Sae MJ. Dirojong pisan. Kuring jadi kabita pisan hayang oge sakola deui. Tapi...anu ngajurung mah aya, ngan teu bari gebro mang dana na. Kuring mah teu boga wawanen jiga MJ.
Diduakeun pisan. Omat, upami hasil "ulin" teh alungkeun. Kuring hayang ngilu maca. Sugan we jadi nyaho. hatur nuhun tantan On 6/15/07, mj <[EMAIL PROTECTED]> wrote:
Tadina mah moal bebeja, bisi dikekeak siga nu euweuh gawe. tapi kusabab patali jeung sunda, nya bebeja we, sugan dibarantuan, dituduhkeun jalan -nuhun mun sakalian dialanteur jeung dibekelan, paling copel didu'akeun. Heuheu Tilu-opat poe katukang meunang surat panggilan. Katampa sakola deui. Di program pasca sarjana itb, program ilmu desain & senirupa. Program Doktor tea, mondok di kantor. Ari calon panalungtikan nu engkena didesertasikeun mah perkawis Estetika Sunda tea, utamana dina widang wangunan atawa arsitektur jeung budaya nu narapel dina widang eta sarupaning parabots imah. Cara nalungtikna mah make jurus ngablu atawa ulin tea, nya kudu nguriling ka lembur2 satatar sunda-milih atawa random surandom sakapanggihna. Nu geus kairong baris dipaluruh nyaeta kampung Adat (anyar) sindangbarang Bogor, terus cek kang Ajip, di Sumedang aya imah urut Bupati Bandung (nu turunan Sumedang) Martanagara, oge aya imah urut Cut Nya Dien nu cenah asli keneh. Oge Garut cipanas. Pedah loba hotel nu make model hateup injuk tapi dindingna tembok (sebut we arsitektur campuran modern+tradisional=post modern). Kahayang mah teu noong kampung2 adat-sabab eta mah geus jadi living museum-budaya wangunan geus eureun, tapi sarupaning imah atawa wangunan urang sunda biasa. Boh nu antik, nu kamari/modern boh nu beh dieu (sebut we post-modern). Nya rek motret kabinangkitan urang sunda patali jeung budaya bumen2, hunian/dwelling culture. Ari gampangna mah rek neangan naon nu sok aya atawa angger-keukeuh aya di imah2 tatar sunda. Ari nyawana nalungtik perkara eta, ku manggih kecap papatah kolot tea, hirup kudu masagi. US make simbol pasagi pikeun conto hirup hade. Opat sisina rata. Sarua. Duka ti iraha eta papatah. Naha karuhun urang baheula geus boga rumus dina urusan rupa (bentuk), buleud, pasagi (bujursangkar, square, segitilu, jsb. Kungsi keur ngahuleung hareupeun komputer di imah-bari ngomong sorangan, indung budak lumpat ka dapur. Teu lila balik deui mawa hihid. Haha. Tuh tingali! Pokna. Enya, bentukna pasagi, lapis luar/nu gedena. Nu leutikna, segitilu. Timana eta bentuk asalna, nya? Bentuk segitilu eta ditapelkeun kana hihid nu pasagi, pikeun nguatkeun bentuk segi opatna. Jadi leuwih anteb dipakena tah sakadang hihid. Eta mah conto kabisa karuhun nyieun sarupaning parabot nu make model bentuk kotak jeung segitilu. Beh jauhna nya noong imah. Sanajan istilah estetika asalna ti kulon (Baumgarten) nu cenah beh ditu ti Yunani Kuno jaman Toto Plato atau Aris Aristoteles, si kuring yakin, karuhun urang oge boga, sanajan teu ditarabeuh. Ke urang toong ka terjemahan naskah Siksa Kanda Karesian (Atawa Galunggung Message tea) di ua Sas. Pasti boga sarupaning rumus dasar atawa paling copel carita ngeunaan soal kaendahan dina rupa. Ngan can sugema pisan, sabab beasiswana (bpps cara keur s2 kamari) can aya pengumuman. Cenah pertengahan agustus. Tapi daptar ulang awal agustus. Jaba pangulinan teu boga anggaran taun ieu pikeun nalangan. Hadena aya imah di antapani. Kontrakanana pikeun spp awal. Itebe ayeuna mah model suwasta (cap bhmn tea), aya uang kuliah tetap, 3,5jt/semester, jeung uang SKS, sa SKS Rp 350 rebu. Baheula mah lempeng we. Mayar sakitu rebu keur sasamesteren. Ke urang tanya, kaci teu ku pare atawa kalapa. Haha.
-- tantan hermansah www.tantanhermansah.co.nr "jig geura narindak; jeung omat ulah ngalieuk ka tukang!" --siliwangi--
