Euleuh.. Eta nu disebatkeun 'mati-suri' tea panginten nya? Ibu-na rerencangan abdi ge aya nu sapertos kitu, nanging sanes satengah jam, ieu mah dugi ka satengah dinten. Raraosanana mah saurna asa nuju jalan-jalan di kebon nu pinuh ku kekembangan, sareng deuih raraosanana mah mung sakedap pisan, teu dugi ka jam-jaman.
Ngan nyakitu, sabada 'gugah', waktosna rada lami kangge jagjag deui na teh, henteu langsung calik, angot dugi ka ngadeg mah.. panginten 'peredaran darah'-na teu langsung lancar. Alhamdulillah dugi ka danget ieu sehat deui, malah langkung jagjag tibatan sateuacan 'pupus'.. Nanging aya nu matak aneh tur araraheng, ayeuna anjeunna tiasa 'ningali nu teu katingali', sakapeung mah matak watir.. eta geura kungsi dugi ka ngudag2 neng kunti bakating ku keuheul, bongan nembongan wae cenah.. Malah kungsi dugi ka geubis, tigubra, saurna mah aya nu nabrak. Tapi anjeunna mah teu ngaraos gaduh 'cecepengan' nu araraneh, boh isim boh elmu kabatinan.. polos wae.. Walloohu'alam.. Nu langkung aheng, anjeunna ayeuna kedah ati-ati pisan 'ngajaga' cariosanana, utamina tong nyumpahan batur. Kawitna mah teu sadar, nanging tos sababaraha kali nyumpahan batur (tangtosna nu goreng) bet geuning kajantenan.. rata-rata mah picilakaeun.. janten ayeuna mah alhamdulillah anjeunna ngadu'akeun batur teh nu sararae we.. amin.. Ah.. kaleresan eta mah panginten nya.. walloohu'alam.. Wassalam, iwan abah kasep wrote: > http://www.pikiran-rakyat.co.id/cetak/2007/052007/16/0105.htm >
