Punten Kang Asep,
Simkuring bingah tur reueus ku keresana Akang ngadamel seratan ngeunaan
sajarah urang ti mimiti karajaan Salakanagara, komo deui ieu dina basa Inggris.
Saratus lah kanggo Akang! Aki Tirem..., aya oge nu "ngaku-ngaku" yen si aki
ieu karuhun salah sahiji etnik di Indonesia. hehe....sae.
Kang, upami judulna Sunda Land naha moal "pabaliut" sareng Sunda land versi
sanes, contona arkeologi (?), kitu?. Anu dina sababaraha seratan abdi mendakan
yen Sunda land teh wewengkon anu ayeuna mah disebat Sunda Besar, Sunda Kecil,
Malyasia Peninsula, jrrd, nu kapungkurna ngahiji. Sunda Land sok disajajarkeun
sareng Sahul. Malah di Australia mah aya cocooan atawa game "Sunda to Sahul",
nu ngangkat carita ieu. Atanapi eta mah ngan saukur ngaran keur milah-milah
sasaton wungkul damelan Alfred Russel Wallace?
Seratan ngeunaan Sunda land eta, perenah ku kuring didongengkeun ka
babaturan urang peuntas anu tataros ngeunaan asal-usul Sunda. Nu waktos harita
kuring teu acan maca naskah kagungan pangeran Wangsakerta ( muhun tina buku alm
Mang Ayat, alm Mang Edi sareng alm Mang Saleh, alm Mang Aca, mang Yoshep).
Cindekna, upami Sunda land wewengkon nu disebat diluhur, panginten nu matuhna
oge disebut urang Sunda. Janten, urang Malayu, urang Philipina, jrrd oge
karuhunna urang Sunda. Heu euh...baheula. Heuheu...analisa nyanyahoanan!
Tadina mah kuring mung hoyong ngajentrekeun ka babaturan teh, yen...memang
bisa kaharti yen urang Indonesia teh dulur lain ngan ukur diwengku ku nagara
Indonesia wungkul tapi geus ti baheula keneh. Mung babaturan teh beda
pamadegan, da cenah seler manehna mah...asalna ti rombongan nabi Nuh nu kasasar
tepi ka wewengkon Indonesia ayeuna. heheh...deui wae!
Keur sakuringeun, seratan pangeran Wangsakerta atanapi Sundaland versi
arkeologi (?) sarua/sajalan nandeskeun yen urang Indonesia, Malaysia jeung
sabudereunana anu baheulana Sundaland teh dulur atawa baraya keneh. Sanajan
ayeuna, nu disebut urang Sunda teh ngan saukur nu matuh diwewengkon titinggal
Pakuan Padjadjaran, atawa West Java versi Walanda taun 1926 (?) atawa oge Jawa
Barat jeung Banten versi Indonesia. Cindekna keur sakuringeun: Pangeran
Wangsakerta sajalan jeung "sajarah" Sundaland. Heup...ah loba teuing wadulna.
Rujukan :
1. Mitochondrial Genome Variation and Evolutionary History of Australian and
New Guinean Aborigines - Max Ingman and Ulf Gyllensten, Dept of Genetics and
Phatology, Univ. Uppsala, Sweden.
2. http://sagacity.aires.com.au/SundaToSahul.html
3. http://en.wikipedia.org/wiki/Sundaland
Haturnuhun,
siporenges
Postingan ieu versi siporenges wungkul, jadi subyektif pisan.
---------------------------------
Ahhh...imagining that irresistible "new car" smell?
Check outnew cars at Yahoo! Autos.
