaraha waktu anyar-anyar ieu. Bahan dasarna mah tina warta di koran Kompas minggu kamari. Jadi lamun aya data atawa informasi anu salah, estuning eta mah kasalahan ti pihak kuring, anu masih cetek keneh dina nganalisa jeung nyokot hiji infomrasi ti salah sahiji sumber. Disuhunkeun saran sareng kritikna kana seratan di handap. hatur nuhun.
Kataji ku perkembangan Uni Eropa (UE), anu ngadeg dina 25 Maret 1957, waktu dijieun Traktat Roma (harita ngaranna masih Masyarakat Ekonomi Eropa), dimana nagara anu nanda tangan eta traktat teh nyaeta Jerman, Belgia, Italia, Luksemburg jeung Walanda. Kiwari para anggota UE geus jadi 27 nagara. Katingali eta organisasi teh lain sakadar kumpulan para elit politik, tapi oge dirasakeun ku sakabeh rahayat anggota UE, dina hal liberalisasi ekonomi, geus ningkatkeun darajat kasejahteraan jeung naekkeun standar hirup urang Eropa. Didieu jigana Turki anu sabagean gede wewengkonna aya di Asia, hayang asup (tapi can ditarima, ceuk cenah mah kusabab rakyat Turki kalolobaanana ngagem agama Islam, ari Eropa pan katolik jeung Protestan, rada-rada rasialis nya!) jadi anggota UE. Teu heran atuh, da jiga dina soal pergaulan, lamun urang ngahiji jeung jalma-jamla bodo atawa miskin, bisa kabawakeun bodo jeung miskin. Tapi sabalikna lamun ngahiji jeung jalma jegud, kabawakeun jadi jalma jegud. (ieu mah sakadar conto wae, nagara ASEAN pan aya Myanmar, anu militeris jeung otoriter tea, atuh puguh wae bisa jadi contoh pikeun militer Thailand pikeun ngawasa nagara sacara militeristik. Ieu mah sakadar conto heureuy, punten ah, ka para pangawasa nagara Thailand). Lamun urang ningali sajarahna Eropa, anu baheula (sababaraha nagara) boga tradisi jiwa ekspansionis (ngajajah tea),ngembangkeun eksplorasi pamikiranana jeung eksplorasi dina ngolah alam, anu ahirna ngalahirkeun revolusi industri. Atuh dina segi pemikiran kanagaraan, pan baheula kakawasaan gereja (katolik) oge bisa nangtukeun kakawasaan nagara, anu ahirna lahir pamikiran John Locke, Rousseau jeung nu sejenna. Dina hal kaagamaan pan aya aliran Lutherian (protestantisme) anu ngalawan dominasi gereja ka nagara. Leuwih jauh deui lahir aliran Calvinisme, anu mangaruhan dina widang individualisme jeung lebertarianisme. Atuh Perang dunya kahiji mucunghul mimitina ti Eropa. Nya kitu deui, perang dunya kadua, kalolobaanana anu jadi korban teh bangsa-bangsa anu cicing di Eropa (kaasup bangsa Yahudi?) Sok sanajan masih jadi perdebatan faktor naon anu boga pangaruh kana kamajuan, ceuk kuring mah, jigana naon anu didongengkeun di luhur teh, mangaruhan kana perkembanan UE ayeuna, jadi salah sahiji beungkeutan kana jati diri bangsa-bangsa Eropa. Baktos, mrachmatrawyani ____________________________________________________________________________________ Need Mail bonding? Go to the Yahoo! Mail Q&A for great tips from Yahoo! Answers users. http://answers.yahoo.com/dir/?link=list&sid=396546091
