Kang Syam abdi ge nambihan 1 ach Clom giriwil, bodas ukr. L
Salam kangge ka bebegigs Hatur nuhun ________________________________ From: [email protected] [mailto:[EMAIL PROTECTED] On Behalf Of syam ridwan Sent: Tuesday, May 29, 2007 10:31 AM To: [email protected] Cc: [EMAIL PROTECTED] Subject: [Urang Sunda] CLOM giriwil Clom Giriwil Walungan ciuyah ngagenyas caina herang, sanajan geus mangjam-jam tugur nungguan jeujeur ngurunyud, weleh euweuh hiji hiji acan lauk nu nyanggut, panyana teh ari clom ari giriwil. Rajeun aya, ngan ukur kutang nini-nini. Kitu na mah pantes, rumasa melakan ge henteu, make hayang meunang lauk sagala. Ngan dipikir deui, pan kutang nini-nini ge teu rumasa melakan, tapi naha nu ngagiriwil bet nukitu patut. Jeun teuing meunang kutang nini-nini ge, pan lumayan mun jangkep salosin bisa dijual dilapak cimol! Uteuk bisnis kuring mimiti on. Clom tali pancingan dianclomkeun deui kabiwir cai nu rada liuh, sakedapan rombongan éngkang-éngkang birat kagareuwahkeun. Jadol! Cik sing ngadeleh euy! ceuk éngkang-éngkang jalu kekerot bari ngalesotkeun rangkulan haneut bebenena, untung buru buru nyingcet, mun teu kitu meureun kukumbul useup bakal ngabentur hulu manehna. Sajeroning nungguan useup ngurunyud, tamba kesel,leng ngalamun. Sagebrehan, dina beungeut cai ujug ujug aya nu ngalangkang, pas disidik sidik geuning nu ngalangkang teh bebengok kuring, abong cadu ngeunteung, nepikeun ka teu apal kana beungeut sorangan. Beuki lila kalangkang beungeut teh beuki rea, malahan bet aya dina sepanduk,rajeg dina umbul-umbul, narempel dina tihang listrik oge dina bujur bajay. Dihandapna diimplik implikan ku tulisan Ayo benahi Jakarta! Untung ngalamun teh teu kamalinaan, lantaran dak dumadakan tigirang aya bagedor cau ngalengleong palid. Kalangkang beungeut kuring ngiles,kitu deui lamunan pipilueun ngorolos. Tong lahuta euy make luman lamun jadi politisi sagala, bisi teu kabeungeutan, anggur mah jongjon we ngala kutang nini-nini! aya sora tan katingal. Ah tong curak carek euy, ngalamun mah bebas, malahan isukan pageto ge nek ngalamun deui, nyalon walikota chicago, eleh meunang kumaha engke, mun eleh nya ngalamun deui, nyalon lebe cikaso, lumayan mun jadi,pan kiwari keur loba nu kawin, pasti loba berekat! kuring gegerenengan sorangan, bleg jelema owah. Kumadinya, ngan tetep bisnis kutang nini-nini ge prospekna alus euy! Karep teuing, barina ge aing mah teu ngarti istilah pruspak prospek. Awas siah mun ngaganggu deui, dewek nek ngalamun deui! Dikitukeun, jep sora tan katingal jempe. Juru panon langsung manco deui kana jeujeur, katingali tungtung jeujeur semu mendod, kukumbulna sisirilikan, terus ngalelep. Seot jeujeur ditarik lalaunan dibarengan kumuterkeun gogolong kenur. Ana gorehel teh. Jadol ..kutang nini-nini deui. Tapi lumayan. Big size euy. Nomer 36B! Bari sup diasupkeun kana korang. Selang tiharita, rada leuir euweuh nu nyanggut, tong boro kutang nini-nini dalah kolor aki-aki ge lebeng. Atuh der ngalamun deui. Dina beungeut cai breh ngalangkang, beungeut simojang, umat imut, dulak dilak, kulap kelep,bari biwirna anteng ngamomoy kukumbul useup. Saha eta? kuring mimiti tetelepek Maenya teu apal kang! sorana halimpu Saha nya? piraku Dian sastro mah da apal! Karek ge nek engab biwir simojang ngajawab,koloyong ti girang aya nu palid, ngadadak paroman simojang kuraeud baeud bari nutupan irungna, les ngaleungit. Can sidik naon nu ngalengleong palid teh, apal-apal sibarud sobat medok kuring nyorowok ngabejaan ti girang. Pek tah useupan lele koneng dewek! pokna, bari nerelekeun kolorna, berebet lumpat. Kontan huntu kuring pageret, leungeun langsung dipeureupkeun, beletuk diteunggeulkeun. Adaaeuwww! Kuring nyeuleuweung bari niupan peureup lantaran nu jadi sasaran teh geuning batu demprak nu aya didinya.***syam ridwan*** Nu resep "nguseup" mangga toong koleksi hual-hual, duka nuju nguseup naon. ________________________________ ** “This e-mail (including any attachments) is intended solely for the addressee and could contain information that is confidential; If you are not the intended recipient, you are hereby notified that any use, disclosure, copying or dissemination of this e-mail and any attachment is strictly prohibited and you should immediately delete it. This message does not necessarily reflect the views of Bank Indonesia. Although this e-mail has been checked for computer viruses, Bank Indonesia accepts no liability for any damage caused by any virus and any malicious code transmitted by this e-mail. Therefore, the recipient should check again for the risk of viruses, malicious codes, etc as a result of e-mail transmission through Internet”
